Yth. Dunsanak dan Niniak Mamak kasadonyo;
Ado kawan nan mambana mintak tolong untuak mahimbaukan ka urang kampuangnyo, Rang Maninjau.
Barikuik adolah pasan dari kawan tu:
==================================== Assalamualaikum w.w.
Bapak-bapak, Ibuk-ibuk, Niniak Mamak, Uda dan Uni, Nambo,
perkenalkan namo ambo Adi Tanjung, urang subarang Maninjau, tapeknyo di Muko Jalan, nan kini tagabung dalam Desa Pantai Panjang sasuai kaputusan pamarintah.
Ambo dulu sikola di Tsanawiyah Kubu Baru, sasudah tu SMA Maninjau. Tamaik SMA taun 1992.
Ayah ambo yaitu Lukman Dt. Bagindo, pansiunan kapalo sikola Batu Nanggai.
Dek lah banyaknyo milis tampek bakumpua urang sakampung di internet ko, mangko ambo maajak sanak kasadonyo untuak bagabung di milis nan lah ado pulo khusus untuak urang Maninjau.
Mungkasuiknyo bukan urang Maninjau bana sajo, tapi juo untuak urang subarang, dari Sungai Batang, Pandan, Galapung, Sibaruah, Batu Nanggai, Muko Jalan, Sigiran, Muko-muko, pokoknyo sabalik danau nan bariak.
Alamaik milis tu yaitu:
------------------------ [EMAIL PROTECTED] ------------------------
Untuak bagabung, sanak dapek mangirim email ka:
---------------------------------- [EMAIL PROTECTED] ----------------------------------
atau, silahkan klik URL barikuik untuak gabung sacaro online:
-------------------------------------- http://groups.yahoo.com/group/maninjau --------------------------------------
Ambo tunggu kahadiran sanak disinan. Mari kito mangecek dalam bahaso kampuang awak pulo.
"Eia ko karajo waang?"
"Manga macam nantun?"
Sarato ota2 lainnyo sarupo pukek jo karamba.
Dek ambo indak banyak bagabung jo milis mangko ambo mintak tolong ka kawan ko (Wady Afriadi) untuk manyampaikan ka sanak.
Wassalam,
Adi Tanjung Sutan Ameh (Panggia ambo Tanameh sajo)
[EMAIL PROTECTED]
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
