ಸಚಿವರಾಗಿ ಹೊಸ ತಂತ್ರಜ್ಞಾನ ಬಗ್ಗೆ ಧನ್ಯವಾದ. -------- Original message --------From: HAREESHKUMAR K Agasanapura <[email protected]> Date: 9/2/16 8:45 PM (GMT+05:30) To: mathssciencestf <[email protected]> Subject: [ms-stf '64310'] ಇಸ್ರೊ ಎಂಜಿನ್ನಿನ 'ಹೈಪರ್' ಹಿರಿಮೆ http://m.vijaykarnataka.com/edit-oped/columns/netnota-by-sudhindhra-haldodderi/articleshow/53929125.cms ನೆಟ್ ನೋಟ: ಇಸ್ರೊ ಎಂಜಿನ್ನಿನ 'ಹೈಪರ್' ಹಿರಿಮೆ Aug 31, 2016, 04.00 AM IST WhatsappFacebookGoogle PlusTwitterEmailSMS bng-3008-2-2-scramjet2 AAA * ಸುಧೀಂದ್ರ ಹಾಲ್ದೊಡ್ಡೇರಿ ಸತತವಾಗಿ ತನ್ನ ದಾಖಲೆಗಳನ್ನು ತಾನೇ ಉತ್ತಮ ಪಡಿಸಿಕೊಳ್ಳುತ್ತಲೇ ಬಂದಿರುವ ದೇಶದ ಹೆಮ್ಮೆಯ ಬಾಹ್ಯಾಕಾಶ ಸಂಸ್ಥೆ 'ಇಸ್ರೊ' ಮತ್ತೊಂದು ಇತಿಹಾಸ ಬರೆದಿದೆ. ಮೊನ್ನೆ ಭಾನುವಾರ ಶ್ರೀಹರಿಕೋಟಾದ ಸತೀಶ್ ಧವನ್ ಸ್ಪೇಸ್ ಸೆಂಟರ್ನಿಂದ ಉಡ್ಡಯಣೆಯಾದ 'ಅಡ್ವಾನ್ಸ್ಡ್ ಟೆಕ್ನಾಲಜಿ ವೆಹಿಕಲ್' (ಎಟಿವಿ) ಮುನ್ನೂರು ಸೆಕೆಂಡುಗಳ ಕಾಲ ಯಶಸ್ವಿಯಾಗಿ ಹಾರಾಟ ನಡೆಸಿದೆ. ಇದರ ವಿಶೇಷವೇನೆಂದರೆ ಎಟಿವಿ ರಾಕೆಟ್ಟಿನೊಳಗೆ ಅಡಕವಾಗಿದ್ದದ್ದು ಸಾಮಾನ್ಯ ರಾಕೆಟ್ ಎಂಜಿನ್ ಆಗಿರಲಿಲ್ಲ. ಅದರೊಳಗೆ ಶಬ್ದದ ವೇಗಕ್ಕಿಂತಲೂ ಹಲವು ಪಟ್ಟು ಹೆಚ್ಚಿನ ವೇಗದಲ್ಲಿ ರಾಕೆಟ್ಟನ್ನು ಮುನ್ನುಗ್ಗಿಸಬಲ್ಲ ಪುಟ್ಟ ಎಂಜಿನ್ ಒಂದು ಅಡಕವಾಗಿತ್ತು. ಮಕ್ಕಳು ಪಟಾಕಿಯ ರಾಕೆಟ್ಗಳನ್ನು ಹಚ್ಚಿ ಬಿಡುವಷ್ಟೇ ಸುಲಭದಲ್ಲಿ ಇಂದು ಆಗಸಕ್ಕೆ ರಾಕೆಟ್ಗಳನ್ನು ತೂರಿಬಿಡಲಾಗುತ್ತಿದೆ. ಇಷ್ಟೊಂದು ಮುಂದುವರಿದಿರುವ ಇಂದಿನ ತಂತ್ರಜ್ಞಾನ ಯುಗದಲ್ಲಿ ಶಬ್ದದ ವೇಗಕ್ಕಿಂತಲೂ ಆರು ಪಟ್ಟು ವೇಗದ ಉಡ್ಡಯಣೆ ಭಾರಿಯದೇನಲ್ಲ. ಹಾಗಿದ್ದರೆ 'ಇಸ್ರೊ'ದ ಯಶಸ್ಸಿಗೆ ನಾವೆಲ್ಲಾ ಇಷ್ಟೊಂದು ಸಂಭ್ರಮ ಪಡಲು ಕಾರಣವೇನು? ಎಂಬ ಪ್ರಶ್ನೆ ನಿಮ್ಮಲ್ಲಿ ಈಗಾಗಲೇ ಮೂಡಿರಬಹುದು. ರಾಕೆಟ್ ಆಗಲಿ ವಿಮಾನವಾಗಲಿ ಮುನ್ನುಗ್ಗಿ ಧಾವಿಸುವುದು 'ಜೆಟ್ ಪ್ರತಿಕ್ರಿಯೆ'ಯಿಂದ. ಗಾಳಿ ತುಂಬಿದ ಬೆಲೂನನ್ನು ಬಿಟ್ಟರೆ ಹಿನ್ನುಗ್ಗುವ ಒತ್ತಡದ ಗಾಳಿ ಬೆಲೂನನ್ನು ಮುಂದೆ ಸಾಗುವಂತೆ ಮಾಡುವ ತಂತ್ರಜ್ಞಾನ ನಿಮಗೆ ಗೊತ್ತು. ಹಾರುವ ಯಂತ್ರಗಳಿಗೆ 'ನೂಕುಬಲ'ವನ್ನು ನೀಡುವ ಹೊಣೆಗಾರಿಕೆ ಎಂಜಿನ್ಗಳದು. ಈ ಎಂಜಿನ್ಗಳಲ್ಲಿ ಗಾಳಿಯನ್ನು ಒತ್ತಡಕ್ಕೊಳಪಡಿಸಿ, ದಹನ ಯಂತ್ರದಲ್ಲಿ ಉರಿಯುವ ಇಂಧನಕ್ಕೆ ಅದನ್ನು ಉಣಬಡಿಸಿ, ಅಪಾರಶಕ್ತಿಯ ಅನಿಲವನ್ನು ಹೊರಚಿಮ್ಮುವಂತೆ ಮಾಡಲಾಗುತ್ತದೆ. 'ನ್ಯೂಟನ್ನ ಮೂರನೆಯ ನಿಯಮ'ದಂತೆ ಇಂಥ ಅನಿಲದ ಹೊರಚಿಮ್ಮುವ ಕ್ರಿಯೆಗೆ ಪ್ರತಿಕ್ರಿಯೆಯಾಗಿ ವಿಮಾನ ಅಥವಾ ರಾಕೆಟ್ ಮುಂದೆ ಧಾವಿಸುತ್ತದೆ. ಭೂಮಂಡಲದಲ್ಲಿ ಮೇಲೇರಿದಂತೆ ವಾತಾವರಣ ತಿಳಿಯಾಗುತ್ತಾ ಬರುವುದು ಪ್ರಕೃತಿ ನಿಯಮ. ವಿಮಾನವಾಗಲಿ, ರಾಕೆಟ್ ಆಗಲಿ ಬಹು ಎತ್ತರಕ್ಕೇರಿದಾಗ ಕಮ್ಮಿಯಾಗುವ ಗಾಳಿಯ ಸಾಂದ್ರತೆಯಿಂದ ಇಂಧನ ದಹನ ಕ್ರಿಯೆ ಪೂರ್ಣವಾಗುವುದಿಲ್ಲ. ಇಂಥದೊಂದು 'ಉಸಿರಾಟ'ದ ತೊಂದರೆಯಿಂದಾಗಿ ಎಂಜಿನ್ನ ನೂಕುಬಲ ಕಮ್ಮಿಯಾಗತೊಡಗುತ್ತದೆ. ಈ ಕಾರಣದಿಂದ ವಿಮಾನ ಹಾರುವ ಎತ್ತರಕ್ಕೆ ಒಂದು ಮಿತಿಯನ್ನು ನಿಗದಿ ಪಡಿಸಲಾಗಿದೆ. ವಾತಾವರಣದ ಗಾಳಿಯನ್ನು ಬಳಸಿಕೊಳ್ಳುವ ಜೆಟ್ ಎಂಜಿನ್ ಆಧರಿತ ವಿಮಾನಗಳ ಹಾರಾಟವು ಸಾಮಾನ್ಯವಾಗಿ ನೆಲದಿಂದ 18 ಕಿಲೋಮೀಟರ್ ಎತ್ತರಕ್ಕೆ ಸೀಮಿತ. ಈ ಮಿತಿಯನ್ನು ದಾಟಿ ಹಾರಬೇಕಾದ ನೌಕೆಗಳು ದಹನಕ್ರಿಯೆಗೆ ಬೇಕಾದ ಆಮ್ಲಜನಕವನ್ನು ತಾವೇ ಹೊತ್ತೊಯ್ಯುತ್ತವೆ. ಆಮ್ಲಜನಕವೂ ಸೇರಿರುವ ಇಂಥ ಇಂಧನವನ್ನು 'ಪ್ರೊಪೆಲೆಂಟ್'ಗಳೆಂದು ಕರೆಯಲಾಗುತ್ತದೆ. ಆಮ್ಲಜನಕ ಮಿಳಿತವಾದ ಪ್ರೊಪೆಲೆಂಟ್ಗಳ ನಿರ್ವಹಣೆ ಎಣಿಸಿದಷ್ಟು ಸುಲಭವಲ್ಲ. ಜತೆಗೆ ಸಾಮಾನ್ಯ ವಿಮಾನ ಇಂಧನಕ್ಕಿಂತಲೂ ಬೆಲೆಯಲ್ಲಿ ತುಟ್ಟಿ. ಇದರ ಬಗ್ಗೆ ಸಾಕಷ್ಟು ಚಿಂತಿಸುತ್ತಿದ್ದ ಬಾಹ್ಯಾಕಾಶ ತಂತ್ರಜ್ಞರಿಗೆ ವಿಮಾನವೊಂದು ವೇಗವಾಗಿ ಧಾವಿಸುವಾಗ ಎದುರಾಗುವ ಗಾಳಿಯ ಬಗ್ಗೆ ಕುತೂಹಲವಿತ್ತು. ವೇಗದಿಂದ ಧಾವಿಸುವ ಈ ಗಾಳಿಯನ್ನು ಮತ್ತಷ್ಟು ವೇಗೋತ್ಕರ್ಷಕ್ಕೊಳಪಡಿಸಿ ನೂಕುಬಲ ಸೃಷ್ಟಿಸಲು ಪ್ರಯೋಗಗಳನ್ನು ಅವರು ನಡೆಸತೊಡಗಿದರು. ತಿರುಗಣಿ ಮಡುವಿನಲ್ಲಿ ಸಿಲುಕಿದ ಗಾಳಿಯು ಗುದ್ದಾಟದ 'ರಭಸದಿಂದ ಹೊರಚಿಮ್ಮುವ ಗಾಳಿ'ಯಾಗುವ (ರಾಮ್ ಏರ್) ಸೋಜಿಗವನ್ನು ಕಂಡರು. ಇದೇ ತತ್ವದಿಂದ ಕೆಲಸ ಮಾಡುವ 'ರಾಮ್ ಜೆಟ್' ಎಂಜಿನ್ಗಳು ಬೆಳಕಿಗೆ ಬಂದವು. ಉತ್ತಮ ಕಾರ್ಯಕ್ಷ ಮತೆಯಿರದಿದ್ದ ಕಾರಣ ಈ ಎಂಜಿನ್ಗಳು ಅಷ್ಟು ಜನಪ್ರಿಯವಾಗಲಿಲ್ಲ. ಶಬ್ದದ ವೇಗಕ್ಕಿಂತ ಹೆಚ್ಚಿನ ವೇಗದಲ್ಲಿ ನೌಕೆಯನ್ನು ಮುನ್ನಡೆಸಲು ಮತ್ತಷ್ಟು ಪ್ರಬಲವಾದ ಎಂಜಿನ್ಗಳ ಅಗತ್ಯವಿತ್ತು. 'ರಾಮ್ ಜೆಟ್' ಎಂಜಿನ್ಗಳಿಗೆ ಇಂಧನ ದಹನದ ಶಕ್ತಿಯನ್ನು ಪೂರಕವಾಗಿಸಿದರೆ ನೌಕೆಗಳು ಶಬ್ದದ ವೇಗವನ್ನು ಸುಲಭವಾಗಿ ದಾಟಬಹುದೆಂಬ ಕಲ್ಪನೆ ಚಿಗುರೊಡೆಯಿತು. ಇಂಥ ಸಮಯದಲ್ಲಿ ಸೃಷ್ಟಿಯಾದದ್ದೇ ಸೂಪರ್ಸಾನಿಕ್-ಕಂಬಶನ್ ರಾಮ್ ಜೆಟ್' ಅರ್ಥಾತ್ 'ಸ್ಕ್ರ್ಯಾಮ್ ಜೆಟ್' ಎಂಜಿನ್. ತಂತ್ರಜ್ಞರು ಕಂಡುಕೊಂಡಂತೆ ಮ್ಯಾಕ್ ಸಂಖ್ಯೆ ಐದನ್ನು ದಾಟುವಂಥ ನೌಕೆಗಳಲ್ಲಿ ಮಾತ್ರ ಇಂಧನ ದಹನಕ್ಕೆ ಅಗತ್ಯವಿರುವಷ್ಟು 'ರಾಮ್' ಗಾಳಿ ಇಲ್ಲಿ ಸಿಗಲಿದೆ. ಸದ್ಯಕ್ಕೆ 'ಇಸ್ರೊ' ಉಡ್ಡಯಿಸಿರುವ ಎಟಿವಿಯಲ್ಲಿ ಸ್ವದೇಶಿ 'ಸ್ಕ್ರ್ಯಾಮ್ ಜೆಟ್ ಎಂಜಿನ್' ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ನಲ್ಲಿ ಜಲಜನಕವನ್ನು ದಹನಕಾರಿ ಇಂಧನವನ್ನಾಗಿ ಬಳಸಿಕೊಳ್ಳಲಾಗಿದ್ದು, ವಾತಾವರಣದಲ್ಲಿನ ಆಮ್ಲಜನಕವು ಇದಕ್ಕೆ ದಹನಾನುಕೂಲಿ ಅನಿಲದಂತೆ ನೆರವಾಗಿದೆ. ಶಬ್ದಕ್ಕಿಂತಲೂ ಆರು ಪಟ್ಟು ಅಂದರೆ 'ಹೈಪರ್ ಸಾನಿಕ್' ವೇಗದಲ್ಲಿ ಧಾವಿಸಿದ ಎಟಿವಿ 320 ಕಿಲೋ ಮೀಟರ್ ಕ್ರಮಿಸಿ ಬಂಗಾಳ ಕೊಲ್ಲಿಯಲ್ಲಿ ಬಿದ್ದಿದೆ. ಶಬ್ದಕ್ಕಿಂತಲೂ ಹೆಚ್ಚಿನ ವೇಗ 'ಸೂಪರ್ ಸಾನಿಕ್' ವೇಗ ಎಂಬುದು ನಿಮಗೆ ಗೊತ್ತು. ವಿಮಾನವೊಂದು ಮುನ್ನುಗ್ಗಿ ಧಾವಿಸುವ ವೇಗವನ್ನು ಸಾಮಾನ್ಯವಾಗಿ 'ಮ್ಯಾಕ್' ಅಳತೆಯಲ್ಲಿ ಗುರುತಿಸಲಾಗುತ್ತದೆ. ಶಬ್ದ ಕ್ರಮಿಸುವ ವೇಗವಾದ ಸೆಕೆಂಡಿಗೆ 330 ಮೀಟರ್ ಅಥವಾ ಗಂಟೆಗೆ 1200 ಕಿಲೋಮೀಟರ್ ವೇಗವು ಈ ಮಾಪನದಲ್ಲಿ ಒಂದು 'ಮ್ಯಾಕ್' ಆಗುತ್ತದೆ. ವೇಗವು ಐದು 'ಮ್ಯಾಕ್'ಗಿಂತಲೂ ಹೆಚ್ಚಿದ್ದರೆ ಅದು 'ಹೈಪರ್ ಸಾನಿಕ್' ವೇಗವೆನಿಸಿಕೊಳ್ಳುತ್ತದೆ. ಶಬ್ದದ ವೇಗಕ್ಕಿಂತಲೂ ಹೆಚ್ಚಿನ ವೇಗವನ್ನು ವಿಮಾನ ಅಥವಾ ಯಾವುದೇ ವಾಹನ ಗಳಿಸಿಕೊಂಡಂತೆ ಅದರ ಎಂಜಿನ್ನೊಳಗೆ ಹರಿದಾಡುವ ಗಾಳಿಯ ಗುಣಲಕ್ಷ ಣಗಳು ಬದಲಾಗುತ್ತವೆ. ಉದಾಹರಣೆಗೆ, ಬಾಯಿ ಕಿರಿದಾಗುತ್ತಾ ಹೋಗುವ 'ಕನ್ವರ್ಜೆಂಟ್' ನಾಝಲ್ ಅಥವಾ ನಳಿಕೆಯಲ್ಲಿ ಗಾಳಿ ನುಗ್ಗಿದಂತೆ ಅದರ ಒತ್ತಡ ಕಡಿಮೆಯಾಗುತ್ತಾ ಬಂದು, ವೇಗ ಹೆಚ್ಚಾಗುತ್ತಾ ಹೋಗುತ್ತದೆ. ಇದೇ ರೀತಿ, ಬಾಯಿ ದೊಡ್ಡದಾಗುತ್ತಾ ಹೋಗುವ ನಳಿಕೆ 'ಡೈವರ್ಜೆಂಟ್ ನಾಝಲ್'ನಲ್ಲಿ ಗಾಳಿಯ ಒತ್ತಡ ಹೆಚ್ಚುತ್ತಾ ಬಂದು, ವೇಗ ಕುಗ್ಗ ತೊಡಗುತ್ತದೆ. ಈ ತತ್ವವು ಸಾಮಾನ್ಯ ವೇಗದಲ್ಲಿ ಗಾಳಿ ಪಸರಿಸಿದಾಗ ಮಾತ್ರ ಅನ್ವಯವಾಗುತ್ತದೆ. ಡೈವರ್ಜೆಂಟ್ ನಾಝಲ್ಒಂದಕ್ಕೆ ಶಬ್ದಾತೀತ ವೇಗದಲ್ಲಿ ಗಾಳಿಯನ್ನು ಊಡಿದರೆ ಸಾಮಾನ್ಯ ನಿಯಮದಂತೆ ವೇಗ ಕುಗ್ಗುವ ಬದಲು ವೇಗ ಹೆಚ್ಚುತ್ತಾ ಹೋಗುತ್ತದೆ. ಈ ಬಗೆಯ ಗಾಳಿಯೊಂದಿಗಿನ ಸರಸವನ್ನು ವಿಮಾನ ಎಂಜಿನ್ಗಳ ನಿರ್ಮಾತೃಗಳು ತಮ್ಮ ವಿನ್ಯಾಸಗಳಲ್ಲಿ ಪರೀಕ್ಷಿಸಿ ನೋಡಿದ್ದಾರೆ. ಶಬ್ದಾತೀತ ವೇಗದ ವಿಮಾನ ಎಂಜಿನ್ಗಳಲ್ಲಿ ಬಾಯಿ ಕುಗ್ಗುತ್ತಾ ಹೋಗುವ ನಳಿಕೆಗೆ ಬಾಯಿ ಹೋಗುತ್ತಾ ಹೋಗುವ ನಳಿಕೆಯನ್ನು ಜೋಡಿಸಲಾಗಿರುತ್ತದೆ. ಇವೆರಡೂ ನಳಿಕೆಗಳು ಜೋಡಣೆಯಾಗುವ ಸ್ಥಳದಲ್ಲಿ ಗಾಳಿಯ ವೇಗ ಶಬ್ದದ ವೇಗವನ್ನು ಮುಟ್ಟುವಂತೆ ನೋಡಿಕೊಳ್ಳಲಾಗಿರುತ್ತದೆ. ಇದರಿಂದಾಗಿ ಹೊರ ಬರುವ ಗಾಳಿಯ ವೇಗ ಶಬ್ದದ ವೇಗಕ್ಕಿಂತಲೂ ಹಲವು ಪಟ್ಟು ಹೆಚ್ಚು ವೇಗವನ್ನು ತಲುಪಲು ಸಾಧ್ಯ. ಇವೆಲ್ಲ ಸಂದರ್ಭಗಳಲ್ಲಿಯೂ ಇಂಧನ ಪೂರೈಕೆ ವ್ಯವಸ್ಥೆಯಲ್ಲಿ ಇಂಧನ ಹರಿದಾಟದ ಸ್ಥಿರತೆ, ದಹನಕೋಶದಲ್ಲಿ ಜ್ವಾಲೆಯ ಹತೋಟಿ, ಶಬ್ದಾತೀತ ವೇಗದಲ್ಲಿ ಉತ್ಪತ್ತಿಯಾಗುವ ಕಂಪನಗಳ ನಿಯಂತ್ರಣ ಮತ್ತಿತರ ಗಹನ ತಾಂತ್ರಿಕ ವಿಷಯಗಳನ್ನು ಕೂಲಂಕಷವಾಗಿ ಪರಿಶೀಲಿಸಬೇಕಾಗುತ್ತದೆ. ಈ ಹಿಂದೆ 'ಇಸ್ರೊ' ಸಂಸ್ಥೆಯು ತಾನು ಉಡ್ಡಯಿಸಿದ್ದ 'ರೋಹಿಣಿ' ಸರಣಿಯ ರಾಕೆಟ್ಗಳಿಗೇ ಕೊಂಚ ಮಾರ್ಪಾಡು ಮಾಡಿ ಮೊನ್ನೆಯ ಪ್ರಯೋಗಕ್ಕೆ ಬಳಸಿಕೊಂಡಿದೆ. ಎರಡು ಹಂತದ ಘನ ರಾಕೆಟ್ಗಳ ರೋಹಿಣಿಯ ಕೊನೆಗೆ ಎರಡು ಸ್ಕ್ರ್ಯಾಮ್ ಜೆಟ್ ಎಂಜಿನ್ಗಳನ್ನು ಜೋಡಿಸಲಾಗಿತ್ತು. ರಾಕೆಟ್ ನಿರ್ದಿಷ್ಟ ಹಂತವನ್ನು ತಲುಪಿದ ಕ್ಷ ಣ, ಈ ಎರಡೂ ಸ್ಕ್ರ್ಯಾಮ್ ಜೆಟ್ ಎಂಜಿನ್ಗಳು ಚಾಲೂ ಆಗಿ, ಐದು ನಿಮಿಷಗಳ ಕಾಲ ನಿರ್ವಹಿಸಿದವು. ಐದು ನಿಮಿಷಗಳ ಕಾಲಾವಧಿಯಲ್ಲಿ ಎಟಿವಿ ರಾಕೆಟ್ನ ವೇಗವು ಶಬ್ದಕ್ಕಿಂತಲೂ ಆರು ಪಟ್ಟು ಹೆಚ್ಚಾಗಿತ್ತು. ಈ ಯಶಸ್ವಿ ಉಡ್ಡಯಣೆಯ ಹಿಂದೆ 'ಇಸ್ರೊ' ವಿಜ್ಞಾನಿ-ತಂತ್ರಜ್ಞರ ಅಪಾರ ಪರಿಶ್ರಮ ಅಡಗಿದೆ. ಹೈಪರ್ ಸಾನಿಕ್ ಎಂಜಿನ್ನ ಸೂಸುಬಾಯಿಯ ವಿನ್ಯಾಸ, ದಹನ ಕೋಶದ ವಿನ್ಯಾಸ ಮತ್ತು ಇವೆರಡೂ ವಿನ್ಯಾಸಗಳ ಪೂರ್ವಭಾವಿ ಪರಿಶೀಲನೆ 'ಇಸ್ರೊ' ಎದುರಿಸಿದ ಬಹುದೊಡ್ಡ ಸವಾಲುಗಳಾಗಿದ್ದವು. ಹಾಗೆಯೇ ಹೈಪರ್ ಸಾನಿಕ್ ಎಂಜಿನ್ಗಳ ನಿರ್ಮಾಣಕ್ಕೆ ಬೇಕಾಗುವ ಅತಿ ಹೆಚ್ಚು ತಾಪಮಾನವನ್ನು ತಡೆದುಕೊಳ್ಳುವ ಸಾಮಗ್ರಿಗಳನ್ನು ಸ್ವದೇಶಿಯಾಗಿ ಅಭಿವೃದ್ಧಿಪಡಿಸಿಕೊಳ್ಳುವುದು ಅಷ್ಟು ಸುಲಭವಾಗಿರಲಿಲ್ಲ. ಇಡೀ ಎಂಜಿನ್ನಲ್ಲಿ ತಾಪಮಾನದ ನಿಯಂತ್ರಣಕ್ಕೆ ಬೇಕಾಗುವ ಶೀತಲೀಕರಣ ವ್ಯವಸ್ಥೆಯ ನಿರ್ಮಾಣ ಮತ್ತು ನಿರ್ವಹಣೆಯೂ ಸವಾಲಿನದೇ ಆಗಿತ್ತು. ಇವೆಲ್ಲವನ್ನೂ ಪೂರ್ವಭಾವಿಯಾಗಿ ಭೂಪರೀಕ್ಷ ಣೆಗೊಡ್ಡುವ ಮೊದಲು, ಕಂಪ್ಯೂಟರಿನಲ್ಲಿಯೇ ಪರಿಶೀಲನೆ ನಡೆಸಲು ಅಗತ್ಯವಿದ್ದ ತಂತ್ರಾಂಶವನ್ನೂ 'ಇಸ್ರೊ' ವಿಜ್ಞಾನಿಗಳೇ ನಿರ್ಮಿಸಿಕೊಳ್ಳಬೇಕಿತ್ತು. ಜಗತ್ತಿನ ಯಾವುದೇ ರಾಷ್ಟ್ರ ಇಂಥ ಸಂಕೀರ್ಣ ತಂತ್ರಜ್ಞಾನಗಳನ್ನು ಮತ್ತೊಂದು ದೇಶದೊಂದಿಗೆ ಹಂಚಿಕೊಳ್ಳುವುದಿಲ್ಲ. ಈ ಬಗೆಯ ಎಂಜಿನ್ಗಳು ಹೆಚ್ಚು ಬಳಕೆಗೆ ಬಂದಲ್ಲಿ ಆಗುವ ಅನುಕೂಲಗಳು ಅಪಾರ. ಮೊಟ್ಟ ಮೊದಲನೆಯದಾಗಿ ನಮ್ಮ ಉಡ್ಡಯಣಾ ವೆಚ್ಚ ಗಣನೀಯ ಪ್ರಮಾಣದಲ್ಲಿ ತಗ್ಗುತ್ತದೆ. ಕಾರಣ, ಆಮ್ಲಜನಕ ಪೂರೈಸುವ ಆಕ್ಸಿಡೈಸರ್ ಅನ್ನು ಇಂಧನದೊಂದಿಗೆ ಹೊತ್ತೊಯ್ಯುವ ಅವಶ್ಯವಿರುವುದಿಲ್ಲ. ಗಾಳಿಯೇ ಚಾಲಕ ಶಕ್ತಿಯಾಗಿರುವುದರಿಂದ ಸಾಮಾನ್ಯ ಎಂಜಿನ್ಗಳಲ್ಲಿರುವಂತೆ 'ಸ್ಕ್ರ್ಯಾಮ್ ಜೆಟ್' ಎಂಜಿನ್ಗಳಲ್ಲಿ ಸರಿದಾಡುವ ಇಲ್ಲವೆ ತಿರುಗಾಡುವ ಬಿಡಿಭಾಗಗಳಿರುವುದಿಲ್ಲ. ಅವುಗಳ ನಿರ್ವಹಣೆಯ ರೇಜಿಗೆಯೂ ಇರುವುದಿಲ್ಲ. ಸೆಕೆಂಡೊಂದರ ದಶಲಕ್ಷ ದ ಒಂದು ಭಾಗದ ಅವಧಿಯಲ್ಲಿ ಇಂಧನಕ್ಕೆ ಕಿಡಿ ತಲುಪಿ, ಕೆಲವೇ ಸೆಕೆಂಡುಗಳಲ್ಲಿ ದಹನ ಕ್ರಿಯೆ ಪೂರ್ಣವಾಗಿ ಅಪಾರ ಶಕ್ತಿ ಬಿಡುಗಡೆಯಾಗುವುದು ನಿಜಕ್ಕೂ ಒಂದು ಎಂಜಿನಿಯರಿಂಗ್ ಸೋಜಿಗವೇ ಸೈ. ಇಂಧನದ ದ್ರವ್ಯ ರಾಶಿಗೆ ಲಭ್ಯವಾಗುವ ರಾಕೆಟ್ ಶಕ್ತಿಯಲ್ಲೂ ಈ ಎಂಜಿನ್ಗಳದು ಹೆಚ್ಚಿನ ಶ್ರೇಯಾಂಕ. ಸಾಮಾನ್ಯ ರಾಕೆಟ್ ಎಂಜಿನ್ಗಳಿಗಿಂತ ಎರಡರಿಂದ ಹತ್ತು ಪಟ್ಟು ಹೆಚ್ಚಿನ ರಾಕೆಟ್ ಶಕ್ತಿಯನ್ನು ಈ ಎಂಜಿನ್ಗಳು ಉತ್ಪಾದಿಸಬಲ್ಲವು. ಕೊನೆಯದಾಗಿ ಅಗ್ಗದ ಹಾಗೂ ಹೆಚ್ಚಿನ ವೇಗದ ರಾಕೆಟ್ ಉಡ್ಡಯಣೆಯೆಂದರೆ ಬಾಹ್ಯಾಕಾಶ ಪಯಣಕ್ಕೆ ಹೆಚ್ಚು ಜನರನ್ನು ಸೆಳೆಯಬಹುದು.
Hareeshkumar K GHS HUSKURU MALAVALLI TQ MANDYA DT MOB 9880328224 -- 1. If a teacher wants to join STF, visit http://karnatakaeducation.org.in/KOER/en/index.php/Become_a_STF_groups_member 2. For STF training, visit KOER - http://karnatakaeducation.org.in/KOER/en/index.php 4. For Ubuntu 14.04 installation, visit http://karnatakaeducation.org.in/KOER/en/index.php/Kalpavriksha 4. For doubts on Ubuntu, public software, visit http://karnatakaeducation.org.in/KOER/en/index.php/Frequently_Asked_Questions 5. Are you using pirated software? Use Sarvajanika Tantramsha, see http://karnatakaeducation.org.in/KOER/en/index.php/Why_public_software ಸಾರ್ವಜನಿಕ ಇಲಾಖೆಗೆ ಸಾರ್ವಜನಿಕ ತಂತ್ರಾಂಶ --- You received this message because you are subscribed to the Google Groups "Maths & Science STF" group. To unsubscribe from this group and stop receiving emails from it, send an email to [email protected]. To post to this group, send email to [email protected]. Visit this group at https://groups.google.com/group/mathssciencestf. For more options, visit https://groups.google.com/d/optout. -- 1. If a teacher wants to join STF, visit http://karnatakaeducation.org.in/KOER/en/index.php/Become_a_STF_groups_member 2. For STF training, visit KOER - http://karnatakaeducation.org.in/KOER/en/index.php 4. For Ubuntu 14.04 installation, visit http://karnatakaeducation.org.in/KOER/en/index.php/Kalpavriksha 4. For doubts on Ubuntu, public software, visit http://karnatakaeducation.org.in/KOER/en/index.php/Frequently_Asked_Questions 5. Are you using pirated software? Use Sarvajanika Tantramsha, see http://karnatakaeducation.org.in/KOER/en/index.php/Why_public_software ಸಾರ್ವಜನಿಕ ಇಲಾಖೆಗೆ ಸಾರ್ವಜನಿಕ ತಂತ್ರಾಂಶ --- You received this message because you are subscribed to the Google Groups "Maths & Science STF" group. To unsubscribe from this group and stop receiving emails from it, send an email to [email protected]. To post to this group, send an email to [email protected]. Visit this group at https://groups.google.com/group/mathssciencestf. For more options, visit https://groups.google.com/d/optout.
