Kecek "Bilo Pulo Waden Kawin jo Amak W***g?" ko acok dikaluakan urang untuak manjawek tanyo, dimano si pananyo mamanggia urang nan ditanyo jo panggilan "Apak."
Urang nan ditanyo indak namuah untuak dipanggia sebagai "Apak", karano panggilan ko bisasonyo dihimbaukan kapado urang gaek kito nan laki-laki, alias suami daripado amak/ mandeh kito.
Dek karano pihak nan ditanyo tau jalannyo sarupo itu, dan inyo indak namuah dipanggia jo panggilan "Apak" sarupo nan dipagunokan urang2 di kantua tu, mangko tantu itu jawek nan dikaluakannyo.
Umumnyo, jawaban sarupo ko labiah acok disampaikan dalam suasana bagarah kudo, daripado suasana nan sarius atau jo hati nan berang.
Jadi, lai ndak pernah (tadanga dek ambo) ado pulo tenju balopok dek karano urusan "Bilo Pulo Waden Kawin jo Amak W***g?" ko.
Wassalam, Wady (30th)
At 10:48 PM 10/9/2004, you wrote:
Assalamu alaikum ww.
Dek alun tuo,bialah ambo panggia Uda sajo,kok ambo panggia Pak kok adolo soalan "bilo pulo den kawin jo amak waang?"
Bukan apo Da, kadang2 suasana tagang mangkonyo garah paralu sasakali supayo kandua baliak urek liia,kok tagang taruih takuik nyo putuih lansuang kan ere awak jadinyo, baa agak ati?
Da!! lai takana juo nak datang baliak KL ndak? Kok lai,jan lupo bao buah tangan yo?
Wassalam,
Gani44 Kajang
Mulyadi <[EMAIL PROTECTED]> wrote: Ado2 sajo ........................Cik Usop ni ! (sambia tagalak takakak-kakak, ha......ha.....ha.......)
----- Original Message ----- From: "ghani usop" To:
Sent: Thursday, October 07, 2004 11:37 PM Subject: [EMAIL PROTECTED] Antah io antah tido
> Assalamu alaikum warahmatullah > Baa kaba sanak sadonyo > Ado carito nan ambo gubah > Kok salah jan berang kaambo > > Carito tajadi maso dulu > Diranah minang konon kabanyo > Dima alamaek ambo ndak tau > Kisah Sutan jo rang rumahnyo > > Sanak sudaro sidang palanta nan dihormati,dibawahko akan ambo persembahkan satu carito rang dilapau nan ambo agi judul antah io antah tido,kisahko mamaparkan asa usua duo kiasan. > > Disuatu daerah nan indak banamo, tinggalah Sutan jo siUpiak rang rumahnyo, disabuah Dangau nan dibueknyo,tunggaknyo dari kayu bulek, lantai palupuah dindiang sasak, atok ijuak bajanjang kayu, tingginyo kiro2 5dapo. > > Lah panek sutan disawah, kok hari lah mulo galok, tandonyo malam lah ampia tibo, > barangkeklah sutan manuju dangau,pangkua disandang langkah diayun,paruik babunyi auih taraso tabayang nasi jo samba lado,kawa paik indak bagulo, mandanga sutan alah sampai bakato siupiak katiko itu,onde tuan tumpangan ambo,bareh lai kawapun ado joa dimasak kayu tiado,tamanuang sutan mandanganyo,mandanga titah rang rumahnyo bagageh sutan maurak selo,tali diambiak baliuang disandang nak kaparak tujuannyo, samaso sutan sampai dipintu,dilapeh pandang suok jo kida,pandang jauah dilayangkan pandang dakek ditukiakkan,tapandang sutan kabakeh janjang,janjang dielo kaateh rumah,ikek di rungkai janjang tabukak,jadi kayu api kasudahannyo. > > Onde sanak sidang pambaco > Palanta RN tampek barundiang > Siko tacipta kiasan iko > Indak kayu janjang dikapiang > > Kukuak ayam lah kadangaran,kicau buruang babunyi pulo,tando ari lah badarang pagi > Taraso sutan nak kaaia,bingkehlah sutan dari katiduran,kain disemba pintu dituju nak kasumua tujuannyo,antah apo mimpi samalam,antah kama pangana sutan,janjang babukak inyo lah lupo, bandua dipijak langkah dibuek malayang sutan manuju bumi, badabua sutan kaateh cibuak,aia baserak sutan marauang,manahan sakik badan tarampeh, mandanga dabua jo rauang sutan,takajuik siupiak mandanganyo, siupiak bingkeh lari kapintu tujuan mancaliak apo nan tajadi,antah dek lari tasangaik kancang, antah dek rem nan indak makan,tadorong siupiak diateh bandua,badan manjunam tajun kabawah, diparuik sutan mandareknyo. > > Manolah mamak nan bijak sano > Ambo manulih suko suko > Konon disiko taciptanyo > Kiasan disabuik jatuah ditimpo tanggo > > Manolah sanak sidang pambaco > Iko curito bagarah sajo > Tapi kok mamak picayo pulo > Indak kaberang doh ambo > > Balam barabah diateh dulang > Kalam patah dawaek tatunggang > Lah padiah mato batanggang > Ambo kabarangkek pulang > > Wassalam, > Gani44 > Kajang
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
