*FOSS Road(Rail) show*
Yehan par baithe hue sajjan kripaya mere aawaaz ki taraf dhyan de....! Dekhiye sir aap agar computer chalate hain to aap ko khidki kholna padta hain, usmein virus aate hain, phir anti-virus lagta hain. Usase khidki atak atak ke khulti hain. Office ka kaam aap ko baarikh-naram office software mein karna padhta hain. Dekhiye sir agar aapko apni photo theek karni ho to khidki mein Photo ki dukan (software) kholni hoti hain. Dekhiye sir yeh software jyaada jagah aur computer ka dimag khatein hain, jisase aapki khidki baar baar band hoti hain... Dekhiye sir baar baar aisa hone ke baad aapko computer format karna padhta hain... app ka kimti waqt aur data barbaad ho jaata hain... Iske badale mere paas yeh CD hain jisme aise bahout saare roz istamaal ke zaroori software hain. Dekhiye sir is mein Linux hain jo khidki ki tarah atakta nahi. Iska office software khula hain. Photo par kaam karneke liye gimp hain. Aur bhi is mein asie kai saare free aur open source software hain, jo kaam jyada karte hain aur computer ka dimag kam khate hain. Yeh software sir computer ka dimag kam khane ke wajah se, computer bhi khushi se jaagte rehta hain. Dekhiye sir Khidki aur usmein chalne waali baki software ka kharcha agar aap dekhane jaye to kam se kam Lakh se do lakh tak jaata hain... Parantu hamare is Linux CD ki kimat lakh nahi, hazaar nahi, sirf Sau rupaya hain... only 100 rupeej. Dekhiye sir jis shriman ko dekhana hain dekh sakate hain... Dekhane ka paisa nahi... istemaal karne kabhi paisa nahi.... Regards -- Pravin Balaji Dhayfule
_______________________________________________ network mailing list [email protected] http://lists.fosscom.in/listinfo.cgi/network-fosscom.in
