Assalmu'alaikum Wr.Wb
Ambo satuju jo mamak Ismet, saat nan ko agamo kito Islam banyak bana di suduikkan.
Ditambah statement dari para petinggi negara ko. Malatuih bom, Islam juo nan kanai.
Sahinggonyo dicap sabagai teroris.
Akan banyak timbua pertanyaan-pertanyaan tentang Islam, sarupo patanyoan si wady.
Jadi alah sa patuik nyo ninik mamak, alim ulama, cadiak pandai jo dunsanak nan barado
di palanta ko nan mangarati labiah dalam tentang Islam, jikok ado pertanyaan dari anak
kamanakan di palanta ko tentang Islam, dapek lah kironyo manjalehkan, bia nak tarang
pikiran, tabuka pulo hati, nak jan sasek pulo tentang aqidah tu.
Sasuai jo firman Allah :
DENGAN NAMA ALLAH YANG MAHA PENGASIH LAGI MAHA PENYAYANG
" Serulah ke jalan Tuhan mu dengan hikmah dan peringatan yang baik. Dan bantahlah
mereka dengan bantahan yang lebih baik. Sungguh, Tuhan mu, Ia - lah yang lebih
mengetahui siapa yang tersesat dari jalan- Nya. dan Ia-lah yang lebih mengetahui orang
yang mendapat bimbingan (Q.S An Nahl - 125)
Ambo satuju kito berang ta hadap urang nan mampamainkan aqidah kito, ambo satuju kito
ba reaksi kareh ta hadap urang nan ma anggap agamo itu barang pamenan.
Namun jan pulo kito cuma bisa berang jo marabo tapi indak ma nunjuakkan mano nan bana
mano nan salah. Alangkah indah nyo jikok ado nan manunjuakkan sahinggonyo jaleh pulo
bagi nan lain.
Allah Berfirman ;
DENGAN NAMA ALLAH YANG MAHA PENGASIH LAGI MAHA PENYAYANG
"Orang mu'minin dan mu'minat lindung melindungi satu sama lain. Mereka menganjurkan
yang ma'ruf dan melarang yang munkar. Mereka mendirikan shalat, dan menunaikan zakat
serta mentaati Allah dan Rasul-Nya. Merekalah yang dirahmati Allah. Sungguh, Allah
Maha Perkasa, Maha Bijaksana (Q.S At Taubah - 71)
Jadi indak pulo ado salahnyo kalau ado nan mampatanyokan tentang ideologi di palanta
ko di jawek pulo jo dalil nan ado dalam Al-Qur'an jo Hadits. Sahinggo nyo apo nan kito
kamukokan tu ado dasar nan kuek dan jaleh
Mudah-mudahan palanta ko bisa manjadi tampek manambah ilimu jo pengetahuan salain
tampek ba tuka sapo urang awak.
Mohon jo maaf ambo haturkan
Rico
"M. Ismet Ismail" <[EMAIL PROTECTED]> wrote:
Mangusia manuasia sarupo Wady Afriadi manunjukkan bahwa palantako indak
dapek maagia jawaban yang ado dikapalo si Wady.
Yang jadi masalah pertanyaaan-pertanyaan yang sarupo iko akan banyak
basileweran di dunia maya sahinggo kalau indak ado yang mancubo untuak
manjaweknyo apokah pertanyaan-pertanyaan usil ini akan tatap barsileweran
sahinggo suatu saat akan samapai juo ka anak, kamanakan, adiak awak
surang-surang. Jadi kito harokkan bana ka yang acok mampostingkan
artikel-artikel Islam untuak mancubo manjaweknyo. Sekarang ini jamannya
digital sahinggo jiko ado serangan dalam bantuak ideologi haruslah pulo
dibalas dengan jawaban ideologi pulo, jangan sakali-sakali bartindak
mangungkuang diri.
Wassaam
MII
----- Original Message -----
From: "Wady Afriadi"
To:
Sent: Monday, September 20, 2004 6:58 PM
Subject: [EMAIL PROTECTED] Tarimo Kasih Bundo Nismah
> Tarimo kasih Bundo Nisma atas empati Bundo ka ambo.
>
> Tapi apokah karano kecek Simon nan ambo sampaikan tu, solusi terbaik
adolah
> mangaluakan ambo dari palanta ko?
>
> Katiko Bundo mambaritokan Michael Jackson, ambo sangaik barsyukur.
> Akhirnyo, tibo juo keimanan dalam hatinyo.
> Padohal, sabalun masuk Islam, urang baraik tu sangaik lah kritis
tanyo-nyo.
>
> Alah abih isi kapalo awak manjalehan, alun juo baranti inyo batanyo
sabalun
> masuak bana kadalam agamo awak.
>
> Lalu, kalau di kito ado pertanyaan saketek tantang agamo, apokah kito
> manjawab pertanyaan dengan jaleh, supayo tidak ado lagi keragu2an dalam
> hati urang nan batanyo, atau, cukuik mangaluakan urang tu?
>
> Atau dek karano ambo bukanlah Michael Jackson?
>
> Cubo kalau Jacko tu nan batanyo, mungkin manih jawek awak nan ado di
> palanta ko, walaupun nan ditanyonyo tu nan indak dikaji urang sajo.
>
> Karano ambo nan batanyo, hanyo ji Af, kadang2 diimbau urang Si Wadi, paja
> tea nan barasa dari Tiaka, Kecamatan Guguak, Pikumbuah mudiak, mangko,
> tanyonyo ndak paralu dijawek.
>
> Cukuiklah tanggapannyo, "Kalua waang dari siko! Cari milis lain nan
sasuai!"
>
> Jikok cando ikok Mamak-mamak, sarato Bundo kanduang nan ado disiko.
>
> Iyo taibo ati ambo.
>
> Basisiah jo basibak awak ko kironyo.
>
> Sadangkan nan ambo tarimo jo Simon di kampuang, urang cadiak pandai sarato
> bundo kanduang tu:
>
> "Tampek batanyo jalang kapai, tampek babarito wakatu pulang."
>
> Tapi katiko ambo batanyo, "Kalua waang dari siko!" adolah jawaban nan ambo
> tarimo.
>
> Iyo maraso sabatang kara ambo di rantau ko. Simon pun alah lamo indak
> basamo jo ambo. Bundo kanduang sarato niniak mamak kito nan mulia tarnyato
> indak samo jo nan ambo bayangkan sabalun pai marantau.
>
> Tarimo kasih atas tanggapannyo, Bundo.
>
>
> Wassalam,
> Wady Afriadi
> ============
---------------------------------
Do you Yahoo!?
Yahoo! Mail Address AutoComplete - You start. We finish.
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
