Kajadian tarung dua jagoan teh, langka pisan kajadian; nu matak euweuh hiji ge nu diundang teu daratang; Ondangan ge diwatesan pisan; teu sakabeh paguron Silat diundang. Tapi akhirna mah nu daratang ka dinya teh jadi 5 tikel ti nu diondang; lantaran rata2 hayang nyaksian ieu tarung nu langka pisan. Maranehna nyieun tenda disabudeureun daerah Bromo.Baheula tarung Setan Alas Kobar lawan Mawar Hideung; malah euweuh hiji ge nu diondang; lantaran eta mah tarung nu duaan ! Ulah diilueun ku pihak katilu.
Tapi di na waktu ieu ngahaja Sanggabuana ngumumkeun jeung ngondang, cenah supaya Para pendekar Pulo Jawa sadar; yen lain maranehna wungkul nu jarago teh; Urang Bali ge loba jagona ! Malah nu penting pisan mah, Ieu Ki Sanggabuana hayang ngelehkeun Ki Nurustunjung dihareupeun para Pendekar ! Eta utamana mah. Ki Sanggabuana ngarasa yakin, bisa ngelehkeun Ki Nurustunjung. Di na waktu ieu. Maranehna bungangang pisan nyaho yen Mawar Hideung turunan Ki Nurustunjung; bejana Ki Nurustunjung geus lila nyumput teu daek nembongan ka Dunya Kapendekaran; tapi ku sabab aya turunanana pasti Ki Nurustunjung oge bakal turun. Episode ka 90 : Dua Jago kahot ngadu Elmu Tapi samemeh Mawar Hideung jeung Ni Luh Santi, ngadu Elmu Ki Nurustunjung jeung Padmini geus ti heula ngadatangan markas Singa Barong; lantaran maranehna nyaho yen dua Datuk Pesilat ti Bali; lain tandingan Mawar Hideung; adu jago kudu dihalangan; samemeh Mawar Hideung manggih karerepet jeung kasusah. Kadatangan Ki Nurustunjung jeung Nyi Padmini, tangtu we ngagujrudkeun Kumpulan Singa Barong; oge semah2 nu daratang di luar Markas Singa Barong, lantaran teu kanyahoan datangna; nyaho2 geus aya di tengah2 maranehna; ngan Ki Sanggabuana jeung Wiloka nu apal datangna eta dua tokoh teh. “Hahahaha ! teu sangka ku Kaula sampeyan bakal datang samemeh ieu tarung ! Hahahaha ! Ana kitu hayu tarung nu baheula urang teruskeun ayeuna !” Cek Ki Sanggabuana yakin pisan. “Hahahaha ! geus teu hayang tarung deui saenyana mah; ngan wae Kaula rek nyegah sampeyan ngahurup anak Kula Mawar Hideung; jadi kapaksa Kula ayeuna bakal tarung jeung sampeyan.” Cek Ki Nurustunjung kalem we teu siga2 nguntup, teu siga sieun. Hanca
