Assalamulaikum WW Mak Ngah, rupono WTO (World Toilet Organization) alah maju jauah, tapi nan dikampuang masih banyak bajalan ditompat. Masih banyak rumah nan alun punyo jamban. Tapasolah bajamban di banda atau ditanah kosong sajo. Banyak anak ketek nan indak betah sawaktu pulang kampuang dek masalah perjambanan nan jauah babeda jo dirumah mereka saharihari.
Mbo pernah, sawaktu ka jadi mualim I atau mulaim kapalo dulu, nasehat pertama dari personlia laut adolah soal perjambanan iko. "Kebersihan atau budaya seseorang akan dinilai urang patamo sakali dari kebersihan jambanno". Baitu juo nagari akan mambarikan "first image" dari perjambananko. Apo lai didaerah tujuan wisata. Ambo takana jo kisah pak Zulharbi Salim, sawaktu mambao tamu baliau nan dari Timur Tengah bakunjuang kasuatu objek nan indak ado dikampuang tamu nantun. Objek wisatano adolah tugu equator nan ado di Bonjo. Astagfirullah, kecek tamu tu, dek apo, indak dek kagum jo objek nan dicaliakno doh. Tapi dek diobjek tu indak ado jamban, mako objek penting wisata nantun alah barubah jadi jamban. Ambo ka bacarito pulo pangalaman pribadi ambo, sawaktu kadatangan tamu nan tatarik merekrut orang awak sebagai senior engineer di marine and oil & gas repair and fabricator milik mereka nan sadang banyak order. Sudah tantu nan datangko adolah top managemen dari perusahaan mereka. Salah surangno batitel balampih lampih dibidang tukang insinyurko. Sawaktu alah salasai karajo dihari kaduo, saat itu sekitar jam 16:00 WIB. Dek mereka nginap di Hotel Sari Pacific nan balokasi didaerah macet, jalan M. Thamrin Jakarta, mako kami bapikia nan agak praktis untuak maajak mereka bajalanjalan mancaliak Jakarta. Mereka adolah untuak patamu kali datang ka Jakarta. Untuak maefektifkan waktu mereka nan tingga saketek dan dapek mancaliak nan banyak, mako kami maambiak keputusan manggunokan "Bus Way" nan anti macet, dek punyo jalur sendiri, sajo. Kami muloi naiak bus way di muko Sarinah, manuju ka kota, tantu patamo nan diliwati atau diperkenalkan adolah lapangan merdeka dan museum nasional, istana negara dan terus kedaerah pacinan Gajah Mada. Masih banyak nampak toko hancua dek krisis demo ditahun 1997 dulu. Kami turun di stasiun kereta api Kota, bajalan kaki manuju museum Fatahillah, bangunan kuno buatan Bulando. Mereka takagum-kagum mancaliak bangunan kuno itu, walau indak bisa masuak kadalam dek alah butuik. Sawaktu bajalan dimuko, dipalataran nan lawehtu, ambo mancubo mamperkenalkan bakeh tahanan bawah tanah nan dipagunokan Bulando untuak manyiksa tahanan politik dll. Disaat itu, indak dapek disuruakan kama mukoko lai doh. Iko akibat "tandas awam" indak ado. Jadino malulah nan ditangguang dek rombongan kami. Apo nan mambuek malu. Rupono ditahanan bawah tanah nan dibawahno taganang aiai nantun, ado seorang ibu nan sadang mancangkuang tamanuang mambuang hajatanno disitu. Kami indak dapek manahan katigo tamu mancaliak nan paliang bakesan dek mereka tu, dek mereka langsuang mangikuiko ambo dari bulakang. Kesan patamu mereka nan manunjuakan bahaso di Jakarta nan adolah untuak patamo sakali mereka kunjuangi, ditempat wista terhormat, situs berharga seenakno sajo diciiki dek masyarakat. Astagfirullah. Untuang pajalan masih dapek dilanjuikan ka Pelabuhan Sunda Kelapa dan memotong kota Jakarta dari Utara ke Selatan untuak mancari oleholeh di Pasar Raya Blok M. Jakarta sajo bantuak iko, apo lai didaerah. Kan baitu kesan mereka tentang wisata Indonesiako. Hancuuuuuuuuurrrrrrrrrrr. Jadi ide mak Ngah untuak maangkek WTO-ko sacaro nasional, paliang indak didaerah Minang sajo dulu rancak bana. Iyo sabana indak tabedo malu awak dekno dek mambari kesan nan paliang bakesan bagi tamu adolah situasi atau keadaan perjambanan nan jauah dari manusia bermartabat. Cieklih mak Ngah, bia lengkap. Sawaktu kami pulang basamo, sasamo alumni SMA 1 Bkt, sangat terkesan juo tentang keadaan jamban di SMA 1 tu, baunno labiah kareh dari kajamban urang mamakan patai. Rupuno indak di SMA 1 sajo doh, hampia saluruh jamban diapasa Bukik Tinggi, sahingga ramai pulolah kami badiuskusi satantangan pajambananko di milist SMA 1. Sampai kami maadokan sistim reward and punnishment untuk prestasi SMA 1. Salah satuno adolah mengenai perjambanan dan kebersihan. Baa jikok WTO atau UPS (Urusan Perjabanan Sumbar) ko awak pakecekan basamo? iyo sero juo jadino nantikko. Kecek AA Gym, mulailah dari diri sendiri, kemudian disekitar kita dst. Jakarta alah maju jo aturan maisok eh marokok ditompaik umum. Baa jikok Sumbar maju jo "Tandas Awam" ko? Alah duh yo, panjang mek. Alah tasasak lo paruik ah. Wass. WW St. Parapatiah ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Sent: Thursday, May 12, 2005 9:54 PM Subject: [EMAIL PROTECTED] Gerakan Seribu Tondeh > Maa Rang Lapau nan Basamo, > > Samantaro Mak Ngah mancaritokan arati Tondeh (Caro Awak) dan Tandas (Bahasa > Melayu, Indonesia) dalam posting sabalun ko, ruponyo banyak urang kuliliang > dunia nan interesan jo soal iko. Barangkali rancak kalau ado urang awak nan > dapek menggelorakan pemikiran pembaharuan partondehan ko. Baa tu Angku > Ambrar di Baruah (Australia). Takana di ambo Angku Abrar lah mamuloi ide ko > untuak diterapkan di kampuang. Rancak sato ka konperensi ko barangkali > untuak mandanga baa langkah-langkah pambaharuan tu. > > Salam, > -- Mak Ngah > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
