Assalamualaikum, ww. Dunsanak ambo di palantako na ambo muliakan ! Terlebih dahulu ambo minta ma'af nan sagadang-gadangnyo kepado dunsanak nan taganggu oleh kebergabungan ambo di palantako ko, sabananyo ambo iyo urang minang kabau asli nan mungkin juo hanyo tingga kabaunyo sajo, terima kasih atas nasehaik dunsanak nan dunsanak sampaikan di tangah urang ramiko, mungkin manyampaian nasehait dakek urang ramiko yang manjadikan ambo agak arogan. Ambo batanyo mungkinkah iko dinamokan juo "raso jo pareso" ? antalah ! ambo indak tahu doh, mungkin ikolah perobahan etika orang tuo kito, mangkonyo kamanakan indak namuah saparintah mamak lai doh, sabab mamak maaja, mangatai-ngatai dakek rang rami. Inilah mungkin yang harus direnungkan oleh urang tuo-tuo kito, mamak dan ninik mamak kenapa mamak dan ninik mamak indak manjadi panutan lai doh ?. Rasululah S.A.W. pernah berkata: "Ajarilah anak-anak kamu, tapi harus ingat, bahwasanya zaman kamu beberbeda dengan zaman kamu dulu sebagai anak-anak". Mungkin ikolah nan kurang diparatian dek orang tuo-tuo kito, antalah ambo juo indak tahu doh !
Mungkin gala ambo Urang Kayo Mulie ko, yang jadi pangka bala, nan manjadikan ambo jadi arogan !, antalah !, mamak-mamak ambo talonsong pulo magiah gala yang tarhormaet sarupo ko, saharusnyo gala ambo Rang Kayo Ongas atau arogan, tarimo kasih dunsanak Isna Huriati atas streotip ko yang dicapkan kapado ambo di tangah urang ramiko, apokoh ini suatu etika atau raso jo pareso ambo juo indak tahu doh !. Tapi indak baa doh dek ambo, ambo baprasangka baik sajo dalam rangka maambik hikmah di baliak kajadian ko. Sakali lagi ambo iyo minta maaf, tatrutamo kamamak ambo Mak Sati, jan malah mainda pulo dari palanta ko, paibo ati namonyo mamak ko, dari saat kiniko bialah ambo nan basaba nan indak kamangirim posting lai doh ka palantako. Bialah hanyo ambo akan jadi panonton sajo. Jan sampai pulo mak Sati mangucapkan kato-kato tiada maaf sarupo posting nan lampau, mambana ambo ! ambo iyo indak talok baurusan diakhirat nanti disababkan posting gajah ko pulo kito disidangkan di mahkamah Allah di padang maksa nantinyo !. Sakali lagi ambo Z. Rangkayo Mulie ko mohon ma'af ateh kurang taratiknyo ambo ka dunsanak kasado alahe. Wabillahittaufiq wah hidayah. Wassalamualaikum, ww. Z. Rangkayo Mulie ----- Original Message ----- From: "Isna Huriati" <[EMAIL PROTECTED]> To: "Syamsir Alam" <[EMAIL PROTECTED]>; <[EMAIL PROTECTED]> Sent: Friday, August 06, 2004 12:54 PM Subject: Re: [EMAIL PROTECTED] Raso Pareso | Mak Sati, | Bantuaknyo kamanakan mak Sati nan surang ko iyo arogan bana. Ambo pun | komplain jo postingan raksasatu. Ambo sampaikan ka nan banamo Zulfikri | ko bahaso ambo indak takuik kanai virus, baitu juo ambo indak takuik | mambaia pulsa nan banyak dek karano pulsa ambo tatap.Tapi postingan nan | gadang tu iyo mangganggu . Ambo iyo mandongak mancaliak arogansi angku | di RN ko nan batujuan mampaarek silaturahmi warganyo. Sanak barado di | Padang, dan mak Sati ado di Padang, kotanyo kan indak gadang banadoh. | Kalau sanak mangarati tujuan dari RN ( tantunyo dibaco sabalaun | bagabuang), mako sapatuiknyo sanak mangunjungi mak Sati, apo lai sanak | bantuaknyo kenal jo mak Sati ko dari namo baliau. Bukankah baitu | dikampuang awak nan ketek mangunjuangi nan tuo.Kecuali ado nan paralu | disambunyikan dari identitas sanak. Atau kabatulan sanak urang hebat di | Padang dan maraso indak pantas mangunjungi mak Sati ( dalam halko malah | kok indak cocok jo gaya arogansi sanak tu, maklum sanak alah baumua 51 | tahun pulo) . mako labiah elok sabagai urang Minang dijago sajo taratik | jo kurenah dialam maya ko. Ambo sandiri alun pernah basuo jo mak Sati | ko, mudah mudah an suatu saat. | | Isna. | | Syamsir Alam wrote: | | > Kamanakan ambo Zul, | > | > Ambo cubo nantian dulu agak sajamang. Kalau banyak nan lain sapandapek | > jo kamanakan nan mangecekan: "Baitu pulo kalau takuik ba internet ka | > kanai viruih, mambaie pulsa nan banyak jan malah bainternet. atau | > masuk sajo di mailing list "urang awak" nan memang alah dibatasi untuk | > manarimo file attathment dan gambar." tantu ambo mainda sajo dari | > rantaunet. Ambo sadar bana untuak saribu rang lapau, surang mak Sati | > kan indak ado artinyo. | > | > mak Sati | > | >------------------------------------------------------------------------ | > | >____________________________________________________ | >Berhenti/mengganti konfigurasi keanggotaan anda, silahkan ke: | >http://rantaunet.org/palanta-setting | >___________________________________________________ | > | ____________________________________________________ | | Berhenti/mengganti konfigurasi keanggotaan anda, silahkan ke: | http://rantaunet.org/palanta-setting | ------------------------------------------------------------ | Tata Tertib Palanta RantauNet: | http://rantaunet.org/palanta-tatatertib | ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
