Maa Angku Darul sarato Rang Lapau nan Basamo,
Talabiah dahulu ambo ingin manjalehkan, Angku Dino indak mantarjumahkan Nyiak Sunguik jadi Nyit Sungut, batanyo namo samaran Mak Ngah nan maa nan katangah dalam postiang nan basangkutan. Mangko baitu janyo baliau karano Angku Dino jo ambo lah batamu muko wakatu ambo bakunjuang ka Nagari Pagoda. Kami lah maota panjang babarapo hari basarato jo kaluarga baliau. Dalam pangumbaraan ambo sampai ka Funduk baliau, Sedona nan indah saroman Ustano, di sabalah Ustano Rajo Nagari Myanmar di Mandalay. Silakan cigok di http://www.sedonahotels.com.sg/our_hotels/m_mandalay/index.html.
Angku Dino lah tahu babarapo namo samaran nan ambo pakai dalam mailing list. Tapi, alam alamat email tatap tatulih Sjamsir Sjarif, namo patent nan diagiah Urang Gaek nan Baduo (kini alm). Sajak tabukak Lapau ko, ado ampek namo samaran nan tapakai: Hambo, Mak Ngah, Nyiak Sunguik, Nyit Sungut, tagantuang apo isi postiangnyo. Bahkan baru-baru ko Angku Irdham, anggota dini di Lapau ko, batanyo tantang Nyiak Sunguik. Karano lah jarang ka Lapau baliau batanyo, apokoh Nyiak Sunguik lah masuak museum. Tarimo kasih Angku Irdham, iyo Nyiak Sunguik acok tasimpan di Museum tapi kadang-kadang malucuih juo ka Lapau.
Nah, baliak ka inti kato, "Bahasa adalah menunjukan suatu bangsa" Iko iyo agak dalam aratinyo. Tapaso awak mainok maranuangkannyo. Dari macam-macam nan dapek diinterpretasikan, jiko buliah ambo ambiak agak ciek, mungkin ungkapan itu tabosek dari Budaya Minang. Awalnyo mungkin dari "Baso manunjuakkan Bangso" duo kato nan dapek diparajai dalam-dalam, untuak Tolok Ukua Badan Diri di maa ka dilatakkan atau baa dinilai urang dalam bakomunikasi dalam Pergaulan Komuniti nan Ideal.
Sakadar salah satu untuak diinokkan rancak dikana pituah Rang Gaek-gaek Kito nan bak nangko:
Nan Kuriak iyolah Kundi, Nan sirah iyolah Sago. nan Baiak iyolah Budi, Nan indah iyolah Baso.
Salam, -- Mak Ngah
33941
From: Darul <[EMAIL PROTECTED]> Date: Tue Oct 5, 2004 3:33pm Subject: [EMAIL PROTECTED] Diknas Gelar Diklat Adat Bagi Pemuda
Assalamulaikum WW
Mak Lembang Alam nan terhormat, Dan Nyit Sungut nan mangut-mangut (Maaf)
Karena kata nyiak Sunguik " Bahasa adalah menunjukan suatu bangsa". Kini ...
...
Apo iko manujuakan urang awakko iyo kadang sering binguang surang. Sampai mang Dino manterjemahkan Nyiak Sunguik jadi Nyit Sungut nan tatiru pulo dek ambo. Maaf yo nyiak, cucu agak nakal ciekko mah gak no?
Wass. WW St.P 51
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.769 / Virus Database: 516 - Release Date: 9/24/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________

