Assalmulaikum WW Dek lapau langang, baciloteh, jadino rami kan. Dan banyak lo batambah ilimu awak dek mak Ngah alah sempat-sempatno manyalin kamus disiko.
Itu bahaso awak mak nggah, iyo agak balain saketek jo nan di Malaysia. Kalau diawak bilo ndak ado kato dalam bahaso awak mako diambiak bahaso asiang tapi nan diambiak sering nan ado di kamus dan dibaco caro awakno. Study [dibaco = studi], indak dibaco caro nan aslino doh, via [via], ban en (benen] dll. Iko mungkin dek urang awak baraja bahaso asing tu jo kamus dulu dan jo tulisanno. Lain nan di Malaysia, kalau disinan, mamakai caro asiang tu jo bunyi nan didanga dan ditulih caro melayuno. Misanyo taya [dari tire], imigrasen, polis dll. Iko nan jadi masalah dek si Wady nan patamu, ano manulih a nan tadanga dek no sajo. Jadi ano barado di Ina maambiak caro rang Melayu nantun. Wass. WW St.P >-----Original Message----- >From: [EMAIL PROTECTED] >[mailto:[EMAIL PROTECTED] Behalf Of Sjamsir Sjarif >Sent: Sunday, September 26, 2004 11:18 AM > > >Oiyyaiyai, di sinan rupono kanai ambo, kanai kito nan basamo. Rupono ado >pamakaian kato nan hampia sabunyi tapi balain asa, balain arati. Dalam hal >iko ruponyo ado kakaliruan kato "urat" nan tadinyo ambo sangko iyolah kato >Bahaso Indonesia "urat" saroman 'urek" dalam Caro Awak. Tapi sasudah ambo >caliak katarangan Angku Darul nan bahaso "asam urat" tu caro Mak Ngahno >"uric acid" baru tasintak pangana dari pamakaian kato nan baboliak-baliak >tu. Tarimo kasih angku Darul. > ....................................................... > >Dalam kamus tu indak didaftarkan kato "asam urat" doh. Istilah tu >pun indak >ambo dapekkan dalam kamus-kamus lain nan ditangan ambo. Tapi mancaliak >istilah "uric acid" tu tampaknyo kato "urat" dalam "asam urat" ko >disunglap >dari bahaso asiang, asa katonyo "urate" (bacoannyo yureit) nan indak ado >saketek juo hubuangnnyo jo pangaratian koto "urat" dalam Bahaso Indonesia >(atau "urek" dalam Bahaso Minang) nan umum dipakai tu. > ........................................................ > >Sakaitu lah lu eh, lah panjang mek urek kaji mah ... :) >Salam, >-- Mak Ngah > . > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
