Assalamulaikum WW Iyolah ketek bana dunia jo alat komunikasi nan ado kiniko, kalau dibandiang jo saat mbo kuliah di Semarang (73), untuak dapek baleh surek dari kampuang, kadang sabulan baru tibo. Apo lai dibandiang sawaktu nyiak sunguik jadi guru dulu, Bukittinggi - Pakanbaru sajo ditampuah jo bis saminggu lamono.
Awak alah saliang baciloteh, dalam sakejab alah dapek jawaban. Padohal awak alun pernah batamu, tapi bantuak disubalah rumah sajo rasono. Mudahan silaturrahim nan tabantuak di dunia nan mengetekko, dapek hikmah nan gadang dan mangiriang awak kajalan nan di redhoiNyo. Apo lai Mak Ngah, sampai manyetir ribuan mil untuak mangaji. Mudahan dapek pahala nan malimpah dari Allah swt. Mak Ngah, tolong bagi kami kaji tu, jo laporan pandangan matono yo. Dulu pernah dapek laporan dari gaek kito, Nyiak Muchtar Naim. Baliau kini sadang basiap-siap melantik presiden, presiden sajo alauk tapiliah yo? Wass. WW Darul -----Original Message----- From: [EMAIL PROTECTED] [mailto:[EMAIL PROTECTED] Behalf Of Sjamsir Sjarif Sent: Wednesday, September 08, 2004 6:48 AM To: stlembang_alam; [EMAIL PROTECTED] Cc: [EMAIL PROTECTED]; Sjamsir Sjarif Subject: [EMAIL PROTECTED] Re: Iyo langang Tapi, takok-takok Angku Lembang nan bahaso Inyiak Sunguik pai baranang atau pai balibur wiken, agak maleset saketek. Indak sempat barangan lah amapek hari karano Inyiak pai mangaji 400 mil manyetir pulang baliak. Sajak Hari Jumat sudah jumaat sampai hari Sinayan sudah sumbayangluhua, Inyiak Sunguik pai mangaji ampek hari lamonyo. Kami ado Konperesni Islam di Sacramento, California. Sakali satahun konperensiko bajalan lancar dihadiri Guru-guru gadang dari brmacam negara dan dalam nagari Amerika. Sakali ko ambo caliak, digunokannyo alat modern telekonperensi antaro Sacramento jo Madinah dan Cairo. Kuliahnyo dan tanyo jawabnyo interaksi. Dalam wiken tu pulo Inyiak Sunguik dapek sms dari Madinah dari Rangkayo Nismah jo Angku Rumzy sadang mandoa di Madinah. Sudah tu dalam pajalanan Talbiah mareka dapek pulo baliau alah barangkek dari Bir Ali. Inyiak Sunguik satolo mambaco talbiahnyo basmo-samo di sms.... Innal hamda wanikmata laka walmulk laa syarikalah. hampia-hampia dakek ka Makkah dapek lo sms ciek lai. Sudah tu dapek pulo sms dari Murai Kukuban dari Banduang manyatokan batigo Rang Lapau nan Indak di Lapau sadang konperensi pulo di Banduang: Rang Mudo Rita Desfitri (Murai Kukuban), Rangkalyo Dr. Yeni Rosa jo Angku Dr. Gindo Arisman suami istri. Sudah tu dapek pulo call dari Ajoduta dari Seattle, WA karano wakatu ambo di Seattle minggu nan lalu indak basuo jo baliau nan datang minggu kini. Baitulah alat-alat modern mampatamukan kito di dunia maya ko... Salam, Nyiak Sunguik ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
