Tanggapan ambo silahkan dunsanak baco di bagian bawah, sasudah curhat-nyo Sanak Yulmizar ko.
================================ From: "Yulmizar" Date: Sun Sep 19, 2004 5:23 pm Subject: Re: [EMAIL PROTECTED] Filsafat Urang Oto (by Wady Afriadi - Original!)
Partanyaan ambo;
Ba-a solusinyo manuruik filsafat urang oto, tu.
Wakatu manikah dahulu, nan paliang ambo cito-citokan adolah punyo anak.
Nampaklah kini, kacintoan ambo ka anak kadang malabihi kacintoan kapado bini
ambo. Apo nan ambo putuihkan, labiah mamihak ka anak. Bakatokan ambo nan
mamutuihkan dek karano bini ambo indak satuju, do. Tapaso main karek kayu, stek.
Misalnyo pakaro manonton tipi.
Anak ambo masih ketek baru, umuanyo labiah kurang 6,5 tahun. Kini baru kalih satu SD. Ambo indak satuju tipi tu di iduikkan bilo indak ado acara nan sasuai jo umuanyo. Acara API atau Indonesian Bedol tu, mangka bana hati ambo. Apo lai sinetron-sinetron tea, tu. Banyak rasonyo nan icak-icak acara anak-anak, tapi nan dicaliakkannyo antah apo-apo se. Ambo katokan elok-elok. Tapi bini ambo tu indak mandanga, doh. Argumennyo, inyo kan butuh represing pulo katonyo. Memang alasannyo tapek juo stek. Karajonyo sahari-hari, di rumah se mamasak, mancuci dan ma-atur finansial keluarga. Sakali-sakali bana kami nan pai raun-raun kalua. Banyak alasan nyo nan datang dari ambo. Hari ka ujan ... lah. Sanek pamutuih spul api nyo lah ... Banyak lai ... ado se alasan ambo bilo ati sadang indak namuah.
Kaputusan harus mbo ambiak surang sabok musyawarah dan mupakat indak tacapai.
Ambo maraso manang voting dek ambo dalam posisi mancari pitih. Mako ambo
putuihkan kabel tipi tu. Sudah tu, saminggu labiah nyo marunguik se.
Takana di ambo, kok bakarajo pulo bini ambo tu. Apo lai gaji nyo gadang pulo
dari ambo. Tantu lah nyo ungguak kan pulo baju jo sirawa ambo di suduik rumah.
Sudah tu, kabel tipi nan baputuih lai ambo sambuang baliak. Ibo pulo hati mbo
mancaliaknyo. Indak lamak lo lalok malam doh.
Alah ambo cubo pulo baturuikkan caro si Af, tu. Duduak pulo ambo di simpang tugu
Balimbiang mancaliak merek oto nan lewat. Indak kanai bana ati ambo doh. Kok oto
angkot tu nan ambo caliak, tulisannyo "renegade ....", "laredo ... ". Kadang
poster baret hijau nyo tempel batulisan "kopasus".
Ambo cubo ma-aliah paratian ka becak masin nan banyak di Balimbiang tu. Batambah
paniang ambo, merek becak tu sadonyo "sementara biarlah begini ... ".
Kok manuruikkan filsafat nan ado di becak tu. Manuruik ambo indak ka salasai
masalah ambo doh. Musti ado salah surang nan jadi korban dek kaputusan ambo.
Samantaro ambo indak namuah baitu.
Sudah tu ambo malucuih se pulang lai. Indak ado nan dapek di ambo doh. Mungkin
dek ambo indak basikola tinggi sarupo si Af atau siMon USA tu. Ado juo tapikia,
lai indak manuruikkan kicek urang tea, ambo koh. Kadang ado juo khawatir ambo,
lai indak maninggakan parangai si Af ko.
Wass ymz ============================
Ondeh, iyo sabana sadiah pulo carito sanak Yulmizar ko walaupun indak sasadiah pilem India.
Lai takana dek ambo, jawaban untuak masalah sanak Yulmizar nan nampak dek ambo tasurek di oto tambangan tu katiko ambo jo duduak di tapi labuah jo Simon:
Jaweknyo yaitu: "Kabaa Juo..."
Itu-lah intinyo sanak Yulmizar...
Memang banyak di dunia ko banyak hal2 nan indak sasuai jo kandak awak kasadonyo...
Ka dirusuah-an juo kiro2? Awak nan kakuruih dinyo.
Labiah rancak ditarimo sajo kaadaan tu, tapek bana kato "Kabaa Juo" sbg solusinyo...
Sasudah tu, saba ka dipabanyak hanyo lai Uda/ Mamak Yulmizar.
Satantang Ambo jo Simon, kami ndak ado nan sikola tinggi do Mak. Kahidupan sajo nyo nan maajai kami. Sasuai kecek rang arif, alam nan takambang ko sajo nan jadi sikola kami nyo.
Cuma pasan ambo, jan dituruikkan bana pangana nak duduak di tapi labuah tu lamo-lamo, beko lain pulo kecek urang nan tibo;
"Caliak lah tu, si Yulmizar alah mulai barubah akanyo..."
A kalau baitu, ambo jo Simon pulo nan ka dipasalahkan urang.
Untuak dunsanak kasadonyo, pandai2 sajolah dalam mamiliah kecek ambo jo Simon. Ndak kasadonyo patuik dipaturuikkan do!
Nampaknyo paralu pulo carito ambo jo Simon ko diagiah label:
================= Parental Advisory =================
atau: ===================== Don't Try It at Home! =====================
Tarimokasih untuak Sanak/ Uda/ Mamak Yulmizar nan alah manunjuakkan perhatian nan sedemikian gadang untuak kisah2 ambo jo Simon.
Wassalam, Wady Afriadi
---------------------------------------- Do You Urangawak?
Join the [EMAIL PROTECTED]
The group of Minangkabau folks worldwide
To join, click http://groups.yahoo.com/group/urangawak ----------------------------------------
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
