Waalaikum salaam wr wb
Mamak ambo, janlah risau pulo ka ambo ... :-))
Bukannyo ambo 'marestui' pulo bapacikan yang
indak halal tuh, ambo cuma ma agiah analogi seh
nyo. Mancubo maagiah pabandiangan.
Salamo umua masih dikanduang badan, indak ka
satuju gai ambo jo bapacik an sasamo non muhrim
tuh do. Karano batantangan jo ajaran ugamo awak
nan mulia dan adaik awak yang tinggi.
Islam datang mampartahankan nan baiak,
mampaelok i nan kurang baiak
dan ma apuih yang indak baiak.
Jaleh bapacik an jo non muhrim tuh indak baiak,
mako tugeh awak mancubo ma apuihno
Tapi bapacik an sasamo muhrim, buliah dek ugamo
mako dialah awak pertahankan pulo.
sagitu seh dulu yoh mak...
takurang, mohon di langkok i,
batanyo kamanakan, iyo ka mamak juo nyoh..
wassalaam,
Ronald
[EMAIL PROTECTED]
Sent by: To:
[EMAIL PROTECTED]
[EMAIL PROTECTED] cc:
ntaunet.org Subject: Re: [EMAIL
PROTECTED] Cup ! ( pergaulan suami - sitri yang kelihatan sepele ,
tapi perlu )
12/09/2004 10:06 AM
Please respond to palanta
Assalamu'alaykum Wr.Wb.
"Ronald P Putra" !
bak kato kapatang juo, usah "dipanampakkan", baitu pulo "dilatakkan
pado tampaikno"
Upek jo puji barasa juo dari "laku" jo "parangai" awak.
satantangan nan indak halal sajo namuah bapacik-pacik-an, ikolah
karajo nan sabana "ukan", nan manjadi gamang jo risau diawak, kalau
dikaji-kaji atau diinok manuangkan ban, raso manapuak aia di dulang,
mancabiak bajo di dado, karano nan malakukan adolah anak / kamanakan
kito juo. Apokoh kadipabia sarupo nantun ?.atau bakatirupulo nan
sarupo iko.
Nan tabedo, adolah parubahan-parubahan nan sarupo iko, kito tarimo
pulo sabagai suatu kebiasaan, nan salanjukno manjadi adat kabiasaan.
Dipakailah raso jo pareso, raso nan kito baok naiak, pareso paralu
dibaok turun, supayo lamak diawak, katuju pulo diurang
Sakitu dari ambo.
Wassalamlaykum Wr.Wb.
Bandaro Labia
ambo cubo mampostingkan baliak nan daulu pernah dilewakan
++ Oii Kamanakan ! kamarilah kamanakan agak sabanta, molah baranjua
agak sakutiko, ijan bajauh-jauah bana, elok ito badakek-dakek, rancak
kito baampia-ampia, ado rundiangan nan kadisampaikan.
** Badabua ombak di lautan,
kapa manuju tanah Malako,
kapa balaia ditangah hari
Badabok darah di badan
mandanga imbauan Mamak cako
mangko kamanakan capek kamari
++ Lorong kapado badan diri Mamak kini ko, ibaraik kuciang, kuciang
lah tuo, gilo bakaluak disuduk dapua, mananti samba nan taserak,
manunggu labiah jo siso urang, kok kadikaja mancik, dibadan indak
tagarai, kok lai dapek bana, digigi indak manalok, sadangkan nasi
dingin alah bahambuh, balain bana jo maso saisuak, maso dahulu jadi
Kudo Pacu, urang macaliak ka awak sadono, maso sagalo ado di awak,
indak sia indak awak, baitu pulo maso Kudo Palajang Bukik nan alah
lewaik, maso lai kuaik mancari, indak ado bukik nan inda tadaki,
indak ado lurah nan indak taturuni. Tapi samantang pun baitu, kok
indak dapek jo harato, jo tanago Mamak bari, indak dapek harato jo
tanago, mangko pituah Mamak sampaikan. buliah nan lapeh utang
Mamak, untuang lai tapakai, kok indak buang sajo dalam samak,
dihanyuk ka aia dareh jadih juo
** Oii Mamak kanduang janno denai, takuk ganta kamanakan mananti,
raso ka taban tampek tagak, raso karuntuah langik nan tujuah, elok
Mamak bari jaleh, buliah nan sanang kiro-kiro, apo garan malah
kiniko ?
++ Oii kamanakan janno Mamak, Dek bisiak alah samo kadangan, dek
imbau alah samo kalampauan, alah basuluah mato ari, bagalanggang mato
rang banyak, alah balangkahkan sapanjang adaik, tingga disyarak nan
alun lai, hari sapakan nan dinanti, maso kamanakan surang jadi baduo,
tando Kamankan alah balaki, disinan mulo kapa balaia, balaia dilauk
kahidupan, mangko kini Mamak sampaikan, danga dek Kamanakan elok-
elok, simakkan bana-bana.
