Tarimo kasih banyak ko Da Jon, barakaik handak-nyo. Mengenai apo nan Da Jon sampaikan, bahaso jikok sasek gunoan pulo dek ambo email Google, tu, lah lapeh utang Da Jon disinan tu Mah. Takana dek ambo kecek Uda Ijon, kakak ambo nan paliang tuo, katiko kami bakumpua di rumah kasadononyo baradok-an jo urang gaek, keceknyo;
"Jikok Apak jo Ibu lah lah lapeh hutang mangajari kami. Kalau ado diantaro kami nan sasek, mangko itu alah jadi tangguang jwb surang2, indak ado hutang Apak jo Ibu jo kami lai." Keceknyo sasudah gaek mangecek bahaso inyo cameh kami ko lupo jo agamo.
Nan dek Da Jon tantu baitu pulo. Hutang awak manyampaikan, kadijalanan urang atau indak, utang inyo pulolah.
Baitu se Da Jon, tarimo kasih sakali lai atas paragiah Da Jon.
P.S.: Ado salah surang dunsanak nan marasiokan namonyo nan maagiah Gmail pulo ka ambo ciek lai. Ambo indak tau dunsanak dari ma ko. Dari Palanta Rantaunet, Urangawak, atau dari ma?
Dunsanak ko basisuruak indak amuah maagiah namo, hanyo namo rahasionyo sajo nan basabuikkan.
"Wassalam, Penonton Saja" baitu panutuik emailnyo ka ambo. Sia ko garangan?
Tapi walaupun baitu, tarimo kasih pulo ambo sampaikan kapado sanak "Penonton Saja" nan alah maagiah Gmail pulo ka ambo ciek lai.
Nan dari baliau tu alamaiknyo jadi [EMAIL PROTECTED] Samoa barakaik pulo andaknyo!
Dek hari alah ampia ka puaso pulo, kito mulai maansua mamintak maaf, sahinggo dapeklah awak malaksanakan ibadah puaso dengan batin nan barasiah. Abih dari kasam kasumek, upek sarato sagalo macam nan kanggaduah kito dalam manjalankan puaso. Mudah2an, dapek pulo awak babaliak ka fithrah kito di hari rayo, babukak buku baru nan barasiah nan ka kito isi sangaik bahati-hati. Jan sampai taserak pulo doso walau satitiak disinan.
Jadi nan timpak diri ambo, mohon maaf lahir jo batin ka dunsanak kasadonyo di sakuliliang palanta, indak di siko sajo baiak di Urangawak, atau dima sajo ambo pernah singga sarato duduak minum kopi sambia maota. Ndak paralu basauikkan namo bahimbaukan gala, salam tatuju kasadonyo.
Salah ka manusia kito mintak maaf, salah ka Tua -Tuhan Allah SWT kito mintak ampun sarato batobaik.
Ambo sudahi dulu, jikok lai panjang juo umua, dilain kesempatan kito sambuang baliak.
Wassalam, w.a.
At 02:35 AM 9/18/2004, you wrote:
Iko GMail nan Af minta tu, mudah-mudahan bermanfaat...
Wassalam,
Jon I've been using Gmail and thought you might like to try it out. Here's an invitation to create an account.
-----------------------------------------------------------------------
Nofrijon Sofyan has invited you to open a free Gmail account. The invitation will expire in three weeks and can only be used to set up one account.
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
