Assalamualaikum warahmatullahi wabarakatuh, Rangkayo Rahima jo Adidunsanak nan dapek manjalehkannyo.
Kok Sumbayang buliah di"jamak"kan atau di "qadha"kan dengan alasan-alasan syarat-syarat nan diantukan. Oh, iyo, tolong jalehkan arati dan beda istilah "jamak" jo "qadha" nan mungkin urang awam kadang-kadang kaliru mamakaikannyo. Tarimo kasih banyak. Apokoh baitu juo jo Puaso?
Umpamonyo, kalau rumpang puaso awak dalam Bulan Puaso dapek dipuasokan nanti dalam wakatu satahun manjalang puaso ciek lai. Apokoh baitu juo, kalau awak tahu puaso awak mungkin ka rumpang dalam Bulan Puaso nan ka datang, buliahkoh awak puaso sabalun Bulan Puaso tu? Kisah nyatonyo, ambo ka bajalan jauah agak duo minggu sabalun Bulan Puaso. Dalam pajalanan tu kanai saketek babarapo Hari Puaso dengan acara-acara nan ambo tahu indak mungkin bapuaso di hari tu. Lah badatak hati nan puaso ambo tu ka rumpang agak duo tigo hari dalam Bulan Puaso nan ka datang tu. Adokah hukumnyo nan mambuliahkan ambo puaso labiah dahulu sabalun Bulan Puaso untuak digunokan sabagai pambaia, porsekot, deposit atau kredit untuak hari puaso nan mungkin ka rumpang tu?
Sadang Parak Siang di Tapi Riak nan Badabua Sadang kuhua-kuhua Sadang maaojok-ojok pai ka dapua Sadang baniaik ka makan sahua ...
Salam, Mak Ngah
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.769 / Virus Database: 516 - Release Date: 9/24/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
