Dunsanak RN kasadonyo. Assalamualaikum wr.wb.
Apo nan disampaikan sanak Ajo Duta dan Rangkayo Isna Huriati patuik kito ranuangkan basamo dan kito carikan baa jalan kalua nan rancak untuak NKRI umumnyo dan tarutamo untuak daerah awak Minangkabau nan manjadi sasaran khususnyo. Ambo alah mangamati dan marasokannyo salamo batugeh di Iran salamo 3 tahun (1988-1991) dan di Filipina Selatan salamo 4 tahun, sinyalemen nan disampaikan Ajo Duta dan Rangkayo Isna Huriati itu. Politik "Devide and rule" dengan mempelajari dan mamanfaatkan sosio kultur masyarakat Islam oleh nagara maju untuk tatap manguasai politik dan ekonomi dunia.Sabab saingan barek Negara Liberalis sasudah Negara Komunis kolaps iyolah nagara Islam. Tando-tando peringatan nan diagiah Allah SWT alah banyak, apo kadiulang juo baliak kasalahan terutama dimaso Orde Baru tu. Iyo batua kalau dulu Malaysia baraja ka Indonesia,kini tabaliak awak harus baraja ka Malaysia manga inyo bisa batahan malawan arus nan mambuek ka tapuruakan. Itu urang nan diduga otak bom Kuningan barasa dari Malaysia, manga indak di Malaysia inyo mangacau dan indak tatangkok sampai kini.Sabaliaknyo Umar Farouk jo Iqbal nan WNI capek tatangkok dan disuruakkan di AS. Manuruik himaik ambo kito harus mampu marumuskan visi jo misi basamo, supayo sagalo potensi nan ado diurang awak ko bisa basatu jo basinergi. Salah satunyo iyolah marevitalisasi dan ma-aktualisasikan ka khasan budaya Minangkabau nan babunyi: Adat Basandi Syara', Syara' Basandi Kitabullah" dalam kahidupan masyarakat sahari-hari nan alah dirusak arus globalisasi yang manggeser nilai-nilai nan syarat dengan nilai spiritualistik maso dulu kaarah nilai-nilai maso kini nan syarat jo nilai materialistik dimano masyarakat labiah ma-hargai urang bakadudukan jo banyak harta alias piti. Untuak bisa manyatukan visi jo misi ambo raso kabiasaan urang awak salamoko nan banyak cumeeh, mudah curiga alias buruak sangko, pandangki jo iri dsb harus dibuang jauah-jauah sabab itu nan marusak kebersamaan dan persatuan kito. Bundo Nismah pernah manyampaikan keluhannyo,baa kok susah bana manyatukan urang awak ko. Sahinggo iko dahulu sabagai palangkok sinyalemen sanak Ajo Duta jo Rangkayo Isna Huriati , mudah-mudahan ado gunonyo. Wassalam Asmardi Arbi. -----Original Message----- From: [EMAIL PROTECTED] [mailto:[EMAIL PROTECTED] On Behalf Of Isna Huriati Sent: 12 September 2004 09:41 To: [EMAIL PROTECTED] Subject: Re: [EMAIL PROTECTED] Kajadian Tadi Siang Di Kuningan Dunsanak di RN, Batua kecek ajo Duta tu. Awak gampang jadi sasaran untuak dioyak dek nagari awak sadang tapuruak. baitu pulo kecek sanak M. Risan, urang gampang disuruah suruah asa lai diagiah pitih. .........dikuduang ... ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
