Assalamu'alaikum ww.
Manolah mamak-mamak jo dunsanak dan sadang di palanta
Mancaliak jo mangana kieh bandiang nan biaso tasabuik
di kampuang tantangan "KATO", mako ado babarapo
pribahas0 minang, tantangan nantun, diantarono:

1. Bajalan paliarokan kaki, bakato paliarokan lidah
   (Bajalan hati-hati, karano mungkin ado nan ka
manaruang, baitu pulo mangecek jan sampai talonsong
sahinggo manyingguang parasaan urang)

2. Bajalan salangkah maadok suruik, bakato sapatah
dipikiakan (Kok bajalan kana apo ado nan tingga, kok
bakato rancak dipikiakan dulu supayo jan cilako
kasuhanno)

3. Elok kato dalam mupakaik, buruak kato diluano (Apo
karajo nan kadikakok (apolagi malibatkan urang
banyak), r ancak dirundiankan dahulu supayo indak ado
silang sangketo kasudahanno)

4. Gadang kato  (Gadang ota)

5. Nan boneh nan kadikatokan (Putusan musyawarah nan
disampaikan)

6. Putuih kato dimulono (Kok tajadi pabantahan, harus
diusuik dima asa mulo pasalisiahan tu tajadi)

   Disampiang "kato" awak kadang-kadang maistilahkan
kato jo "kecek". Tantangan nan ko, tasabuik dinagari
awak pribahaso:

1. Bak kecek ula (mancaritokan sasuatu
balabia-labiahan)

2. Kecek balauak-lauak, makan jo samba lado
(manyombongkan badan balabiahan samantaro nan sabanano
indak bak nantun).

Wassalam
A. St. Rangkayo Mulia (38 tahun 3 bulan)
 
____________________________________________________
> 
> Berhenti/mengganti konfigurasi keanggotaan anda,
> silahkan ke: 
> http://rantaunet.org/palanta-setting
>
------------------------------------------------------------
> Tata Tertib Palanta RantauNet:
> http://rantaunet.org/palanta-tatatertib
> ____________________________________________________


__________________________________________________
Do You Yahoo!?
Tired of spam?  Yahoo! Mail has the best spam protection around 
http://mail.yahoo.com 

____________________________________________________

Berhenti/mengganti konfigurasi keanggotaan anda, silahkan ke: 
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________

Kirim email ke