.
Tantangan ilmu urang balaki, pabaiak pikia kalakuan, paelok laku jo -
taratik, kok datang laki dari jauah, japuklah jo muko manih,
hidangkan-minum jo makanno, paliekkan ati nan suci.
Kok barundiang samo-gadang, aibno nan usah dibukakkan, sabagaimano
akal budi, tutuik dek upiak mati-mati, saangok jan mangok, saangin
jan buliah lalu, parik paga di Kamanakan kanduang, ibaraik mamakan
abih-abiah, kok manyuruak dalam-dalam, jan sarupo manyuruak di
ilalang salai, nan disalo samak tampa juo. Kok ano datang talambek,
kok ano indak kunjuang pulang, jan maupek tantang itu, kana kok ano
sadang sansaro, rida jo saba dipaliekkan, urang saba kasihan Allah.
Kok maraso-raso juo kok indak manyanang di ati, liek ano sadang suko,
sadang duduak surang, ajak saketek bakucindan, sambia manyingguang
jo kiasan. Ciek lai Mamak katokan tantangan makanan jo minumannyo,
salalu sadiokan dek Kamanakan, tasaji baiak ateh dulang.
Kok ano sadang pai, datang urang mananyokanyo, jawek dek Kamanakan
baru bajalan, baru malangkah sabantako, alun li jauah bana, mungkin
baru dibaliak dapua, atau sakiro dilabuah gadang, bia baduto agak
saketek, supayo asuang pitanah jan no lalu.
Kok Kamanakan pai bajalan, usah lupo mamintak ijin, baitu jano syarak
kito. kok pai naiak bendi, jan sabendi jo urang lain, nan bukan bukan
dunsanakno, tapi kok sarik bana bendi kaditumpang, tapaso kamanakan
basamo jo urang lain, kain nan usah basingguangan, itu pantangan
urang tuo-tuo, baa sabab dek baitu, abih gali dek galitiak, ilang
biso dek biaso, nan mato paliangan setan, nan ati paliangan Allah.
disinan malu mangkono ilang. cacek nan indak taubek-i
Tanah sabingkah alah bamiliak, rumpuk sahalai alah bapunyo, malu nan
alun ka babagi, Nyampang kok malu lah babagi, tando cilako nan
kadatang, ibaraik pintu indak bapasak, murah dek maliang mamasuak-i.
Ciek lai Mamak sampaikan. Kok duduak kamanakan di alek jamu atau
ditangah nan rami, mato nan usah dipalia, mancaliak cukuk sakali
sajo, caliak dek Kamanakan jo suduk mato, Kok galak usah dareh bana,
cukuk tasengeng diujuang bibia, disinan Kamanakan mangko dipuji
urang, elok laku rancak parangai, jadi tuladan urang sakampuang, jadi
pidoman urang sanagari.
Sakitu dari Mamak, utang nan alah mamak baia, nak langsai kasadono.
Limbak nan dari pado itu Mak Etek kan lai pulo, buliah baliau nan
kamanukuak jo mambilai, atau manarek nan no papek.
** Oiii Mamak kanduang janno denai, alah disimak dari awa sampai
akhia, alah cukuk samparono, kok diulang sinan juo katibono, kok
diulang bana, ditikam jajak kok no sipi, dititi batang kok no galia,
elok Kamanakan simpan dalam hati, siang nan dikajadikan tungkek,
malam tibo jadi kalangulu, baitu niaik kanamanakan, alah kasanang
hati Mamak.
++ Oii Kamanakan ! kamarilah kamanakan agak sabanta, molah baranjua
agak sakutiko, ijan bajauh-jauah bana, elok ito badakek-dakek, rancak
kito baampia-ampia, ado rundiangan nan kadisampaikan.
