[R@ntau-Net] Inyiak Kulambai; Inyiak Harimau

Tue, 02 Nov 2004 06:39:05 -0800

Kulambai, dengan variasi ucapannyo gulambai, kalambai, adolah samacam sumber api nan nan manyababkan kabakaran rumah nan indak ado sumbernyo dari dapua atau dari dalam rumah tu sandiri. Api Si Kulambai tu datangnyo malayang-layang atau malambai-lambai dari udaro (langik) inggok manjilek atok rumah sasarannyo, pindah-pindah malambai-lambai ka rumah nan badakekan di Kampuang. Api Sikulambai tu sangat ditakuti di Kampuang karano manuruik pandangan Urang di Kampuang, api tu datangnyo karano ado suatu nan tindakan nan salah dari panghuni rumah tu; api tu dianggap sabagai hukuman ateh kasalahan tu. Kadang-kadang api sikulambai tu disabuikkan urang sabagai manyumahi urang nan bakalakuan salah, "Nan kaditarah Inyiak Kulambai rumahnyo".

Istilah "Inyiak" dalam ungkapan "Inyiak Sikulambai" tu manuruik pandapek abo adolah eufmisme caro mahaluihkan panggilan dan kahormatan tahadok Sikulambai nan ditakauti tu, saroman halnyo jo panggilan "Iyiak Harimau" nan ditakuti, indak disabuik langsuang "Harimau" sajo.

Baiak Inyiak Sikulambai maupun Inyiak Harimau manuruik pandangan ambo adolah suatu kontrol kapacayoan masyarakat supayo kito dalam kahidupan sosial bakorong bakampuang jan sampai babuek salah ka masyarakat dan lingkungannyo. Kalau di Kampuang ado Iyniak Sikulambai, mankgo di Rimbo ado Inyiak Harimau. Sabagai urang nan lah panah maharuangi Rimbo Gadang, dan lah panah babarapo kali basuo jo Inyiak nan ditakuti tu, ambo iyo ingin manyampaikan suayo kito jan takabua. Kito saliang manghormati dalam masyarakat dan dalam lingkungan hiduik kuliliang kito.

Manganai "Inyiak Harimau" ko barangkali Angku Dino dapek bacarito saketek tantang pangalaman baliau di Kampuang di sanjo hari nan panah baliau caritokan ka ambo dari Mandalay, Myanmar, akhir Desember 2003.

Salam,
-- Mak Nghah

35049
From: zul amri <[EMAIL PROTECTED]>
Date: Tue Nov 2, 2004 11:53am
Subject: [EMAIL PROTECTED] Inyiak kulambai

Samaso ambo ketek dulu pernah mandanga peribahaso " manampah nampah sarupo inyiek kulambai " . Hal iko biasonyo dikecekkan dek rang tuo atau rang gaek kito apobilo maliek parangai anaknyo lah kalewatan bana atau lah maingkek ingkek . Tapi satalah ambo cigok dikamus umum minang arati "kulambai" tu indak ado panjalasannyo , apo bana nan dimukasuik dengan inyiek kulambai tu ??
Barangkali ado dari sanak sidang rantaunet nan tahu aratinyo .

Wassalam : zul amry piliang di bali 


---
Outgoing mail is certified Virus Free.
Checked by AVG anti-virus system (http://www.grisoft.com).
Version: 6.0.779 / Virus Database: 526 - Release Date: 10/19/2004

____________________________________________________

Berhenti/mengganti konfigurasi keanggotaan anda, silahkan ke: 
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________

Kirim email ke