Kamanakan Hendra, Kalau dulu lelaki Minang musaua jo poligaminyo, mungkin ado bananyo. Di babarapo daerah, saisuak, urang nan baru diangkek jadi pangulu, musti kawin ciek lai. Kok pai lo nyo ka Makah, pulang dari naiak haji, babini lo ciek lai. Biasonyo adidunsanaknyo nan mancarian bini baru ko, sebagai lambang "urang santiang" dan "urang kayo". Jadi ado unsur prestise sosial. Dibaliak itu, acok bana pulo, urang mancari minantu laki-laki berdasarkan status dan prestise sosial ko. Misanyo, di daerah Pariaman, sakali lai saisuak, rang gaek ka maminang Sidi atau Bagindo, apo lai kok datuak atau kayo, walaupun bininyo lah duo atau tigo urang. Nan paralu, baitu jalan pikirannyo, anak laki-lakinyo isuak ka bagala Sidi atau Bagindo pulo. Mintuo ambo nan kini lah almarhum, mangalami hal ko, dek baliau bagala Bagindo, datuak dan guru, ditambah lo jo fisik nan gagah. Pernah baliau jadi marapulai minggu kini, minggu bisuak lah duduk pulo jadi marapulai di rumah lain. Iko contoh fakta nan ambo danga dari baliau sandiri katiko baliau alun maningga.
Kini, hampia habih "status sosial poligami" nan saroman ko. Kok ado bana, motifnyo lah balain. Labiah basipaik privat, nan universil di sagalo suduik bumi Allah ko. Masih syukur poligami awak tu legal. Di nagari lain, poligami tu tatap ado, tapi banamo "simpanan", "salingkuahan" atau "perzinaan" jo PSK. mS ----- Original Message ----- From: "hdmessa" <[EMAIL PROTECTED]> To: <[EMAIL PROTECTED]> Sent: Thursday, August 19, 2004 2:57 PM Subject: [EMAIL PROTECTED] lelaki minang, dalam pandangan orang lain > ketika DKJ ( Dewan Kesenian Jakarta ) mengadakan perlombaan karya > tulis , beberapa waktu yg lalu, pemenang nya adalah Novel ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
