Kamanakan ambo Drs. Yurnadi M.Kes., Mungkin kamanakan mambaco himbauan ambo babarapo hari nan lalu untuak manghindari mangirim file attachment (FA) ka milis. Apo lai nan kamanakan kirim tu "iklan" nan alun tantu paguno dek sagalo anggota milis. Untuak kamanakan katahui, posting kamanakan nan ambo baleh ko ambo tarimo 1.397 Kb (hampia 1 1/2 mega, bandiangan jo rato-rato posting biaso nan cuma 3-5 kb, jadi samo jo lk 300 buah posting imel teks biaso), dan ambo tapaso bamanuang 9 minik manantiannyo salasai download.
Bukan cuma pakaro bamanuang, tapi juo pakaro mambaia pulsa telepon jo iyuran ISP. Taruih tarang, di ambo indak paralu "iklan" kamanakan tu doh, tapi ambo kamanakan paso mambaia untuak posting nan indak paralu dek ambo tu doh. Sakali lai, ambo maakses internet di rumah, ambo baia jo pitih pansiun nan indak bara, indak samo jo kamanakan (barangkali), nan manggunoan komputer jo internet perai di kantua. Jadi nan ka datang, tenggang pulolah urang lain, jan main tancap nan kalamak di awak surang sae. Lagi pulo, dengan mangirim (FA) sagadang itu, kamanakan lah mamblock bandwith di milis untuak kamanakan surang, sakian ratuih x 1.397 kb. Etong se lah surang. Salah satu taratik jadi anggota di milis a sajo adolah "Hemat Bandwith". Jan ka mangirim FA, malah di banyak milis sangaik dianjurkan anggotanyo mangirim imel dengan format "plain text" nan paliang ekonomis. Tapi nampaknyo banyak bana anak kamanakan ambo di lapau ko nan kareheang pakaro iko. Tamasuak pulo anjuran mangarek ikua posting nan manjelo-manjelo. Nan ka datang, kok kamanakan maraso paralu mangirim FA, sorakan dulu di lapau jo imel plain text. Sia nan paralu suruah mamintak ka japri. Sudah tu kamanakan kirim ka urang nan mamintak sajo. Jadi nan indak maraso bakapantiangan indak taaniayo dek kamanakan doh. mak Sati (gaek 67->68 tahun) ----- Original Message ----- From: "Yurnadi Van Martin" <[EMAIL PROTECTED]> To: <[EMAIL PROTECTED]> Cc: <[EMAIL PROTECTED]> Sent: Sunday, July 18, 2004 8:32 AM Subject: Re: [EMAIL PROTECTED] Peluang Bisnis > Kapado Dunsanak Sidang RN YTH. : > > Assalamu'alaikum Wr.. Wb. > > Malalui forum nangko ambo mambarikan tawaran dan > mengajak kasadonyo dunsanak di RN untuak babisnis ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
