|
Apo kato-kato di bawah iko indak bamoral atau
baetika ?
Kalau co itu pikiran kanda baarti mahasiswa
kedokteran yang acok terlibat jo kato-kato itu indak bamoral atau indak baetika.
Apo indak salah tu kanda.
Karano iko adalah proyek panulisan kamuih yang
baarti semua kato yang dimiliki oleh urang Minang semestinyo harus dibukukan.
Tidak ado yang berhak disiko ko yang malarang atau mangontrol kato-kato tertentu
supayo indak masuak ka kamuih. Kanda baarti alah mulai mancubo untuak
mahandokkan babarapo kato yang kalau kato-kato itu indak ado di kamuih akan
manyulikkan nantinyo bagi generasi salanjuiknyo atau kato-kato itu akan diganti
jo kato-kato dari bahaso lain. Akan lahir generasi Minang yang akan
sulik mangungkapkan jo bahaso Minang sacaro baiak makasuik yang akan
disampaikannyo. Antah itu yang kanda mukasuikkan.
Misalnyo anak kanda kemaluannyo bangkak
karano tungau, kalau indak ado kato-kato yang di bawah tadi baa caronyo
inyo mangecekkan ka kanda tantang posisi dima tungau itu manyarang. Apo etis
atau bamoral kalau si anak untuak supayo komunikasinyo lanca inyo bukakan
sajo sarawanyo dan inyo hadokkan ka muko kanda barang yang inyo mukasuikkan. Itu
kalau kanda (bapaknyo) yang mananyokan, cubo bayangkan kalau yang mananyokan
anak itu adolah kawan padusinyo. Ranuang-ranuangkanlah kanda.
Karano tujuan panulisan kamuih Minang iko untuak
menuliskan sagalo kato-kato (kosa kata) Minang maka pengumpulannyo buliah
dimulai darima sajo, asa kato-kato yang alah parnah di edit / dikamukokan indak
diulang-ulang.
Untuak kato-kato yang sajenis jo kato-kato yang
alah ambo kamukokan iko, bialah ambo sajo yang akan mengungakpkannyo di milisko
karano ambo caliak-caliak dalam babarapo hari iko indak ciek alanyo yang
mangungkapkannyo. Bia se lah ambo yang dikecekkan indak baetika, bamoral
.......... bialah, demi langkoknyo perbendaharaan kosa kata Minang
iko.
Wassalam
MII
|
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
