Assalamualaikum warahmatullahi wabarakatuh,
Dengan rencana Dino ka mangirimkan salinan postiang Mak Ngah sabalunnyo ka Mak Tuo jo Pak Tuo di Gantiang Mak Ngah bareki pulo Dino jo pasan untuak maantakan salam paribadi ka Baliau nan Baduo sarato One; salam Salamat Puaso dan Salamat Hari Rayo diiriangi Maaf Lahia jo Batin. Mudah-mudahan baliau kasadonyo jo kaluarga salingkuangan tatap sehat dan aman di Kampuang, sarato Mama dan Adiak Dino di Jakarta. Istimewa jo Mak Tuo sarato Pak Tuo, ingin Mak Ngah bacarito tambahan nanti kok bilo-bilono ado kasampatan batamu baliak. Baitu juo mudah-mudahan umua baliau panjang. Kito samo-samo mandoakan ketenteraman damai Arwah Papa Dino, almarhum Carl Chairul, di Alam Baqa dalam keterdahuluannya dari kita semua. Amin.
Sasudah Mak Ngah baliak dari Gantiang ka Aua Pakan Kamih wakatu tu (patangahan Januari 2004), maninggakan Bukik Kuririak di bulakang. Hari alah agak sanjo, hujan alah taduah, labuah masih basah, tapi suasana agak dingin dan awan masih bararak tapisah-pisah manambah parasaan hati saroman talaruik ka Maso Silam; saroman Mak Ngah hiduik baliak di Duo Dunia, di Duo Wakatu nan babeda. Baa ka indak, sagalo liku-liku Kampuang Awak, Ampek Angkek jo Tilatang Kamang alah Mak Ngah rancah jo tapak kaki, baiak hujan ataupun cerah, maupun awan galok-galok saroman itu. Kadang-kadang diiriangi irama latusan mortir jo sinapang masin, ataupun maojok-ojok panuah waspada dalam kasunyian di malam buto.
Bukik Kuliriak bagi Mak Ngah adolah Landmark Ranah Tilatang Kamang jo Ampek Angkek. Wakatu Mak Ngah jo adinda Rivai Sjarif bisuaknyo bahonda ka Bukik Bulek di ateh Canduang Gunuang Marapi, Mak Ngah baliak manghayati pamandangan ka Ranah Indah nan tahampa di bawah tu. Bukan sajo kaindahan pemandangan fisik nan dihayati tapi Pemandangan Sejarah Ranah Agam Tuo dengan panuah suko jo dukonyo.
Dari Bukik Bulek tampak jaleh Bukik Kuliriak sabagai Kunci dan Landmark Ranah Agam Tuo. Bukik-bukik sabalah kahilia, kaujuang jo kapuun jeleh walaupun wakatu itu hari pun galok-galok rusuah bacampua hujan rinai-rinai ketek. Namun Mak Ngah sempat maabadikan pamandangan tu jo kamera nan indak lupo basandang ilia mudiak.
Walaupun pandangan mato Mak Ngah tabateh dindiang Ranah Agam Tuo, ka Bukik Tanjua (di hilia Baso), bukik-bukik nan salirik jo Tarusan jo Sungai Dareh (kampuang Dedeh) sabalah Utara, sarato bukik-bukik latar bulakang Palupuah jo Palembayan (daerah nan dicaritokan dalam Buku Ketika Merah Putik Terkoyak tu) sabalah ka puun, namun imajinasi Mak Ngah lapeh jauah ka Pua Gadih, ka Koto Tinggi, ka Bukit Batu Badoro nan lah didaki, lapeh ka Gunuang Ameh, lapeh ka Bonjo jo Pasaman, lapeh ka Tanah Mandailiang. Lakuak-lakuak nan panah dijalani di Bukik Batu Badoro tu maingiekkan Mak Ngah ka tampek-tampek pasambunyian Tuanku Imam Bonjo, Tuangku nan Renceh dan kawan-kawan baliau Harimau nan Salapan sagenerasi di Maso Paderi (1819-1837). Recalling sejarah tu sampai pulo ka Tampek-tampek Ijok Sjafruddin Prawiranegara, Dahlan Jambek, Natsir dll segenersi dalam duo era sejarah ka Maso PDRI (Pemerintah Darurah Republik Indonesia, 1948-50) dan PRRI (Pemerintah Revolusioner Republik Indonesia, 1958-61). Kok Bukik Kuliriak dapek bacarito pasti banyak rekaman nilai Peristiwa Sejarah nan ka dicurahkannyo.
Papa Dino, Putra Asli dari Bukik Kuliriak, (Carl Chairul, Ketika Merah Putih Terkoyak, Gramedia Jakarta 2001) lah sempat manovelkan sabingkah kisah nan diolah indah dari sebagian kesaksian Bukik Kuliriak tu. Beliau telah mendahului kita. Kita doakan arwahnya dilindungi Ilahi Rabbi dengan penuh ketenteramdamaian di Alam Baqa. Amin.
Sakitulah dahulu kini Mak Ngah sadang ka makan Parak Siang manjalang Subuah di Rantau Jauah di Santa Kuriuih Kalipornia, di Tapi Riak nan Badabua, 30 Oktober 2004.
Mutiara nan saumua jo Cemara hari ko kapai ka Carnaval di sikolanyo marayokan Hari Halloween nan Mak Ngah namokan Hari Hantu-hantuan.
Salam, -- Mak Ngah
34937
From: dino anthonio <[EMAIL PROTECTED]>
Date: Sat Oct 30, 2004 3:42am
Subject: Re: [EMAIL PROTECTED] (Re:Panjualan buku Minang)==> tambah jo nanlain;
Cemara Dinda
>
> Sakitulah dahulu, salam ambo ka cucunda Cemara Dinda sarato ayahbundanyo di
> Mandalay, Myanmar, Nagari Ameh Swarna Bhumi.
>
> Salam,
> -- Mak Ngah
Assalamualaikum, wr, wb,
ambo ucapkan terima kasih kpd Mak Ngah, yg sudah memberi sisi lain dari buku KMPT, dan juga kisah pertemuan kami dg Mak Ngah yg sampai hari ini masih terasa seperti terjadi kemarin hari. (note: imel Mak Ngah ini mbo kan kirimkan lewat surat ke Mak Tuo jo Pak Tuo di Gantiang)
mengenai KMPT ini, Mak, memang sudah hampir 'punah' di pasaran, dan karena isi cerita mungkin tidak se trendi cerita2 masa kini, plus kejadian nya ber setting sejarah yg nota bene tidak ter expose spt kejadian2 sejarah lainnya di negri kita, maka Gramedia belum ada niatan utk mencetak ulang. Dg kata lain, market segment pembelinya sangat terbatas.
tapi 3-4 hari lalu, ambo sudah ada pembicaraan dg Gramedia utk mengadakan sekitar 50 buah saja, Insya Allah bisa terlaksana.
Sekian, salam kami untuk Mak Ngah sekeluarga, juga tentu nya Mutiara dan Samudra.
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.779 / Virus Database: 526 - Release Date: 10/19/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
