At 02:05 AM 10/20/2004, you wrote:
Kirim salam ka Ucuik gilo dih !, ma curitonyo indak basambuang, baa cacak nan diajanyo tu ! alah pandai ? Jan acok-acok bana bakawan jo inyo ! pak Wady ! kok ....... pulo pak Wady bekoh ! Haa... haaa. hhaa bgarah saketek pak Wady !
Tarkhir ! Bialah babateh awak pak Wady !, asa jan jo Allah ambo babateh,
Wabillahittaufiq wal hidayah. Z. Rangkayo Mulie
Kalau bak cando iko posting Pak Guru taruih, tantu lamak carito kito disiko, baa tu Guru?
Dek awak samo-samo guru, tantu labiah rancak badunsanak elok daripado bakasandehan.
Sabananyo profesi guru ko iyo bernilai tinggi...
Jikok ndak picayo dunsanak nan lain, cubo baco koran. Tarutamo iklan barihnyo nan satantang kolom "Motor Dijual."
Motor nan dijual bekas dipakai Pak Guru, balain haragonyo daripado motor dipakai urang manggaleh! Apolai motor bakeh tukang ojek.
Cubo baco bunyi iklannyo tu;
"DIJUAL CEPAT B.U. Motor Astrea Grand dipakai oleh Pak Guru Zul. Kondisi mulus, original, pajak baru, sangat terawat, jarang pakai.
Peminat hubungi Pak Guru Zul di 8617117 Klender Jaktim"
Baitu bunyinyo dunsanak... Pasti haragonyo labiah tinggi daripado motor urang manggaleh.
Jadi alah patuik pulo profesi guru ko kito hargai dan hormati. Jikok dilapau pun pasti baitu.
Kalau tibo Pak Guru Online Zulkifli di Lapau Mak Iyuh Gosoh, tantu langsuang disapo urang:
"Baru pulang Guru? Kopi paik atau teh masuak minum?" Baitu tanyo urang lapau sakali nan pasti alah apa jo apo minum Pak Guru ko. Te masuak tu aratinyo teh nan indak basariang tu. Dek Pak Guru lai basisunguik taba, tantu sisunguik lai ka sariangnyo.
Cubo-lah kok dunsanak nan baprofesi lain nan datang ka lapau. Walaupun manajer ekspor-impor bana, mancogok ka lapau agak ragu urang batanyo apo ka minum. "Apo pulo nan dicari om-om ko kamari?" Baitu pikiran urang walaupun ndak tasabuik dinyo.
Bahkan Paresiden kito (saisuak) pun maagiahkan gelar nan sangaik mulia kapado guru, yaitu "Pahlawan tanpa tanda jasa."
Jadi dek karano kami nan samo-samo guru ko alah baelok baliak, usah lah kusuik-kusuik bulu ayam ko dilanjuikkan juo.
Namonyo kusuik bulu ayam, alah dikirok saketek, tantu elok baliak.
Baa tu guru?
Wassalam, Wady (30th) Pasa Paruang
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
