Assalamualaikum Wr Wb. onde.... jan pulo Mak Sati pai mainda dari Lapau dek hanyo pakaro file gadang.
Salam kenal untuak Mak Zulfikri. Ambo raso, Mak Sati indak ba niaik ka mambatasi kreatifitas Mamak di lapau ko doh. Hanya memang alah jadi kabiasoan dilapau, awak iyo samo manenggang jo sado panghuni lapau. Aa nan disukoi di awak, saharusnyo pulo indak sampai mambuek urang jadi kurang lapang. Baitulah, Mak. Sarupo nan dikecek-an Mak Darul. Satau ambo nan ketek ko, lah dari dulu adaiak ba milist di RN ko yo sarupo tu. Kurang labiah lah sakitar 3 th, ambo disiko. Kadang duduak se tamanuang di pojok, kadang kok sadang amuah, lai mancubo mangirim email. Babeda mungkin, Mak dari milist lain. Tapi mudah-mudahan indak katinggalan jaman. Hanyo caro sen nan balainan. Pakaro ka bagambar dll, biaso memang cukuik disorakkan sen ka lapau. Diundang urang nan nak iyo, sudah tu japri. Mako dalam kesempatan ko, ambo undang pulo lah sagalo Mamak, Bundo, Uni, Uda dll mancaliak-caliak hasil kodak dikampuang beberapa waktu lalu. Mohon maaf, ambo indak manyorakkan ka pulang kampuang ka ransanak sakalian, tamasuak kapado Mak Sati nan ambo hormati. Mohon maaf indak bisa singgah di Tabiang. Singkek carito, ambo diajak pulang basamo ka Ladang Laweh, Bukittinggi bulan Juli lalu. Pulang Basamo dalam rangka Khatam Quran di Ladang Laweh nan Alhamdulillah lai diikuti 76 orang. Rencana, rombongan pulang basamo jo jalan darek. Dari berbagai carito awak di lapau, ambo tertarik pulang lewat darek. Tapi dek kesehatan Tante ambo nan samo pulkam, indak mamungkinkan mako lewat tabiang lah kami pulang. Dari rencana pulang tgl 7/7 akhirnyo molor dek manunggu kesehatan tante pulih sampai tgl 11/7 padahal acara khatam quran yo tgl 11/7 tu. Onde... indak maliek urang pawai awak jadinyo. Tapi alhamdulillah lai juo takaja maliek pambagian hadiah untuk lulusan/ khatam quran berprestasi di musajik waktu kami sampai dikampuang jam 14.30 WIB. Dek sibuk mangajai supayo capek sampai dikampuang itulah, mako ambo indak bisa manamui Mak Sati. Mohon dimaklumi dan dimauhkan, yo Mak.... Cukup banyak objek dikampuang nan tarekam. Sebagian ambo upload di http://photos.yahoo.com/dessy_rasel . Dipersilahkan untuk sado dunsanak mancaliakno, tarutamo folder Bukittinggi dan Ladang Laweh nan sadang diupload. Baru sebagian memang nan alah diupload, samantaro bajalan ambo tauih manambah mang-upload, insya Allah Demikian, banyak maaf dan mudah-mudahan lai dimaklumi, Wassalam, Dessy (Pontianak) ----- Original Message ----- From: Syamsir Alam To: [EMAIL PROTECTED] Sent: Thursday, August 05, 2004 5:14 PM Subject: Re: [EMAIL PROTECTED] Cara membatasi size dan kategori posting yginginditerima Pak Darul, Kok itu nan katuju dek anak kamanakan awak ko, awak se lah nan mainda dari lapau. Mereka kan lah gadang, moderen, tanggap teknologi, urang Minang, nan lah mangarati raso jo pareso, ereang jo gendeang, lamak di awak katuju dek urang. Kok nan gaek lah manasiaiki, salasai tugeh awak. Pindah se awak ka lapau lain lai. Beko awak japrikan ka Miko. mak Sati ----- ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
