Ass, wr, wb. Mamak H Zul Amry Piliang glr Bandaro Malin nan ambo hormati, salamaik untuak Mamak nan alah bagala, ketek biaso disabuik namo, kok kini Mamak alah bagala. Tantu gala ko nan ka kami panggia ka diri Mamak.
Mamak alah lamo mailang di palanta kitoko, saraso ado nan ilang dari kami, kini Mamak alah baliak ka palanta dengan gala Bandaro Malin, semoga gala ko cocok ka diri Mamak. Bandaro arati nyo Bendahara (urang nan selalau mamacik pitih atau banyak pitih) dan Malin aratinyo urang nan banyak ilimu ugamonyo atau urang siak. (Maaf kok salah ambo mengartikan gala Mamak, mungkin ado Mamak atau dunsanak nan lain nan labiah tahu, mungkin dunsanak SBL nan alah manjadi contoh dek Mamak kito ko akan mauleh labiah lanjuik) Dek ari kamasuak bulan puaso, ambo mamintak mooh ka Mamak Bandaro Malin semoga sagalo amalan kito di bulan puasoko ditarimo Tuhan, Amin. Wassalam, M.St.Bangsawan (47 th Labiah) ----- Original Message ----- From: "zul amri" <[EMAIL PROTECTED]> To: <[EMAIL PROTECTED]> Sent: Sunday, October 10, 2004 9:07 PM Subject: [EMAIL PROTECTED] Batagak Gala > > Ketek banamo , gadang bagala itulah kecek urang awak nan acok ambo danga . Salamo hiduang dilewati angok , ambo iyo alun pernah diagiah gala dek suku ambo kaum piliang . mungkin karano kini lah kadok pulang dek lah pansiun dan waktunyo lah pantes untuak ambo manarimo gala , mako kapulangan ambo kapatangko , sakalian batagak gala atau manarimo gala mamak ambo nan lah lamo talipek , mako namo lengkap ambo manjadi : H Zul Amry Piliang glr Bandaro Malin . Iduik dikampuang kalau indak bagala iyo kamari bedo . Pernah terjadi disuatu baralek kawin dan mananti marapulai yang kabatulan ambo diundang pulo , sabab marapulai padusi tu masih bakarik baik jo ambo karano sasuku , dan ambo duduak di sabalah pangka . Pado acara yang dimulai hampie tangah malam tu diadokanlah acara pidato pasambahan , dan biasonyo saluruh nan hadir akan dipanggie satu persatu lengkap dengan manyabuik gala umpamonyo : datuak sati , atau sutan lenggang marajo . Nah tibo giliran kabakeh diri ambo , pas janang > manarok kampie sirih dan mananyokan gala ambo , tagagau malah ambo karano alun bagala lai wakatu tu akhirnyo indak jadi pasambahan tatuju ka diri ambo . Sabananyo kalau wakatutu ambo alah bagala jawabnyo gampang sajo tumah (misalnya gala ambo bandaro malin (BM) taimbau dek Sutan Bandaro Labiah (SBL ) berikut ini cuplikannya : > > Balau datuak , datuak bandaro malin > > Jawaban BM : > > Lalukan lah sutan bandaro labiah > > Balasan SBL: > > Apokoh lah sampai pakirim kami kaharibaan ( maksudnya kampie siriah ) datuak . > > Jawaban BM > > Iyo alah komah sutan bandaro labiah > > Jawaban SBL: > > Indak doh kok siriak iyo mintak dicabiak , pinang mintak dididih / digatok , atau tembakau mintak diisok. hanyo lai datuak > > Jawaban BM : > > Iyo alah komah sutan ( pura pura saolah olah sudah dilakukan sambia marogoh kampie siriah ) , namun baitu kiriman kami handaknyo iyo dibaitukan pulo handaknyo sutan bandaro labiah ( maksudnya kampie siriah sipangka yang ditarok kaujuang ) > > Mangatur duduak ditampek urang baralek juga pekerjaan tidak mudah , biasonyo tugas ini akan disarahkan kapado amie ( amil ) sabalun alek dimulai , jaan sampai urang basumando duduak badakean . > Nah itu sekelumit pengalaman ambo dikampuang . > > Wassalam : zul amry glr bandaro malin ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
