Assalamu'alaikum.w.w.
Kito sambuang nan tatingga tadi bara
katalok pulo. Tapi nampak diambo lah salasai
urusan ko ma Yul, lah jaleh penjelasan dari dunsanak
nan lain. Paralu juo lai ?.
Tapi baiaklah, panaruihan nan saketek tadi dan
ambo buek sasingkek mungkin, mudah-mudah-an indak
mangalewa kama-kama. Kalau paralu juo, kito papanjang
kudian.
Kito ambiak contoh nan tadi.
Andaikan si Yul jadi rajo, dan ingin maangkek
dubalang. Dubalang ko harus diangkek dalam satu
upacara
pengangkatan dubalang, kalau indak, namonyo indak
taangkek tu doh. Dalam upacara ko si dubalang harus
maangkek sumpah bahaso inyo iyo ba-rajo ka si Yul, dan
inyo tantu sajo batarimo kasih ka si Yul dek lah
diangkek jadi dubalang, hanyo si Yul nan nyo hormati
nan nyo sambah sebagai rajo indak nan lain, dan mintak
tolong ka si Yul kok ado apo-apo,
sudah tu inyo nio ditunjuakkan
dek si Yul baa peraturan dan tata tertib sarato caro-
caro manjadi dubalang (Kalau ndak baitu, beko nyo buek
aturan jo caro-caro surang). Iko adolah hal yang harus
nyo ikrarkan dek dubalang manuruik kandak si Yul
sebagai rajo, ... kan baitu.
Kalau indak beko nyo
"ngaco" kecek rang batawi. Kalau dibiakan inyo nan
mamikiakan apo nan ka nyo buek dalam upacara tu jo apo
nan ka nyo ucapkan, bisa berabe, indak ka sasuai jo
kandak rajo, samantaro rajo nan maangkek dubalang.
Kan iyo baitu ?.
Tantu dalam upacara ko kasado caro-caronyo manuruik
kandak si Yul, apo nan ka nyo baco dari muluiknyo
tantu manuruik kandak si Yul. Aaa ..baa caro nyo ?.
Mako caronyo-caronyo harus diajakan ka inyo, sudah
tu
apo nan ka nyo baco harus ditulihkan bana sasuai
jo kandak si Yul. Kan baitu ?.
Mako si Yul mangirim tulisan tu ka inyo untuak
nyo apa(hafal) atau nyo baco sajo di dalam upacara tu
beko.
Apo nan ka si Yul tulih ?.
untuak mangecekkan raso tarimo kasihnyo ka si Yul
dek lah diangkek jadi dubalang. ?
untuak maakui si Yul sebagai rajo bagi inyo dan
harus nyo patuahi. ?
untuak mintak tolong ka si Yul sajo kok ado apo-apo
bukan nan lain. ?
untuak mintak pitunjuak caro-aro jadi dubalang ?..
..dan lain-lain...
Baa si Yul manulih ?.
Aa nan ka ditulihkan ?.
Eiitt paruik lah lapa pulo,...tunggu dulu...
makan ciek dulu...
beko kito sambuang...kok ndak beko bisuak...
Eh tapi kok ndak paralu lai, rancak ndak disambuang..
baa Yul ?.
Wabillahil hidayah wat taufiq
Wassalam
St. Sinaro
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
