Nah tadinyo dek Lapau langang dan ado urang mancaritokan tukang uruik, kito tasimbek jo tanyo ambo tantang "asam urat" jo "autis". Istilah kakaliruan ambo manganai "asam urat" lah ambo decipher (singkokan) dalam postiang ambo sabalunno dima bana latakno kakaliruan pangaratian ambo tu.
Tiok ambo manghadapi Urang Indonesia (biasono dari Jawa) di rumah sakik ambo tataruang jo istilah "asam urat" tu. Di Kampuang Awak indak ado ambo danga istilah "asam urek" tu doh. Sacaro instinktif ambo mantarjumahkan sajo istlah "asam urat" tu ka dotornyo sabagai "samacam rematik". Aa nan rematik tu bialah dotor sajo mauruih. Untuak paindai kasalahan ambo tambah predikat di muko kato rematik tu, "samacam", dengan pangakauan ka dotor tu ambo indak tahu lo saluak baluak panyakik rematik tu, tasarah ka dotor lah manyingkoknyo. Sasudah ambo caliak kaduo websites nan diarahkan dek Rangkayo Isna, kiro-kiroan ambo dalam postiang sabalunnyo mantarjumahkan "asam urat" tu manjadi "gout" dalam Bahaso Inggirih tampaknyo lai indak maleset bana doh.
Manganai panyakik "autis", ruponyo kato "autis" tu pun marupokan kato percakapan (slang). Istilah teknisnyo dari "autism" (Bahaso Inggirih), atau "autisme" diambiak oleh Bahasa Indonesia (Kamus Kedodkteran UI) mungkin dari Bahaso Bulando "autisme" pulo.
Ka Rang lapau nan Basamo, kok ado nan ingin tahu labiah banyak tantang itu, untuak mambagi-bagi labo galeh pagi ko, iyo ambo sarankan pulo maengong-engong kaduo ka kadai nan diarahkan dek Rangkayo Isna tu:
<http://puterakembara.org/archives3/00000023.shtml>http://puterakembara.org/archives3/00000023.shtml http://www.netdoctor.co.uk/diseases/facts/gout.htm
Sakitulah dulu. Karano jauah dari Tukang Uruik ambo ka pai baranang lo cah lu. Samantaro tu, bak kecek Rang Rantau ambo, Have a Good Day.
Salam, -- Mak Ngah
33559
From: Isna Huriati <[EMAIL PROTECTED]> Date: Sun Sep 26, 2004 6:50am Subject: Re: [EMAIL PROTECTED] Berita Gembira (Ahli Urat Jo Syaraf)
Assalamu'alaikum wr wb. Mak ngah, ambo cubo manjawab jo pangatahuan ambo nan tabatehko tanyo Mak Ngah tu.
Partamu manganai "autis" , ambo kirimkan ka mak ngah website dibawahko, mudah mudah an bisa mambantu.
<http://puterakembara.org/archives3/00000023.shtml>http://puterakembara.org/archives3/00000023.shtml
Kaduo manganai panyakik " asam urat ". Iko caritonyo iyo agak manariak. Panyakik nan dibari namo " panyakik asam urat " iyo manuruik pangatahuan ambo asano dari kato " uric acid ". Nah , untuak sataruihnyo ambo agiah pulo Mak Ngah website dibawah ko.
<http://www.netdoctor.co.uk/diseases/facts/gout.htm>http://www.netdoctor.co.uk/diseases/facts/gout.htm
Kalau Mak Ngah alah mambaco kaduo website, Insya Allah Mak Ngah manjadi labiah banyak mangarati.
Wassalam, isn
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.769 / Virus Database: 516 - Release Date: 9/24/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
