Mak Lembang Alam, Assalamu'alaikum wr.wb. Ambo manambah saketek, carito nan ambo baco dan danga tantang asa usua urang Sangir Talaud jo rajo-rajo nan banyak ditampek ambo batugeh dulu di Davao,Filipina Selatan.
Rajo-rajo nan ado didaerah mulai dari Minahasa (Sulut),Sangir Talaud sampai ka Mindanao rato-rato samo caritonyo, yaitu katurunan Dewa dari langik nan diturunkan malalui puncak gunuang. Anak Dewa ko dapek hukuman dan mangambaro kadataran randah dan basuo jo katurunan manusia nan barasa dari pantai,lalu kawin dan baranak. Katurunan dewa kolah nan ditarimo sabagai katurunan rajo-rajo,pado awalnyo. Jadi nampak ado kesamaan carito perkawinan antaro katurunan dewa ( Hindu) jo katurunan dari pendatang darilauik nan terakhir dibao oleh saudagarsaudagar dari Eropah (Kristen) dan Timur Tengah (Islam) dan China (Budha). Ras Malayu kabanyo tabantuak dari percampuran antaro katurunan imigran Timur Tengah,daratan China dan panduduak asli, tajadi sajak zaman sabalun mencairnyo es dikutub dimano daratan China masih manyambuang jo kapulauan Nusantara tamasuak Filipina,Malaysia dan Taiwan. Perdagangan jadi tambah maju dikawasan tu sasudah mancairnyo es dikutub dan ditemukannyo parahu pinisi disuku Bugis. Suku-suku asli Mindanao mangaku mereka tamasuak ras Malayu. Ado nan mancatat sekitar 6000 kato dari bahaso daerah di Mindanao nan hampia samo jo bahaso Malayu. Wallahu alam bisawab, wassalam, Asmardi Arbi. -----Original Message----- From: [EMAIL PROTECTED] [mailto:[EMAIL PROTECTED] On Behalf Of muhammad dafiq saib Sent: 31 Januari 2005 20:53 To: Palanta RantauNet Subject: Re: [EMAIL PROTECTED] RE: palanta Digest, Vol 32, Issue 2 Assalamu'alaikum wr.wb., Tarimo kasih pak, untuak tambahan katarangan ko. Manuruik pangamatan awam ambo, jo bahaso daerah nan ado kini, tampakno bisa pulo dibuek korelasi untuak manunjuak, suku-suku nan maa nan sarangkek tibo di saantero Nusantarako. Di pulau Jawa kasajawaanno buliah dikecekkan sarangkek tibo, barikuik pulo jo Bali, nan manjadian mareka satu bahaso sajak dari ujuang baraik pulau Jawa sampai ka Bali, jo saketek pabedoan antaro Sunda jo Jawa. Namun nampak akar bahaso tu masih identik. Madura mungkin indak tamasuak ka dalam kalompok ko doh. Batak sangaik buliah jadi samo turun jo Toraja. Nampak dari kamiripan rumah adaik kadua etnik ko. Dan mungkin saasa sarato sangkatan pulo jo panduduak Sangir Talaud. Malayu, sajak dari Malayu Deli, Tanah Samananjuang, Kapulauan Riau, Jambi, Malayu di Kalimantan Barat adolah satu angkatan tasandiri. Sudahtu bairiang-iriang (antah nan maa nan daulu) jo Minangkabau nan sangaik mungkin sarangkek turun jo Banjar. Banyak pasamoan kato-kato sahari-hari antaro kaduo suku nan tarakhirko. Nias saangkatan jo Dayak agakno. Palembang jo Lampuang satu angkatan pulo. Tapi nan maa nan daulu tibo iyo sarik agakno manantuan. Pakaro namo Parahiyangan (Padangpanjang) jo Parahiyangan di tanah Sunda, ambo raso samo-samo barasa dari bahaso Sanskerta nan jadi bahaso pangantar agamo Hindu katiko itu. Aratino adalah nagari / tampek manyambah kapado Hiyang. Mungkin ado pulo nan lain nan kamanambah jo manukuak. Wassalamu'alaikum wr.wb., Lembang Alam ----- Original Message ----- From: Zaimir Gazali <[EMAIL PROTECTED]> To: Palanta RantauNet <[email protected]> Sent: Saturday, January 29, 2005 10:25 PM Subject: Re: [EMAIL PROTECTED] RE: palanta Digest, Vol 32, Issue 2 > Pekanbaru,29.01.2005 > Yang terhormat sidang Palanta! > Assalamu'alaikum Wr.Wb. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