** Badabua ombak di lautan, kapa balaia di hari subuah, kapa manuju
tanah Malako, marapek kapa ditangah ari. Badabok darah di badan,
baganta sagalo batang tubuah, mandanga imbauan Mamak cako, mangko
kamanakan capek kamari
++ Lorong kapado badan diri Mamak kini ko, ibaraik Kuciang, Kuciang
lah tuo, gilo bakaluak disuduk dapua, mananti samba nan taserak,
manunggu labiah jo siso urang, kok kadikaja mancik, dibadan indak
tagarai, kok lai dapek bana, digigi indak manalok, sadangkan nasi
dingin alah bahambuh, balain bana jo maso saisuak, maso dahulu jadi
Kudo Pacu, urang macaliak ka awak sadono, maso sagalo ado di awak,
indak sia indak awak, baitu pulo maso Kudo Palajang Bukik nan alah
lewaik, maso lai kuaik mancari, indak ado bukik nan inda tadaki,
indak ado lurah nan indak taturuni. Tapi samantang pun baitu, kok
indak dapek jo harato, jo tanago Mamak bari, indak dapek harato jo
tanago, mangko pituah Mamak sampaikan. buliah nan lapeh utang Mamak,
untuang lai tapakai, kok indak buang sajo dalam samak, dihanyuk ka
aia dareh jadih juo
** Oii Mamak kanduang janno denai, takuk ganta kamanakan mananti,
raso ka taban tampek tagak, raso karuntuah langik nan tujuah, elok
Mamak bari jaleh, buliah nan sanang kiro-kiro, apo garan malah
kiniko ?
++ Oii Kamanakan janno Mamak, Dek bisiak alah samo kadangaran, dek
imbau alah samo kalampauan, alah basuluah mato ari, bagalanggang mato
rang banyak, alah balangkahkan sapanjang adaik, tingga disyarak nan
alun lai, hari sapakan nan dinanti, maso kamanakan surang jadi baduo,
tando Kamankan alah balaki, disinan mulo kapa balaia, balaia dilauk
kahidupan, mangko kini Mamak sampaikan, danga dek Kamanakan elok-
elok, simakkan bana-bana.
Tantangan ilmu urang balaki, pabaiak pikia kalakuan, paelok laku jo -
taratik, kok datang laki dari jauah, japuklah jo muko manih,
hidangkan-minum jo makanno, paliekkan ati nan suci.
Kok barundiang samo-gadang, aibno nan usah dibukakkan, sabagaimano
akal budi, tutuik dek upiak mati-mati, saangok jan mangok, saangin
jan buliah lalu, parik paga di Kamanakan kanduang, ibaraik mamakan
abih-abiah, kok manyuruak dalam-dalam, jan sarupo manyuruak di
ilalang salai, nan disalo samak tampa juo. Kok ano datang talambek,
kok ano indak kunjuang pulang, jan maupek tantang itu, kana kok ano
sadang sansaro, rila jo saba panampakkan, urang saba kasihan Allah.
Kok maraso-raso juo kok indak manyanang di ati, liek ano sadang suko,
sadang duduak surang, ajak saketek bakucindan, sambia manyingguang jo
kiasan.
Kok tantangan makanan jo minumannyo, salalu sadiokan dek Kamanakan,
tasaji baiak ateh dulang.basungkuk jo tuduang saji
Kok ano sadang pai, datang urang mananyokano, jawek dek Kamanakan
baru bajalan, baru malangkah sabantako, alun li jauah bana, mungkin
baru dibaliak dapua, atau sakiro dilabuah gadang, bia baduto agak
saketek, supayo asuang pitanah jan no lalu.
Kok Kamanakan pai bajalan, usah lupo mamintak ijin, baitu jano syarak
kito. kok pai naiak bendi, jan sabendi jo urang lain, nan bukan bukan
dunsanakno, tapi kok sarik bana bendi kaditumpang, tapaso kamanakan
basamo jo urang lain, kain nan usah basingguangan, itu pantangan
urang tuo-tuo, baa sabab dek baitu, abih gali dek galitiak, ilang
biso dek biaso, nan mato paliangan setan, nan ati paliangan Allah.
disinan malu mangkono ilang. cacek nan indak taubek-i
Tanah sabingkah alah bamiliak, rumpuk sahalai alah bapunyo, malu nan
alun ka babagi, Nyampang kok malu lah babagi, tando cilako nan
kadatang, ibaraik pintu indak bapasak, murah dek maliang mamasuak-i.
Ciek lai Mamak sampaikan. Kok duduak kamanakan di alek jamu atau
ditangah nan rami, mato nan usah dipalia, mancaliak cukuk sakali
sajo, caliak dek Kamanakan jo suduk mato, Kok galak usah dareh bana,
cukuk tasengeng diujuang bibia, disinan Kamanakan mangko dipuji
urang, elok laku rancak parangai, jadi tuladan urang sakampuang, jadi
pidoman urang sanagari.
Sakitu dari Mamak, utang nan alah mamak baia, nak langsai kasadono.
Limbak nan dari pado itu Mak Etek kan lai pulo, buliah baliau nan
kamanukuak jo mambilai, atau mamapek nak no pareh.
** Oiii Mamak kanduang janno denai, alah disimak dari awa sampai
akhia, alah cukuk samparono, kok diulang sinan juo katibono, kok
diulang bana, ditikam jajak kok no sipi, dititi batang kok no galia,
elok Kamanakan simpan dalam hati, siang nan dikajadikan tungkek,
malam tibo jadi kalangulu, baitu niaik kanamanakan, alah kasanang
hati Mamak.
