Anak laki-laki ambo nan ba-umua 3 tahun batanyo katiko mbo baoknyo raun-raun sanjo hari, "Ba-a dek bulan tu dituruikkannyo kito taruih, Yah". Ruponyo manangadahnyo ka-ateh langik. Kabatulan langik sadang tarang. Aa nan kajawek didiri ambo. Ambo alun mampasiapkan jawabannyo lai. Kok dijalehkan baso bulan tu tetap di sinan, tantu nyo anggap ayahnyo mangicuah. Sabok nan dicaliaknyo babeda jo keterangan ambo. Dalam hati, mungkin nyo katokan ayahnyo tea. Nan ambo sabagai urang tuonyo tantu indak sampai hati pulo manurunkannyo di tangah labuah dek batanyo sarupo itu. Urang lain pulo nan mangatokan ambo tea. Katiko mambaco postingan si Af nan dianggap malanggar point B dalam tatatertib RantauNet, siang hari tadi. Ambo lamo tamanuang. Malalui yahoo messenger ambo kirim pasan, "Aa ... pulo nan batulih tu Af". Nyo jawek, "Itu kan bahaso di lapau, da Yul". Sudah tu indak ambo papanjang lai. Ambo ubah kicek. Alah paham mbo kiro-kiro, mukasuik si Af tu. Kisahnyo tu adolah replika kahidupan manusia sahari-hari. Ambo tahu pulo si Af tu SSn. Saketek banyaknyo tulisannyo tu dipengaruhi gaya penulisan sastra. Picayo atau indak picayo, urang cando Simon USA tu ado di masyarakat kito. Ambo sangkek tu khawatir banyak mamak dan dunsanak indak dapek mangomentari tulisan si Af tu. Kekhawatiran ambo nampaknyo tajadi. Ruponyo malam hari, katiko mambuka email mbo akhirnyo tahu, alah di kalua kan ruponyo paja tea, tu. Kini urang nan mambuek malapetaka di milis ko alah bakaluakan. Banyak hati urang nan sanang. Batanyo ambo kok lai buliah, ka mamak nan batujuah nan alah sabulek suaro nan mangaluakan si Af, ko. Atau nan lain nan alun sempat ma-agiah suaro. Kok mulai anak mbo baranjak gadang, kok mulai nyo mambaco Al-Qur'an, kok mulai pulo nyo batanyo nan ma-arah-arah ka partanyoaan Simon USA tu. Apo ka jawek ambo? Ambo cubo bukak kalamullah nan alah dibukukan tu, Al-Qur'an atau Al-Furqan atau Al-Hikmah. Basuo ayat nan terjemahannyo; Hai orang-orang yang beriman, peliharalah dirimu dan keluargamu dari api neraka .... (Selengkapnya QS. 66:6) Manuruik pamikiran ambo, ambo harus manarangkan dan manjawab pertanyaan nan diajukan anak mbo tu supayo jan nyo sarupo si Af nan alah manjadi Atheis tu. Takana pulo di ambo Bundo Nismah nan acok juo mangirim artikel-artikel tentang agamo di palanta ko. Takana pulo diambo rang palanta ko banyak nan santiang-santiang. Banyak nan peduli ka masalah pemurtadan. Banyak nan peduli tahadok kampuang. Kehawatiran ambo, tantu dapek dicarikan jawaban dan solusinyo. Wassalam ymz
From: "RantauNet Administrator" <[EMAIL PROTECTED]> To: <[EMAIL PROTECTED]> > Sesuai aturan nan ado, tapaso dikaluakan clurit tuh. > Jo barek hati ... sorry Af! Cress ... !!! > > Admin > > -----Original Message----- > Sent: 20 September 2004 20:17 > Subject: RE: Blasphemy > > Assalamu Alaikum W. W. > > Nampaknyo lah langkok 7 urang nan maraso resah dek postingan si Af ko > nampaknyo inyo agak tere atau bocor aluih saketek. > > 1. Mak Ngah > 2. Bundo Nismah > 3. Sutan Sinaro > 4. Nofrijon > 5. Jeffry Zein > 6. Rahima > 7. Sutan Parapatiah > > Jadi lah bisa dilaksanakan tampaknyo Mik > > Wassalam > -- Outgoing mail is certified Virus Free. Checked by AVG Anti-Virus (http://www.grisoft.com). Version: 7.0.271 / Virus Database: 264.9.3 - Release Date: 17/09/2004 ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________