Maa Angku Bandaro Labiah,
Tingkah gandang lah samo rancak, talun talempong lah mairiangi, iyo lah rasonyo dalam adat lah samo kadangaran di Kito nan Basamo.
Dek kito lai duduak Basamo di Lapau ko, rancak kito bawo baiyo ka dunsanak nan adang adok.
Walau sabagian bisiak lah kadangaran, mungkin ado nan ka manambah ka manukuak.
Nak sasuai tari jo gandangnyo, rancak kito tunggu agak sajamang, nak nyo abih uweh-uweh, nak nyo sajuak di kiro-kiro.
Samo mananti kito agak sabanta, kalau paralu agak duo banta, asa jan balaruik-laruik bana, lai koh dalam adat tu Angku Bandaro Labiah
Salam, -- Mak Ngah
35041
From: Bandaro Labiah <[EMAIL PROTECTED]> Date: Tue Nov 2, 2004 7:54am Subject: Re: [EMAIL PROTECTED] Salamaik >> pinang sirah ikua
Assalamu'alaikum Wr.Wb.
Mak Ngah sarato Karapatan RN
supayo rancak gandang dek batingkah, elok talempong dek batalun, tibo digandang ka paningkah, kok ditalempong ka panalun. sato pulo ambo saketek Mak Ngah. kan lai dalam adaik yo Mak Ngah ?
adopun nan kajadi tingkah jo panalun dari ambo adolah, satantangan nan manjadi buah rundiangan nan katangah di Mak Ngah, adolah "Pinang Tuo Sirah Ikua", nan aratino manuruk Mak Ngak adolah nan diibaratkan ka "Urang Padusi [bukan Urang laki-laki] nan alah
baumua, tapi parangainyo masih genit-genitan saroman anak anak gadih jolong gadang... :)" kan iyo baitu Mak Ngah ?
mungkin dek umua baru satahun jaguang, kok darah baru satampuak pinang, cadiak indak pandaipun bukan, nan tau alun li bara, sapanjang nan tadanga nan arati "Pinang Tuo Sirah Ikua" iyo bararti "urang Mudo nan baru mamasuak-i maso Tuo" atau Tuo alun mudo talampau"
Ba a dek baitu, karano papatah nan diawakko kan iyo banyak diambiak jo badasarkan kapado nan ado dan tajadi pado alam, "Alam takambang jadikan Guru"
Salorong pado pinang nangko, wakatu mudo kan iyo bacolok (warna) ijau, kok lah tuo iyo Sirah kakuniang-kuniangan (kuniang kasirah-sirahan)
Nan pinang Tuo Sirah ikua, iyo Pinang nan lah disabuik Tuo, tapi alun sirah kasadono, sirahno baru ditampuakno (ikua) sajo.
sakiro nan dapek disampaikan, ka cal;ak-calak ganti asah, pananti tukang ka tibo. untung-untuang lai pulo pagunono.
Limbak nan dari pado itu, kok tasingguang kalo ka naiak, talendo jikok ka turun, bajalan indak di nan pasa, baranti inda pado titiak, patuikdi ateh takabawahan, nan ditangah takatapian, sarato lupo mambaok katinggalan, tingga nan indak di sangajo, ka Allah ambo mintak ampun, ka Mak Ngah sarato Sidang RN ambo mintak maaf
baguru ka padang data dapeklah ruso balang kaki ruso dibaok katangah padang baguru kapalang aja dijalang guru, gurulah mati disilau surek, sureklah ilang
Wassalamu'alaikum Wr.Wb.
Bandaro Labiah
===
nan ambo ko, kok datang karumah urang, indak paralu rumah tu dijago jo panjago nan "Galak-galak", apo lai jo "Palakak Gadang"
===
Sjamsir Sjarif <[EMAIL PROTECTED]> wrote:
-------Kuduang
Cuma ciek ambo tagalak sengeng. Mungkin angku Suryadi agak gawa jo ungkapan "...tuo alun mudo talampau" "pinang sirah ikua...."
Ungkapan tu langkoknyo sapanjang nan ambo danga adolah "Pinang tuo sirah ikua" nan diibaratkan ka Urang Padusi [bukan Urang laki-laki] nan alah baumua, tapi parangainyo masih genit-genitan saroman anak anak gadih jolong gadang... :)
Salam, -- Mak Ngah
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.779 / Virus Database: 526 - Release Date: 10/19/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
