Assalamu`alaikum Wr Wb
Sanak nan ado di Palanta yang dihormati
Ba`a ruponyo dek Mak Ngah
Alah balayangan pandangan ka nan jauah
Alah batukiak-an pandangan ka nan ampia
"Kok nan tacelak tampak jauah, iyolah Rangkayo Rahima [di Kairo]
"Kok nan tabarumbun tampak apia, ..... ado ndak, ...........? [di Jabotabek]
mancari nan sasuai jo syaraik-syaraiknyo untuak ka-di calonkan manarimo "Anugerah Ummi
Award 2004" nan dari RN, jatuah pilihan ka Rangkayo Rahima Rahim, mungkin alah
malabihi syaraiknyo,
Namun baitu, indak kito tutuik kamungkinan pado nan lain, yang mampunyo-i namo-namo
besar, salain Rangkayo Rahima, yaitu "Bundo Nismah sarato jo ibu "Isna Huriati"
Kok nan ambo tetap mandukuang sia sajo nan ka dicalonkan asa lai ado wakia dari RN,
iko yo, ... mohon ma`af banyak-banyak, maklumlah urang nan manulih ko sikola-e nan
paliang pincik dari sagalo dunsanak nan ado di Palanta RantauNet,
Wassalam
Sidi Arshad [47] KL
Rang Piaman
Sjamsir Sjarif <[EMAIL PROTECTED]> wrote:
Mano Rang Lapau nan Basamo,
Assalamualaikum warahmatullahi wabarakatuh,
Salamo ambo simak Lapau kito salamo duo-tigo minggu ko, ambo kagum jo
tulisan-tulisan berlian nan tacelak di Lapau ko. Ambo mangucapkan tarimo
kasih banyak kapado Adidunsanak nan lah mambina dan mamaliharo jambatan
parsahabatan, jambatan silaturrahim. Topik-topik nan katangah lah mandasari
sumbangan tulisan manganai Kampuang Halaman dengan hubuangannyo jo Rantau,
dengan Budaya dan Adatnyo, dengan Agamo Islam jo Pangajian nan Mandalam
manguatkan sandi Syarak bapegang ka Kitabullah dan Sunnah Rasullullah.
Indak ka ambo rantang panjang doh, manganai subjek di ateh, ado nan jaleh
tacelak tampak jauah tabarumbun tampak hampia di antaro Kito nan Basamo.
Ambo ingin mausuakan ka Adidunsanak nan Basamo, kito katangahkan Rangkayo
Rahima untuak mandapekkan Anugerah Ummi Award 2004 tu.
---------------------------------
Do you Yahoo!?
vote.yahoo.com - Register online to vote today!
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
