Dunsanak Arsyad nan dirantau urang.
Batarimo kasih banyak ambo ka dunsanak Arsyad nan mangana ambo sabagai warga RN, apolai mancalonkan ambo manjadi panarimo "Anugerah Ummi Award 2004 ". Kok nan amboko iyo alun pantas manarimo sagalo Award tu dunsanak Arsyad, mungkin sampai dipanggiah menghadapNya pun alun pantas. Baa mangko maantun kecek ambo dek dunsanak Arsyad. Bialah ambo jalehkan bana.
Sampai umua kini nan alah hampia 59 taun, sagalonyo masih baraja baru, baraja ugamo, baraja mampraktekkan ugamotu baiak untuak diri sandiri, kaluarga maupun untuak masyarakat. Mandidik anak sajo alun salasai lai dek dunsanak, arok arok cameh ati tu, laikah ko mareka tu kamanjadi umaiak nan baguno manuruik ajaran ugamo Islam. Nan tuo baru salasai sikola , kan alun nampak hasia lai maskipun lai aktif mampajuangkan ugamonyo dinagari urang sakuler ( dinagari apaknyo ), nan kaduo masih tinkek tigo, nan ketek baru lulus SMA. Allah swt sajolah nan tau.
Ado pulo program nan sadang gadang bana nan tabantang diadoan yaitu kampuang halaman ambo , tampek darah tatumpah , nagari Kamang Hilia, kacamatan Kamang Magek ( dulu masuak kacamatan Tilatang Kamang ). Sangenek bana baru nan ambo pabuek, antah lai kasampai umua antah indak. Dek karano situasi kampuang nan sungguah mambarikan tantangan nan sangat barek. sagalo macam informasi nan masuak nan indak bisa disariang mareka, ekonomi nan sulik dan lain sabagainyo.
Nan tarakhir iyo dek karano iman nan masih sangaiak tipih, diusuakan pulo manarimo Award tu, kok musiti manulih riwayat iduik, kok tabik Riya beko,dek iman nan salau bagalombang, kadang pasang kadang suruik, sungguih takuik ambo dunsanak. Kelas ambo masih jauah dibawah. Dek itulah , dulu kiro kiro babarapo tahun nan lampau ado nan mamintak untuak masuakan kaluarga ambo ka majalah Islam juo, ambo lupo namo majalah tu, ambo indak namuah. Kecek wartawantu untuak dakwah, tapi batas dakwah jo Riya tu iyo tipih, kan baitu dunsanak Sutan Sinaro.
Sakitu sajo diambo dulu, talabiah takurang ambo mita maaf. Sakali lai ambo batarimo kasih banyak ka dunsanak Arsyad.
Wassalam, i Isna Huriati
arshad sidik wrote:
Assalamu`alaikum Wr Wb
Sanak nan ado di Palanta yang dihormati
Ba`a ruponyo dek Mak Ngah Alah balayangan pandangan ka nan jauah Alah batukiak-an pandangan ka nan ampia
"Kok nan tacelak tampak jauah, iyolah Rangkayo Rahima [di Kairo] "Kok nan tabarumbun tampak apia, ..... ado ndak, ...........? [di Jabotabek]
mancari nan sasuai jo syaraik-syaraiknyo untuak ka-di calonkan manarimo "Anugerah Ummi Award 2004" nan dari RN, jatuah pilihan ka Rangkayo Rahima Rahim, mungkin alah malabihi syaraiknyo,
Namun baitu, indak kito tutuik kamungkinan pado nan lain, yang mampunyo-i namo-namo besar, salain Rangkayo Rahima, yaitu "Bundo Nismah sarato jo ibu "Isna Huriati"
Kok nan ambo tetap mandukuang sia sajo nan ka dicalonkan asa lai ado wakia dari RN,
iko yo, ... mohon ma`af banyak-banyak, maklumlah urang nan manulih ko sikola-e nan paliang pincik dari sagalo dunsanak nan ado di Palanta RantauNet,
Wassalam Sidi Arshad [47] KL Rang Piaman
Sjamsir Sjarif <[EMAIL PROTECTED]> wrote:
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
