Ambo ingin ba-sharing jo dunsanak nan mungkin bisa mambantu
ambo, mengenai masalah koneksi mampagunokan GPRS Matrix dari
Satelindo/ Indosat.
Ambo mamakai GPRS kartu Matrix tu untuak koneksi. Katiko tingga
di Pasa Minggu sataun nan lalu, koneksi GPRS jo Matrix tu bisa
dikatoan capek. Pakai Yahoo! Messenger capek sangaik, ndak ado
masalah. Baiak mancaliak webcam, chating, mandanga suaro.
Browsing indak masalah, tarimo email jo POP3, download,
kasadonyo capek, indak pernah tajadi masalah.
Wakatu tu, ambo pakai HP Sony Ericsson T310, bahubungkan ka
komputer jo infrared merek Tekram (sabalunnyo ambo bali infrared
MCA25, tapi indak amuah do, tapaso ambo tukakan baliak ka Mangga
2).
Kini ko, alah sajak bara bulan nan lalu, ambo pakai Nokia 6610,
tapi bahubuangkan ka PC jo kabel data DKU5 nan indak asli Nokia.
Sajak mulai pakai, indak pernah sacapek dulu lai. Bacilakuik
sajo jalannyo. Apolai maambiak email jo Outlook Ekspress, lamo
bana mangku ka dapek. Mamakai Yahoo MSG baitu pulo. Kawan lah
mangetik message disinan, lamo mangku ka sampai ka awak. Lah
sudah musajik dek urang ciek, alun juo sampai lai. Acok putuih2
baitu sajo.
Nan ingin ambo tanyokan, lai ado diantaro dunsanak kasadonyo nan
mamakai GPRS tu sarupo ambo? Soalnyo iurannyo relatif murah,
cuma 25rb/ bulan flat, bara juo ka mamakai. Mungkin diantaro
dunsanak ado nan bisa manjawab;
Apokah masalahnyo di HP ambo, atau di kabel data (kalau PC ambo
yakin indak ado masalah). Baa dunsanak nan lain nan mamakai HP
merek lain dan fasilitas penghubung lain (spt bluetooth)?
Apokah HP Nokia indak rancak untuak dijadikan GPRS Modem? Ambo
agak kecewa saketek jo Nokia ko. Labiah picayo ambo ka Sony
Ericsson rasonyo.
Apokah koneksi lambek ko karano kini lah banyak bana pamakai
GPRS Matrix ko? Sempat ambo telpn cust serv Matrix, keceknyo
cuma ambo nan mangeluh masalah ko. Kalau dicaliak jo HP SE,
sinyal GPRS ditampek ambo tingga kini (dakek pasa Parung, Bogor)
memang lai panuah. Kalau Nokia indak bia dicaliak ado indaknyo
siyal GPRS.
Baitu sajo permintaan tolong ambo.
Mudah2an ado dunsanak nan bisa sharing jo ambo. Jikok memang
Nokia ko indak bisa diandalkan, mungkin ambo ndak ka mamakai
merek iko lai ka depannyo.
Jikok lai ado dunsanak nan tau, tolong emailnyo di agiah
tembusan ka alamaik japri ambo:
[EMAIL PROTECTED]; atau
[EMAIL PROTECTED]
Soalnyo ambo mambaco message di milis hanyo lewat browser. Indak
talok dek email ambo maambiak pasan dunsanak2 nan bak cando aia
ujan datangnyo.
Sabalunnyo, ambo ucapkan tarimo kasih banyak ka dunsanak
kasadonyo. Talabiah jo takurang, tasasek jo takaleru, maaf ambo
puhunkan ka dunsanak.
Wassalam;
Wady Afriadi
0815-970-1611
http://wady.or.id
__________________________________
Do you Yahoo!?
Yahoo! Mail - 50x more storage than other providers!
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
