Assalamu'alaikum.w.w.
Sanak Ismet.
Pertanyaan sarupo itu bukan ndak ado jaweknyo,
malah labiah kuek jawek daripado pertanyaan tu
sendiri.
Nan jadi masalah kini, sia urang nan kaditarangan tu
?.
Kalau anak kito, atau dunsanak kito, atau kawan-kawan
kito nan bisa dibaok maota ka lapau atau minum kopi
dima-dima tampek istirahat, duo hari duo malam putuih
tu ma.
Ambo pun namuah diajak bahunjun-hunjun dalam soal tu.
Sia sajo dalam urusan keyakinan ko alun pernah lari
nyali ambo maadok-i nyo lai doh.
Tapi kalau di milist ko, apo lai dek inyo lah
dapek gaya Sutan ML, indak ka pernah salasai doh.
Sudah tu kito dihujani dek pertanyaan-pertanyaan nan
dek ambo lai biaso-biaso karano lah biaso, tapi bagi
dunsanak nan baru gadang, nan alun bara mangaji lai,
atau nan kurang-kurang iman, nan sumbayang acok
tingga-
tingga, satiok keterangan awak nan indak salasai tu
dianggapnyo kalah, atau awak indak bisa mambuktikan
kebenaran nan awak baok. Sabanta tu juo nyo bisa
batuka aqidah, bisa kapia. (Sarupo jo apak kawan
ambo sasudah mambaco buku Tan Malaka, walaupun inyo
lah
haji, walau bagi ambo buku tu biaso-biaso sajo).
Kalau ka baiyo-iyo di palanta ko pun bisa untuak
manggali ilimu tantang itu, tapi tantu bacaro. Jan
saketek juo pernah manyingguang keyakinan urang. Dan
banyak hal nan bisa diperbincangkan dalam urusan tu
karano kitopun banyak nan santiang dalam urusan agamo
ko, apo lai didukung jo ilimu Sains dan Teknologi.
Jadi jan sanak Ismet baangapan urang tu dikaluakan
dek karano indak tajawek,.. jaaan. Salah tangkok tu.
Ndak ado mukasuik hati nan lain salain manjago
dunsanak kito dari caro pemurtadan nan sarupo itu,
apo lai awak indak tau urang tu sia, aa mukasuiknyo,
agen ma nyo, upahan siaa nyo.
Kalau sanak Ismet ingin baraja, banyak nan bisa
dijadikan guru. Sayang ukatu ambo di palanta ko
agak kurang dapek jatah dek karano sibuk, caliak
tulisan ambo nan takarek-karek dan alun basalasaikan,
baitu juo pertanyaan-pertanyaan dunsanak nan ado.
Nan paralu, yakinlah jo Islam dan mari masuak ka dalam
Islam sacaro keseluruhan. Sado pertanyaan orientalist
atau atheis nan ado di dunia maya ko nan mungkin
sampai ka sanak, ado jaweknyo di ambo. Kalau indak
cukuik kito bisa mintak bantuan ka dunsanak nan lain
nan indak ka pernah kalah santiangnyo dari ambo.
Ambo urang palanta nan suko duduak di suduik ko mah,
kok ndak diimbau Da Am Bandaro atau mamak St. Lembang,
ambo kadang ndak basuaro doh. he he he he.
Wassalam
St. Sinaro
--- "M. Ismet Ismail" <[EMAIL PROTECTED]> wrote:
>
> Mangusia manuasia sarupo Wady Afriadi manunjukkan
> bahwa palantako indak
> dapek maagia jawaban yang ado dikapalo si Wady.
>
> Yang jadi masalah pertanyaaan-pertanyaan yang sarupo
> iko akan banyak
> basileweran di dunia maya sahinggo kalau indak ado
> yang mancubo untuak
> manjaweknyo apokah pertanyaan-pertanyaan usil ini
> akan tatap barsileweran
> sahinggo suatu saat akan samapai juo ka anak,
> kamanakan, adiak awak
> surang-surang. Jadi kito harokkan bana ka yang acok
> mampostingkan
> artikel-artikel Islam untuak mancubo manjaweknyo.
> Sekarang ini jamannya
> digital sahinggo jiko ado serangan dalam bantuak
> ideologi haruslah pulo
> dibalas dengan jawaban ideologi pulo, jangan
> sakali-sakali bartindak
> mangungkuang diri.
>
> Wassaam
> MII
>
__________________________________
Do you Yahoo!?
Yahoo! Mail is new and improved - Check it out!
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
