Ass, wr, wb. Nakanda Madahar, tarimo kasih alah maingekkan Mamak dalam hal tu. Memang di kampuang kami tu ado 4 (ampek) suku nan dibari namo : 1. Limo Panjang 2. Limo Singkek 3. Simabur 4. Piliang. Jadi nan bana penulisannyo adolah Limo Singkek. Tentang penulisan Limo tu ado duo versi nan berkembang di Sulik Ayie, ado nan manulihnyo hanyo Limo (jo huruf latin : V), ado juo nan manulihnyo jo Limau. Caritonyo panjang, mako banamo Limo Singkek jo Limo Panjang ko, daulunyo para leluhur kami tu menemukan batang Limau (pohon Jeruk), batang limau tu ado nan tinggi dan ado pulo nan randah, mako nan manamukan limau nan randah dibari namo Limo Singkek, dan nan manamukan limau nan tinggi disabuik Limo Panjang, mungkin itulah kiro2 hikayat asa-usua namo tersebut. Sedangkan tulisan Kubang dibulakangnyo adolah memberikan ciri/identitas dalam membedakan dari satu kaum dengan kaum lainnyo di suku nan samo tersebut. Kebetulan kami dibari dek Mamak2 nan daulunyo dengan namo Kubang (sejenis pohon yang besar), mako namo tersebut terus terpakai di Sulik Ayie. Sedangkan Limo Singkek Baringin berarti dulunyo ado pohon baringin di sekitar rumah gadangnyo. RG Limo Singkek Baringin ko badakek an jo RG Limo Singkek Kubang. RG kami tu beberapa tahun nan lalu karena kondisinya sudah mengkhawatirkan maka dirobohkan. Letaknya cukuik strategis di tangah2 kota Sulik Ayie dipinggia jalan sasudah malewati Titi Bagonjoang arah ka Gando dan Tanjuang Balik, dipandakian sabalah kasuoknyo. RG Singkek Baringin di bulakangnyo. Mungkin itulah nan di sabuik Baban barek singguluang batu tadi, tadi dengan tekad kebersamaan (bersama kita bisa) ambo cubo mamikua baban barek tadi, mudah2an Tuhan memberi kelapangan kepada kaum kami untuak membangun kembali RG nyo. Terlampir ambo attachted "Rekapitulasi Pemangku adat di Sulik Ayie" (maaf bagi yang menerima pada Jalum RN indak bisa tabaco, bagi yang berminat silahkan minta melalui Japri). Sekian sebagai ka jawek pertanyoan kamanakan Madahar semoga maklum, kok ado2 juo nan manjadi pertanyoan silahkan ditanyo, akan ambo usahokan manjaweknyo.
Wassalam, HM.Dt.Marah Bangso (47 +) ----- Original Message ----- From: "Madahar (madahar)" <[EMAIL PROTECTED]> To: "Mulyadi" <[EMAIL PROTECTED]> Sent: Friday, November 26, 2004 8:10 AM Subject: RE: [EMAIL PROTECTED] Batagak Panghulu - tanyo Wa'alaikum salam ww, Paratamo salamaik dulu mak, iko salamaik bukan dek bagadang ati tapi salamaik untuak mamikua baban barek singguluang batu, dipikua ndak ta pikua di jenjeang ndak ta jenjeang. Tapi dek baban lah tibo di bau kok jenjeang lah tibo di tangan mudah-mudahan Allah mambarikan karingan sarato jalan nan lapang bakeh lalu sahinggo salamaik anak kamanakan kampuang jo nagari. Amiiiiin. Saketek manambah atau manyalo sajo mak nama nan bana panulihan Limo jo V [Singkek] nan mamak tulih supayo ndak jadi patanyoan di nan rami nantinyo mak. Sabaok di di nagari awak ado juo Limo Suku, Tigo Baleh, Tigo Balai dll itu panulihannyo ndak buliah pakai angko mak. Sakitu dulu mak Wassalam -----Original Message----- From: [EMAIL PROTECTED] [mailto:[EMAIL PROTECTED] On Behalf Of Mulyadi Sent: Monday, November 22, 2004 11:03 AM To: [EMAIL PROTECTED] Subject: [EMAIL PROTECTED] Batagak Panghulu ....Suku V Singkek Kubang,,,,
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
