Terima kasih pak Wady ! atas penjelasan manganai pembelajaran sistim 'restitusi' yang pak Wady postingkan ko.
Pak Wady !, sistim pendidikan atau pembelajaran di nagari awak ko banyak bana. Tapi satalah pak Wady jalehan kasadonyo tu nan sarupoko di sakolah di nagari awak lai ado juo dicuboan pak Wady, cuma dek karano istilahnyo sajo nan bakeren-keranan jadi ragu ambo dibueknyo. Di saat kini ko kami di sikolah negeri memang bingung pak Wady karano satiok baganti pucuk penentu kebijakan barubah pulo sistim nan dipakai, jadi kasado sistim pendidikan, mulai sistim CBSA, KBK, Sitim pembelajan Kontekstual, inquiry learning, antahlah banyak bana namonyo, dan lah dicuboan kasadonyo, batambah tea pulo guru nan kamajaan dibueknyo, nama sistim nan paling rancak antalah !. Jadi pak Wady !. Kami nan guru sekolah negeriko pak Wady lebaih kayo kami jo sistem pembelajaran, tapi indak ciek jo nan matang, karano aa !, tu karano satiok sabanta batuka !. Manuruik ambo, sistim pembelajaran dalam rangka merobah tingkah laku dan norma paralu juo sistim bangih nan bapilinkan sisunguik tu dan mambulalangkan incek mato ko paralu juo mah pak Wady !. Indak mungkin iko di tinggakan, tantu juo disasuaikan jo konteksnyo pak Wady. Sacaro jujur di sekolah pak Wady ko ado juo ambo raso guru nan bangih-bangih tumah !. Bahkan sistim lacuik atau pukul, di dalam agamo Islam dipakai juo mah pak Wady, sarupo manyuruh anak nan mada sumbayang nan alah baumua 7 tahun, tapi jan dikecekan pulo Islam kejam ndak !. Di nagari awak ado papatah sayang dianak di lacuik-i, sayang di bini di caraian, tu contohnyo pak Wady dek sayang kabini bacaraian yo ndak ? he.. hee.. heee !, jan tasingguang pulo pak Wady ! Jadi itu untuangnyo disekolah sawasta, sarupo di sikolah pak Wady maaja tu, inyo bisa mamakai ciek sistim pendidikan nan matang. Sarupo sekolah INS Kayu Tanam maso dulunyo sabalun adonyo Dinas-Dinas Pendidikan, sangat maju. Diniyah Puteri Padang Panjang dan Pondok-pondok pesantaren sekarang ini, mereka lebih berwewenang memakai sitim pendidikan nan disukoinyo sacaro matang dan terencana, tanpa ikuik campur kebijakan atau sistim pendidikan dari luar seperti pemerintah dll. Sakali lai, tarimo kasih ! Wabiillahittaufiq wal hidayah ! Z. Rangkayo Mulie. ----- Original Message ----- From: "Wady" <[EMAIL PROTECTED]> To: <[EMAIL PROTECTED]> Sent: Thursday, October 21, 2004 5:23 AM Subject: [EMAIL PROTECTED] Restitusi & School Belief (Re: Pak Guru Zul) > > Akhirnya timbullah dari mereka sendiri, bahwa 'hukuman' yang harus > dijalankan adalah mereka membantu petugas kantin melayani pembeli selama > seminggu penuh. Ini membuat semua teman2nya juga ikut mengetahui kesalahan > yang telah mereka lakukan, dan mudah2an bisa membuat mereka berpikir untuk > tidak membuat kesalahan yang sama. > > Untuk kesalahan yang lebih berat, semisal membawa senjata tajam ke sekolah > atau melakukan tindak kekerasan pada orang lain, > hukumannya adalah langsung dikeluarkan. > > Karena salah satu school belief yang kami yakini adalah "the school should > be a place where everybody feel safe." > > Baitu sajo Pak Guru, talabiah takurang, salah sarato jangga, tolong dimaklumi. > > Banyak maaf, wassallam. > > Wady ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
