Sanak Yulmizar, Ambo sabananyo indak amuah mampapanjang masalah iko, cuma dek sanak batanyo dan namo ambo kebetulan ado di daftar urang batujua nan sanak mukasuik, tapaso ambo pun maagiah jawaban. Ambo tau basonyo sanak Af tu indak tea, tapi baliau tu adolah urang santiang nan dapek sanak caliak dari gaya bahasa baliau tu, baiek itu gaya bahasa penulisan, tamasuak dari gaya bahasa nan mancirikan urang Minang, sabana kagum ambo jo baliau tu. Dari segi pendidikan pun baliau tu ambo raso indak kalah dari sanak, walau babeda jalur, tapi nan jaleh baliau to adolah sarjana. Cuma sayang, kalau kepandaian itu digunoan untuak mambuek urang, nan mungkin dalam taraf kaimanan masih randah bisa babaliak arah. Babeda pandapek tantang satu hal adolah masalah nan biaso, walau bakecek sanak Ridha bukanlah rahmat, tapi sakali lai mampaolok agamo jo keyakinan urang lain samo jo manyingguang puncak kada urang. Mungkin bakecek sanak banyak nan mampatanyoan masalah tu dalam kehidupan sehari-hari awak, atau malah juo banyak nan labiah dari itu. Tapi nan jaleh jiko pertanyaan nan lah maarah ka pernyataan nan walau mangambiang-hitamkan urang lain, apolai manyingguang-nyingguang keyakinan urang lain, apolai di forum--walau banamo palanta, tapi nan jaleh palanta ko indak lah samo jo palanta kopi tampek maota sa lamak paruik awak surang--indak lah bisa ditolerir. Malu ambo rasonyo ka manjawek pertanyaan sanak ko dek sanak pun alah mangaku tamaik dari Unand, nan ambo yakin walau sanak mangecek sikola sanak biaso-biaso sajo, tapi nan jaleh tantu urang nan masuak ka Unand tu indak lah urang nan biaso-biaso (kecuali kalau masuak 'balakang' mungkin). Ambo pun tau baso ota sanak tantang pertanyaan dari anak sanak tu adolah dalam rangka mandukuang ota si Af--nan sabatuanyo indak tea tapi sarjana nan santiang--tapi bialah, cuma kebetulan jawaban olok-olok sanak Af tu juo lah disampaian dek Mamak Sutan Lembang Alam nan juo bisa sanak baco. Cuma untuak tambahan, di bawah ko adolah pertanyaan anak ambo nan kebetulan ambo bao jalan-jalan jauah di bawah kaki Tawangmangu, Karanganyar Solo kiro-kiro limo satangah taun nan lau.
"Ba-a dek bulan tu dituruikkannyo kito taruih, Yah" "Iyo yo Nak! Rancak ndak bulan tu?" "Iyo, caliak lah dituruik annyo kito taruih!" "Nanda tau ndak sia nan mambuek bulan tu?" "Ndak tau, sia Yah?", "Allah nan mambuek bulan tu Nak!" "Ba-a kok dituruikkannyo kito taruih, Yah" "Bulan tu suko mah jo Nanda, baitu juo Allah nan mambuek, makonyo diikutinyo kito taruih!" Sakali lai, ambo suko berbincang semua hal, cuma ambo indak suko jo urang nan mampolok keyakinan urang lain... Banyak maaf, Jon On Tue, 21 Sep 2004 02:48:20 +0700, Yulmizar <[EMAIL PROTECTED]> wrote: > Anak laki-laki ambo nan ba-umua 3 tahun batanyo katiko mbo baoknyo raun-raun sanjo > hari, "Ba-a dek bulan tu dituruikkannyo kito taruih, Yah". ---dikuduang---- > Kehawatiran ambo, tantu dapek dicarikan jawaban dan solusinyo. > > Wassalam > ymz -- Nofrijon Sofyan Materials Research and Education Center 202 Ross Hall Auburn University, AL 36849 USA Phone: +1-334-844-3366 Fax: +1-334-844-3400 http://www.nofrijon.net ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
