Assalamu'alaikum.w.w.
Ambo sato maucapkan selamat ka sanak Mul,
cuma kok di suku kami, pangulu harus berdomisili
di kampuang, dakek jo anak kamanakan. Tapi antahlah
di suku sanak Mul ko.
Limbak nan daripado itu, saran ambo ka sanak Mul
iyolah untuak hati-hati mamikua tangguang jawab.
Sabab kito sadonyo adolah pemimpin dan kito nantik
akan ditanyo apo nan kito pimpin.
Nabi Daud as. pernah bakato ka Lukmanul hakim,
"Wahai Lukman,...
Engkau diberi tanggung jawab, engkau tolak,...
beruntung engkau wahai Lukman....
Aku diberi tanggung
jawab, aku menerima, susah aku dibuatnya untuk
mempertanggung jawabkannya di akhirat nanti".
Di siko latak bareknyo jadi pemimpin. Akan tetapi
kalau pemimpin yang adil, dipadang Mahsyar nantik,
akan ditampekkan di bawah tiang 'arasy nan sajuak,
samantaro urang bamandi banjir paluah dek disuluah
matoari nan sajangka rasonyo.
Jan lah kito maniru watak-watak para pemimpin nan
suko berhura-hura dan sujuik syukur gadang ati dek
diangkek jadi pemimpin, lalu menghambur-hamburkan
duit untuak selamatan dan sagalo macamnyo. Mereka
lupo jo pertanggung jawaban nantik.
Tirulah 'Umar bin 'abdul 'Aziz rahimahullah.
Katiko diangkek jadi pemimpin, baurai aia mato,
bertahajud mohon ampun dan pitunjuak ka Tuhan Allah
swt. Manangih dek mangana bareknyo tangguang jawab
jadi pemimpin. Baitu juo kakeknyo 'Umar bin Khattab
ra.
Kutiko nyo dapati ado urang nan miskin sahinggo indak
makan, dan malam tu juo beliau pai maantakan gandum
ka rumah urang tu. Aa kecek bujangnyo (pembantunyo),
"Wahai Amirul Mu'minin, biarlah saya yang mengangkat
gandum itu".
Aa jawek 'Umar,
"Sanggupkah kamu memikul dosa ku nanti di hari
akhirat ?, jika tidak, biarlah aku yang meikulnya".
Baitu gambaran nan ado nan ka bisa kito ambiak
contoh untuak jadi pemimpin ko. Sa miang rato
kamanakan
indak buliah ka diawak.
Itu nan dapek dari ambo nyo Mul,
Mudah-mudahan lai di jalan nan ditunjuak dek Allah
swt. andaknyo sanak Mul bapijak. Aaamiiin.
Wabilahil hidayah wat taufiq
Wassalam.w.w.
St. Sinaro
--- [EMAIL PROTECTED] wrote:
__________________________________
Do you Yahoo!?
The all-new My Yahoo! - Get yours free!
http://my.yahoo.com
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
