Assalamu'alaikum wr.wb., Dunsanak Eva,
'Imbau alah kalampauan' aratino barito, kato-kato, atau pasan nan disampaikan dek lawan mangecek alah ditarimo dan difahami jo sangaik jaleh. 'Received it loud and clear'. Dalam badiskusi, labiah khusus lai dalam pasambahan sacaro adaik Minang paralu bana panakanan nan bahaso kato-kato lawan badiskusi alah jaleh bana ditangkok di awak, alah mangarati awak. Tingga lai kini baa manjawabno sacaro jaleh pulo. Jadi kalau ditanyoan dek lawan awak tadi masalah A, biasono untuak marundiangkan nan kajawabno, awak mintak pulo pandapek ka suok jo ka kida, sakalian mayakinkan urang nan disuok kida awakpun alah manarimo pasan atau pertanyaantu dengan baiak. Dalam diskusi tadi, informasi bisa juo datang sacaro lunak panyampaianno, sacaro babisiak. Tapi dek bisiak ka bisiak, bisa juo jaleh akhirno, disabuik pulo 'bisiak lah samo kadangaran'. Jadi carito atau pasan-pasan dalam diskusi tadi jadi jaleh. Namun baitu, kato-kato 'bisiak lah samo kadangaran, imbau lah samo kalampauan' , aratino samo, manyatokan bahaso nan didiskusikan atau labiah tapekno nan dimintak dek lawan mangecek alah jaleh tingga lai kini baa caro manjawabno sacaro jaleh pulo. Baitu pamahaman ambo. Wassalamu'alaikum wr.wb., Lembang Alam ----- Original Message ----- From: evanukman <[EMAIL PROTECTED]> To: <[EMAIL PROTECTED]> Sent: Thursday, September 02, 2004 6:09 PM Subject: [EMAIL PROTECTED] maimbau bakalampauan > manolah niniak mamak, bundo kanduang, sarato dunsanak kasadonyo > > ado tanyo ambo ciek lai. > apo garan mukasuik "maimbau bakalampauan?" > > talampau kareh bana urang ko maimbau? > atau indak tapek rumah urang nan ka nyo imbau? > candonyo indak. tapi baa subananyo artinyo ko ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
