Anggota palanta kasadonyo, Saketek soto pulo ambo manyolo ciek. walau sabagai urang nan baru datang, kok indak pado tampaiknyo ambo maminta banyak mooh sabalumnyo. Tapi samantang pun baitu, dek lah ado nan 'mutung' bakecek sanak ambo nan di Jawa, sampai ka maninggaan palanta ko, tantu iyo kurang rancak bacando itu. Kapado mamak-mamak nan lah lamo ado di palanta ko, atau kapado kawan nan samo gadang, adaik di Minangkabau bacando nan baru disabuik dek mamak M.St.Bangsawan tu, tantu indak usah pulo ambo sabuik baliak. Tapi nan jaleh, kalau kasado kito punyo raso jo pareso tu, tantu suasana bak cando nan kini tu indak paralau ka tajadi. Teknologi kini iyo lah tabang bacando angin dek kemajuannyo, mako jika ado kreativitas nan dibatasi tantu iyo indak mungkin. Tapi dibaliak itu, sakancang a bana teknologi tu, jiko ka manggaduah ka urang lain tantu harus ado pareso di dalam diri awak nan paralu dikatangahkan. Jiko sabalumnyo nan posting punyo pamikiran, suko ndak urang jo nan ka ambo agiah kan kini? Jiko nan di katangahkan, suko ndak suko nan penting ambo benrhak posting, aratinyo iyo lah ilang raso pareso namonyo di awak tu. Sebaliknyo, dek lah talanjur dipost, nan manarimo langsuang mararau jo huruih kapital, nan gadangnyo kalau di mailis indak lai batariak tapi lah mamakiak jo maariak, ditambah warnanyo nan iyo sabana sirah, tantu laku itu juo kurang elok sacarao netiket bantuak nan lah dikamukoan dek moderator Miko.Saketek awak baru samo urang Minang nan dapek bakumpua cando iko, alah bantuak itu nan tajadi, apo nan katajadi di nan barikuiknyo? Tantu mamak-mamak ambo labiah paham dan arif tantang itu. Di lain pihak, dek awak kini ko di palanta, ota nan ado tantu juo ilia mudiak, indak mungkin ka dibatasi ciek duo, kecuali palanta ko dijadian mailis nan isinyo atau topiknyo ditantuan dan disapakati basamo sabalumnyo, lalu diatur dek sang moderator, dalam hal iko sanak ambo Miko tantu harus juo pegang peranan. Tapi manuruik ambo, bantuak nan kini keadaannyo, palanta jo ota ilia mudiaknyo taraso bana ambo sadang di palanta nagari awak, jadi rancak bacando iko taruih. Cuma tadi tu, raso jo pareso marilah samo kito junjuang, warih nan lah ado sajak dulunyo di Bumi Minang nangko. Rancak juo kito ingek, basonyo mailis ko fungsinyo sebagai wadah diskusi, ajang batuka pandapek, buliah balain pandapek nan jaleh indak sampai basitagang urek lie, kok bulek buliah digolongkan, picak buliah dilayangkan. Ba a tu dek mamak-mamak kasadonyo... Terakhir, rancak mailis ko isinyo cuma teks, jiko ado nan ka paralu di attach, rancak isinyo disabuik, kudian ditanyo ado anggota nan paralu atau indak, jiko ado silahkan dikirim ka sia nan suko, jadi nan maraso barek indak paralu manarimo. Caro lain bisa bantuak bak kini, cuma nan maraso barek manarimo bisa maminta ka moderator untuak indak manarimo posting, tapi bisa langsuang baco ka alamat nan lah diagiah dek moderator untuak mancaliak isi dari mailis ko yaitu ka http://groups.yahoo.com/group/RantauNet/messages Caro lain, mungkin moderator bisa mausahoan 'space' untuak manyimpan attachment nan gadang-gadang tu, jadi nan paralu tingga pai ka site nan alah ditantuan, akses langsuang dari sinan, indak usah mangganggu mamak-mamak awak nan maraso barek manarimo tu, salain nan maraso punyo kreativitas, masih bisa malanjuikan kreativitasnyo tu, atau nan maraso alah bisa punyo web surang, bisa pulo upload ka web pribadinyo, nan lain silahkan akses ka sinan bantuak nan lah dilakukan dek sanak ambo Dessy jo foto-fotonyo tu...
Wassalam, dan banyak maaf Jon 35 USA On Sat, 7 Aug 2004 00:37:37 +0700 (WIT), [EMAIL PROTECTED] <[EMAIL PROTECTED]> wrote: > Ass, wr, wb. > > Mak Sati, kok buliah pintak ka balaku, ijan lah Mamak mahinda dari palanta > ko. Iyo paralu juo nan tuo2 duduak samo tinggi tagak samo randah di > palanta nan alah kito bangun dengan mukasuik mempererat tali silaturrahmi > diantaro sasamo kito ko. Ado Mamak nan kami tuokan, didahulukan salangkah, > ditinggikan sarantiang, samo jo peranan Bundo Nismah nan alah mengemong > kami nan mudo2 ko, kok salah kami dijantiak, kok jahek kami dilapiah, > ditunjuak-ajari dan dibari pangajaran nan maa nan subananyo jalan luruih > tu. Kan iyo baitu dak Tan Bandaro Labiah .....??? > > Baitu juo ka Uda Zul di Bali, Mak Ban dan mungkin Pak Katua kito Ajo > Buyuang nan sadang tamanuang indak pernah postiang disiko dapek muncul dan > mambarikan pituahnyo dalam kusuik nan indak ka salasai ko. > > Ambo badoa ditangah malam ko semoga kusuik tu akan salasai, indak ado > panyakik nan indak ado ubeknyo, cuma mati nan indak ado ubeknyo, indak ado > kusuik nan indak ka salasai, cabiak2 bulu ayam kato rang tuo kito, tantu > patuak juo nan ka manyalasaikan. > > Jadi marilah kito basaba, saliang tenggang raso. Kok ketek tahu > diketeknyo, kok gadang tahu pulo caro digadangnyo. Tahu di Nan Ampek, > itulah falsafah kito : Kato Mandaki, Kato Mandata, Kato Malereang jo Kato > Manurun. > > Wassalam, > M.St.Bangsawan (47 th) > Nan sadang prihatin mancaliak urang di palanta RN ko (jam 00.25 Sabtu > dinihari) -- Nofrijon Sofyan Materials Research and Education Center 202 Ross Hall Auburn University, AL 36849 USA Phone: +1-334-844-3366 Fax: +1-334-844-3400 http://www.nofrijon.net ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
