Assalamu'alaikum wr.wb., Alhamdulillah alah dijawab panjang leba tanyo Sutan Sinaro dek kamanakan kito Ahmad Ridha.
Bacarito pulolah ambo saketek. Alah agak lambek, alah babarapo tahun nan lapeh, masuaklah ambo ka Minangnet. Dek namono Minang nan sangko hati ambo tantu tampek bakumpua urang-urang awak, urang Minang nan elok-elok, nan sopan santun, nan mangecek pakaro adaik jo patatah-patitiah, sarato mamparundiangkan masalah agamo Islam, nan indak katuju mangecek bacaruik-caruik. Sarupo itu bayangan ambo mulo-mulo. Sangaiklah kuciwa ambo karano tanyato balain bana nan ambo bayangkan jo kanyataan. Disinan rupono buliah bacaruik, buliah mahujat, buliah malecehkan agamo Islam. Disinan ado juaro-juaro nan santiang bana jo caruik, jo kato-kato nan indak tacotok dek ayam. Indak balamo-lamo, babilang hari sajo ambo check-out dari Minangnet tu dan indak panah babaliak lai. Panyababno iyo itu, sarupo firman Allah di surek An Nissak ayat 140 nan alah dibahas Ahmad Ridha sacaro rinci tu. Ambo memang indak panah amuah barundiang, basoal jawab jo urang sarupo J St M, HB sarato nan lain-lain tu sabab indak ado manfaatno. Urang-urang sarupo itu indak ado gunono dilawan, maabih-abihkan enerji sajo. Jadi ringkasno, kok no ka ingka ka agamo Islam, kok no ka kapia, bialah bak jano surang. Kok no ka indak picayo jo Tuhan Allah nan maagiahno rasaki tu, bialah nak dikarajoanno surang nan sarupo itu. Nan awak indak pulo paralu maampia-ampia ka lingkuangan mareka. Kok iyo bagalau sajo pulo isi carito di Urangawak tu ndak usahlah awak masuak. Indak usahlah awak sato pulo mandangaan carito nan indak bakajalehan ujuang jo pangkano disinan tu. Apo lai kalau jaleh-jaleh urang-urangno nak ka mampasando-sandoan al Quran, iyo indak usahlah sato duduak di sinan. Badoso awak. Dan disiko, di palanta Rantaunet awakko, alah samo sapakaik pulo awak di dalam Tata Tertib, indak kamangaji nan bukan-bukantu. Indak kamalecehkan agamo. Kok urang masuak kamari nak mangacau, nak manjua galeh nan indak basasuaian jo pandangan umum nan balaku disiko, tantu awak pasilakan sajo pulo urang-urang sarupotu kalua. Alah ado babarapo urang, nan bakalakuan sarupo itu disuruah kalua dari siko. Wassalamu'alaikum wr.wb., Lembang Alam ----- Original Message ----- From: Ahmad Ridha <[EMAIL PROTECTED]> To: <[EMAIL PROTECTED]> Sent: Thursday, September 16, 2004 1:43 PM Subject: Re: [EMAIL PROTECTED] Fw: [Urangawak] Himbauan untukangkat kakidimilis"urang awak" > Sutan Sinaro wrote: > > > Assalamu'alaikum.w.w. > > wa 'alaikum salam warahmatullahi wabarakatuh, > > > Kito terlarang atau diharamkan untuk duduk bersama > > dengan orang-orang yang memperolok-olok-kan agama. > > Manuruik ambo, walaupun dalam bentuk mailing list. > > Ayat ko jaleh tertera dalam Al-Qur'an, tapi ambo lupo > > dima lataknyo. Ancak tanyo dik Rahima, atau mak Sutan > > Lembang Alam atau sia sajo nan hapa dima latak ayat > > ko. > > Mohon maaf kok lancang ambo mambaleh dahulu. Dari terjemahan al-Qur'an > nan ado di ambo ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
