"Ridwan M. Risan" <[EMAIL PROTECTED]> wrote:
Ado nan babedo pitiah Rp.1 M ditangan pejabat jo ditangan pengusaho.
Ditangan pejabat, jadi rumah sadang-sadang, atau jadi oto satangah rancak,
atau untuk baralek gadang anak gadih, atau dibalikan tanah dipabiakan indak
tauruih. Ditangan pengusaho jadi modal untuk membuka usaha baru, dapek
untuak usaha ketek-sadang, dapek untuak usaha sadang-sadang, dapek untuak
usaha gadang. Baa ko baitu?
Assalamu'alaikum wr. wb.
Mamak2 nan dimuliakan Allah.
Allahu Akbar 3x, walillahilhamd.
Takbir alah basahut sahutan disaluruah musajik di kandang singo ko sajak hari
Jum'aik nan lapeh walaupun suaro no indak bisa didanga dilua musajik. Pagi2
urang alah rami ka musajik untuak malaksanakan sumbayang sunat hari Rayo,
saroman jo tahun2 sabalunno sahabih hari rayo mereka malakukan ibadah
panyembelihan hewan korban. Tapi tahun ko rupunyo ibadah kyurban indak bisa
dilaksanakan karano kambiang nan dipasan dari Australia alun datang nan kecek
patinggi MUIS (majelis Ugama Islam Singapore), kambiang baru bisa datang hari
akaik karano cuaco buruak sahinggo kapa indak bisa balayia dari banua selatan.
Pagi hari akaik dapek lagi barito bahaso kambinag baru bisa datang siang hari
jam duo, tunggu punyo tunggu baru jam 5 sore kambiang partamo datang di musajik
dan sebagian musajik baru dapek kambiang sasudah jam 9 malam, malam tadi dan
barulah mereka bisa mandabiah malam tu sampai pagi mungkin dilanjuik-an hari ko?
Nan jadi pertanyaan manga mereka maimpor kambiang dari AU bukanno dari tetangga
nan dakek, memang ado nan sabagian musajik nan maimpor dari Malaysia tapi itu
man beberapo.
Jumlah musajik dikandang singo ado sakitar 70 buah, kalau rato2 ciek musajik
bakorban 100 ikua kambiang mako untuak hari rayo ko dibutuahkan 7000 ikua
kambiang. Tarok lah sikua kambiang siko harago no 200 dolar jadi untuak ko si
alah baredar dana sabesar S$1400000 (Sajuta ampek ratuih dolar Sin), kalau
dirupiah kan dengan kurs 5500 didapek angko 7.7 M. Ambo kiro angko ko cukuik
gadang kalau kito bisa mansupply mereka jo kambiang korban sakali sataun. Ambo
indak tahu apokah alah ado pengusaha kambiang Indonesia (bukan kalaih
kambiang) nan mancubo untuak manjajaki potensi ko. Tapi untuak masuak pasa
Singapur jo produk pertanian indak cukuik mudah karano harus talabiah dahulu
dapek sertifikat dari AVA (argo Vetenary Authority) dan sampai kini produk2
argo Indonesia alun ado nan dapek lisensi dari lembaga ko lai.
Ambo baagan2 kalau ado pengusaha awak nan amuah menjajaki bisnis ko akan
sangaik gadang pengaruhno untuak patumbuhan ekonomi khususno dinagari awak
sumbar. Bara banyak anak kamanakan awak nan bisa terserap jo industri pertanian
ko, akarano kabutuhan produk pertanian di nagari singo ko sanagaik gadang
saroman ayam, talua, dagiang jawi, kambiang, sayua, buah2an dll.
Ambo kiro gagasan gadang dari mak Sampono Sutan bisa kito mulai dengan
manggalakkan Agro Industry nan cukuik potensial dan bisa menyerap tanago nan
cukuik gadang. market potensial untuak komoditi tu bisa triliyunan rupiah
sataun di nagari singo ko. Sinergi sakali lai senergi sangaik dibutuahkan
untuak mamulai upayo nangko.
wassalam
Junaidi
---------------------------------
Do you Yahoo!?
Yahoo! Mail - 250MB free storage. Do more. Manage less.
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
