Assalamu'alaikum wr.wb., Ambo satoi saketek nyiak, manjawab tanyo Rangkayo Rahima tantang rumpang. Rumpang itu aratino bolong. Gigi rumpang di anak-anak, aratino gigi bolong, alah tangga nan gigi susu tapi gigi pangganti alun tumbuah lai. Puaso rumpang, puaso bolong.. Aratino ado nan bata puaso tu.
Nan ditanyoan mak Ngah atau nyiak Sunguik, lai buliah awak mambayia puaso nan ka rumpang? Indak buliah doh nyiak. Sabab alun tautang awak lai aa pulo nan ka dibayia. Jadi barangkek sajolah inyiak daulu, katiko itu aratino inyiak sadang dalam basafar, sadang malakukan pajalanan du. Sudah itu biko baru di bayia. Sabab kecek Allah sarupo nan alah dijalehan dek ustadzah mudo Rahima, 'apo bilo ado di antaro kalian sakik atau sadang ba jalan jauah mako handaklah awakno manukai puaso tu di hari nan lain.' Hari nan lain no ko sasudah adono uzur cako nyiak, indak sabalun doh. Baitu pulo jo sumbahyang. Awak ka pai bajalan, pukuah sabaleh siang, alun masuak wakatu sumbayang luhua lai doh. Indak buliah awak sumbayangan sin dulu dek nak ka bajalan tu. Sabab wajibno alun tibo. Sasudah wajibno jatuah, awak alun sumbayang mako dapeklah dibayia jo di jamak nan dikudiankan misalno. Pakaro qadha sumbayang alah rancak bana panjalehan dari Rahima. Jadi nan sumbayang iyo indak ado qadha no doh nyiak. Kalau awak talalok (dilua kamampuan awak) awak harus sumbayang kalau awak lah tajago. Kecek nabi 'apobilo angkau talalok atau talupo mako handaklah angkau shalat sasudah awak tajago). Tapi ibaraik ka sumbayang subuah, tantu 'talalok' ko iyo bana kajadian khusus dek ado uzurno. Kalau tiok ari dikarajoan indak talalok lai namo no, sabana lalok namo no du itu. Kan iyo baitu du nyiak. Ambo ulang juo baliak nyiak ha. Mintak maaf lahia jo bathin, mudah-mudahan dapek tajalani bulan Ramadhan ko di awak, ditarimo Allah ibadah awak, diampuni Allah doso-doso awak. Wassalamu'alaikum wr.wb. (sabalun barangkek ka Banduang pagi ko) PS Tarimo kasih ateh doano angku Patiah, Ronald. ----- Original Message ----- From: Rahima <[EMAIL PROTECTED]> To: <[EMAIL PROTECTED]> Sent: Friday, October 01, 2004 7:42 PM Subject: Re: [EMAIL PROTECTED] Jamak jo Qadha > > --- Sjamsir Sjarif <[EMAIL PROTECTED]> wrote: > > tapi kalau awak bayia dulu nan awak tahu bahwa di hari > puaso thn iko awak indak bisa, lantas puaso awak > sabalun hari H ramadhan itu, indak ado dalam hukum > bacando itu mak ngah, dek puaso ko bkan jual beli ( > hehehe..) Kerajinan kali mak Ngah ( tagalak ambo > jadinyo ko, kalau iko pengertian ambo ateh pertanyaan > mak ngah) . > > Mak ngah..mak Ngah..rajin sekali bayar dulu baru pakai > namono tu, elok bana hati mak ngah, kalau baitu buliah > awak babisnis jo mak ngah ndak..ambo ado barang, agar > dapek mak Ngah jualkan, dek awak bajauhan, mak Ngah > bayia dulu pitihno ka ambo, iyo elok bana mak ngah, > kalau indak laku baa mak ngah,..? atau ado tajadi apo2 > ka mak Ngah, kan rugi mak Ngah, tapi rugi didunia > balabo juo diakhiraik sabagai sedeqah jadino , kalau > mak Ngah ikhlaskan,..hehehe..cando tapi ado juo > manfaatnyo cando ambo sakali ko. ). ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