--- In [EMAIL PROTECTED], "Ronald P Putra"
<[EMAIL PROTECTED]> wrote:
>
> Waalaikum salaam Wr Wb
>
> Mak, Kalau iyo ado yang indak namuah bapacik an jo bini/lakinyo
> di muko umum, itu marugi namonyo tuh mak :-)) Ba a kok baitu, dek
> karano urang yang indak halal seh namuah bapacik an di muko
> umum, masak yang alah halal koh malah indak namuah
> dan manjago jarak..?
> Marugi namonyo tuh... :-))
>
>
> wassalaam,
> Ronald
>
>
>
>
>
>
[EMAIL PROTECTED]
> Sent by: To:
[EMAIL PROTECTED]
> [EMAIL PROTECTED]
cc:
> ntaunet.org Subject:
Re: [EMAIL PROTECTED] Cup ! ( pergaulan suami - sitri yang kelihatan
sepele ,
> tapi
perlu )
>
> 12/08/2004 01:42
PM
> Please respond to
palanta
>
>
>
>
>
>
>
> Assalamu'alaykum Wr.Wb.
>
> Rangkayo Raima Rahim sarato Sidang Rn
>
> satantangan sayang ka "bini" indak bapanampakkan ko, iyo baitu nan
> ajaran nan tuo-tuo.
> Sio nan indak ka sayang jo "bini"no ? ambo raso sado nan jadi apak-
> apak, tantu lai sayang ka "bini"no, antah kok indak ado hubuangan
nan
> elok antaro kaduono. Kalau indak kasiah jo sayang, indak ka lahia
> anak ka dunia nangko doh.
> apo nan disampaikan dek Rangkayo, bahwasono indak buliah
> mampanampakkan sayang ka "bini" tu, ambo raso itulah nan manjadi
> pamikiran diurang-tuo-tuo dulu, mako tasabuklah nan baitu.
>
> Wakatu ambo ketek-ketek dikampuang, ambo mancaliak bana, kalai ado
> urang balaki bini ka kapai (umpamono ka pasa), mako nan bajalan dulu
> adolah nan padusi, nan laki-laki bajalan dibulakang, indak
> bairiangan / bagandengan bagai doh, lah dakek panantian oto ka
kapasa
> sajo baliau batamu.
> Kalau tibo ditampaik baralek atau bakumpua dirumah, nan laki-laki ko
> jarang bana nan duduak dakek padusi, ibaraik urang indak bakatauan
> sajo baliau ko baduo, padusi karajo atau maota, nan laki-laki baitu
> pulo, karajo surang-surang.
> Ambo pualang kapatangko, iyo alun tampak pulo diambo urang balaki-
> bini nan bapacik-pacik-an bajalan baduo-duo. tapi kalau nan mudo-
mudo
> nan alun balaki-bini iyo banyak bana nan bapacik-pacik-an. Wakatu
> katurun oto, ado urang gaek nan katurun, indak ado nan mamacikkan
> doh, padohal alah tagurajai baliau ko turun. Dibaliak pado itu, ado
> pulo anak gadih na turun oto, basicapeklah nan mudo mamacikganno.
> kadipangakan ? baitulah nan tampak. Onde lah kam pulo carito kini
ko.
>
> Wassalamu'alaykum Wr.Wb
>
> Bandaro Labiah
>
> n--- In [EMAIL PROTECTED], Rahima <[EMAIL PROTECTED]> wrote:
> > Waalaikumsalam.Wr.Wb.
> >
> > Hmmmm..da Bandaro Labiah.
> > Ada baiknya sebagai seorang istri ( juga sebaiknya
> > para istri yang lain ), menjawabnya, karena ini
> > menyangkut perasaan istri.
> >
>
> ----- cut -----------------
>
>
>
>
> --
>
> This e-mail may contain confidential and/or privileged information.
If you are not the intended recipient (or have received this e-mail
in error) please notify the sender immediately and destroy this e-
mail. Any unauthorized copying, disclosure or distribution of the
material in this e-mail is strictly forbidden.
>
>
>
> ____________________________________________________
>
> Berhenti/mengganti konfigurasi keanggotaan anda, silahkan ke:
> http://rantaunet.org/palanta-setting
> ------------------------------------------------------------
> Tata Tertib Palanta RantauNet:
> http://rantaunet.org/palanta-tatatertib
> ____________________________________________________
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
--
This e-mail may contain confidential and/or privileged information. If you are
not the intended recipient (or have received this e-mail in error) please
notify the sender immediately and destroy this e-mail. Any unauthorized
copying, disclosure or distribution of the material in this e-mail is strictly
forbidden.
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
