Iyo Angku Boes, lah sampai ambo baliak ka pondok di Tapai Riak nan Badabua hari Sinayan tangah malam.

Sabana sanang ambo dapek basuo jo Angku Boes, Rangkayo Ninie, sarato anak-anak jo minantu di Rantau kito nan Jauah ko. Dahulu, tahun 2000 kito rencanakan ka basuo di Makah di Bawah Linduangan Ka'bah, tapi ruponyo alun nasib ka basuo. Namun, "niat" tu manuruik katarangan lah satangah pahalonyo, kalau dipaciak di kana-kana Allah mangabulkannyo juo. Alhamdulillah, ampek tahun kamudian kito basuo juo, batamu muko, ba"kopi-darek" kecek Rang Lapau. Labiah dari itu, lah bagajeboh kito basamo, makan katan jo kolak pisang badurian panambah baun sindawo. Tarimo kasih banyak ambo ka Rangkayo Ninie, lapeh taragak jo Kampuang sampai ka Canduang. Dalam duo kali kunjuangan ambo, banyak ota kito lapeh ka Lauik ka Rantau, lapeh taragak ambo maota lisan jo Caro Awak. Kini baliak surang, indak ado lawan maota lisan Caro Awak, tapaso baliak panyakik lamo, ota ko baliak ka jari pulo maadoki laia komputer.

Ampek Angkek parang jo Lintau,
Parang jo Anak Rajo Cino.
Ubek lakek pantang talampau,
Lah babaliak panyakik lamo ... :)

Kok Dadieh nan banamo generiknyo Cottage Cheese tu, indak sarik doh mancarinyo. Lataknyo di Supermarket dakek-dakek Yogurt, Mantega, dakek-dakek jo Susu (mukasuik ambo Milk, jan sampai salah awai lo beko eh, bata lo puaso ..:) ). Nah nan ahli dan sanang pulo jo Dadiah ko iyolah Dedeh, ambo cc kan pulo emailko ka Dedeh untuak tambah komentarnyo. Lah babuko Dedeh?

Sakaitulah dulu ambo sadang manunggu-nunggu wakatu babuko. Angku Boes jo Rangkayo Ninie sarato Dedeh tantu lah takacaak kini sudah babuko bagajeboh manunggu-nunggu pai Tarawiah yo? Untuak Rang Lapau, sakadar mangatahui beda zona wakatu kami, beda waktu Mak Ngah (California) jo Angku Boes (Toronto, Canada) ado tigo jam, saroman jarak kito dari Bukittinggi ka Irian Jaya, jo Dedeh (Arkansa) ado du jam, saroman Bukittinggi jo Den Pasar. Sakaitulah dahulu.

Salam,
-- Sjamsir Sjarif

At 06:34 PM 10/20/2004 -0400, boes wrote:

Angku Sjamsir:

alah sampai baliak ka istana? syukurlah kok lai manikmati pabukoan
kami nan a la kadarnya. mudah�an lain kesempatan basuo baliak awak.
dan ambo masih penasaran soal cottage cheese tu, insyaallah
ka ambo cari  jumahaik malam ko, bia nan dicubo lo dadiah buatan
canada.

wassalam,
boes


----- Original Message -----
From: <mailto:[EMAIL PROTECTED]>Sjamsir Sjarif
To: <mailto:[EMAIL PROTECTED]>Lapau
Cc: <mailto:[EMAIL PROTECTED]>boes ; <mailto:[EMAIL PROTECTED]>Sjamsir Sjarif
Sent: Wednesday, October 20, 2004 3:54 PM
Subject: Re: [EMAIL PROTECTED] "Bugih Lamo"


Tarimo kasih Rangkayo Rahima, kok mambuek Lapek Bugih baiko untuak pabukoan, kana-kana sajolah Mak Ngah. Biasonyo kalau pai baralek tampak Lapek Bugih iyo itu dulu nan bacaliak-caliak jauah sudahtu mintak didakekkan. Tangan suok langsuang maelo mambukak lapeknyo, tangan bagatah salero lapeh...

Patang ko di Toronto, Mak Ngah singgah lai di Rumah kaluarga Angkoe Boes Roestam.Sabalun Puaso Rangkayo Ninie mambuek Gulai Gajeboh. Iyo lapeh taragak. Sudah tu ka barangkek ka Kalipornia pai lo baliak babuko. Jo aa kami babuko? Jo kolak pisang badurian jo katan. Ondeeh lamaknyo...

Eeh, bata lo puaso Mak Ngah beko kalau lah maota pabukoan ko. Takana pulo Pasa Ateh Bukittinggi kiro-kiro pukua duo siang. Wakatu tu urang-urang padusi manjua pabukuon baru mangambangkan kadaian mareka, pakaian barasiah-barasiah, maklumlah baru kalua dari dapua, mandi, babadak, basegeh, barasiah-barasiah, maedangkan galeh pabukoan di Pasa.

Tahun 1985 Mak Ngah di Pasa Ateh, dengan ndak sadar Mak Ngah bakomentar ka adiak-adiak: "Iyo segeh-segeh juo nak gadih awak manjua pabukoan ko yo?". Mareka galak mangkacimuih. Nah tanpa di ketahui komentar Mak Ngah tu diam-diam manjala pulo ka Kampuang ...

Salam,
-- Mak Ngah


34435

From: Rahima <[EMAIL PROTECTED]>
Date: Wed Oct 20, 2004 6:36pm
Subject: Re: [EMAIL PROTECTED] "Bugih Lamo"

Selamat kembali ke kami-kami di palanta mak
Ngah,..alhamdulillah semoga mak Ngah sehat selalu.

Terimakasih atas penjelasannya mak Ngah, say a
menyangka kalau kata " Bugih ", itu adalah " Lepat
bugis ", semacam makanan yang terbuat dari tepung
beras/ ketan itu.Ternyata artinya kain.

Wassalam.Rahima.

---
Outgoing mail is certified Virus Free.
Checked by AVG anti-virus system (http://www.grisoft.com).
Version: 6.0.779 / Virus Database: 526 - Release Date: 10/19/2004
____________________________________________________

Berhenti/mengganti konfigurasi keanggotaan anda, silahkan ke: 
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________

Kirim email ke