Assalamu'alaykum Wr.Wb.
Bundo Nismah sarato Sidang RN. tarimokasi ambo sampaikan ka Bundo Nismah nan alah mambari jo mambagi pulo ilimu nan ado di Bundo kapado ambo, samo iko tamasuak dalam "Ilmu nan bamamfaaik" aaaamien !! supayo nan tarang jo jaleh pulo bagi Sidang RN, sabalunno dibiliak ketek (Chat) ambo lah bacarito jo batanyo ka Bundo Nismah. adopun nan ambo caritokan dan tanyo ka Bundo Nismah adolah : Kapatangko ambo maota-ota di lapau kopi, dek lamak carito kian kamari, dari pulitik, ekonomi, sosial, pakaro sawah jo ladang, kampuang jo nagari sampai pulo ka agamo, pokokno sagalo langkok, ado sajo nan manyolo ado pulo nan manjawek, Maklumlah nan namono Lapau Kopi ko urangno iyo sagalo langkok pulo. Ado ciek nan manjadi tanyo-tanyo dalam ati, dalam maota dilapau kopi tu, ado nan mangatokan kalau Sumbayang ko indak "diwajibkan" dalam Alqur'an doh, tapi nan "mawajibkanno" adolah Sunnah Nabi, baliau manarangkan kalau di Alqur'an mangatokan "Dirikan Sholat dan tunaikan zakat" bukan mawajibkan sarupo Puaso nan jaleh-jaleh dikatokan "wajib" : "Diwajibkan ateh kamu bapuaso dalam bulan Ramadhan sabagaimano telah diwajibkan ateh ummat sabalun kamu" Dek mangecek sapanjang aka, manjangkau sapanjang tangan, alah ambo cubo pulo badebaik sasuai jo nan ado diambo, ba a ka aka ambo cubo manjawekno, sampai jo alasan Hadits dan lai sabagaino, tapi karano ilimu alun li bara, nan tau indak pulo banyak, iyo masih tabangakalai carito tatang Sumbayang tu. Paralu pulo ambo sampaikan, bahwasono, baliau nan mambukak pakaro Sumbayang tu, mangakui dan manarimo pulo kalau Sumbayang adolah "Wajib" hukumno, jadi baliau indak pulo mambantah kalau Sumbayang tu wajib doh. Dari sinanlah timbua jawek nan datang dari Bundo Nismah, nan kini alah masuak ka biliak gadang (RN. Sakian dari ambo, maaf juo nan bamintak kok ado kato nan indak pado tampaikno, dan sakali lai tarimokasi kapado Bundo Nismah Wassalamu'alaykum Wr.Wb. Bandaro Labiah --- In [EMAIL PROTECTED], "[EMAIL PROTECTED] Nismah Rumzy" <[EMAIL PROTECTED]> wrote: > > Assalamu Alaikum W. W. > Tadi bundo coba search Al Qur'an Nur Karim dan bundo jumpai: > Surat AnNissa ayat 103 > Surat Al An'aam ayat 72 > Surat Ibrahim ayat 31 > Surat Al Israa ayat 78-79 > Surat Taha ayat 14 dan 132 > Surat Al Hajj ayat 77 dan 78 > Surat An Nuur ayat 56 > Karena bundo tidak bisa bahasa Arab bundo baca saja terjemahannya dan > silakan Bandaro telusuri lagi artinya. > Wassalam dan maaf > Bundo Nismah > > > ____________________________________________________ > > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
