Angku HM Dt. MB,
Turun naik jakun Mak Ngah mambayangkannyo. Siang hari cako sabananyo Mak Ngah laii mangoreng maco jo pataia tu, lankgok jo lado pakai sasam saketek. Ondeeh. Tapi, nan kurang, iyolah kulik patai tu dari irih-irih rencong tu. Karano patai nan datang kamari iyo dari Thailand, namo Thainyo "sator" lah masuak plastik disimpan di freezed. Mak Ngah taruih manaruahnyo. Tapi iyo bak kecek Eva, harago patai sabungkuih ketek tu kiro-kiro samo sakilo dagiang. Tapi baa lah, dek Mak Ngah iyo bana ka tangka jumbalang rasonyo.
Nah Urang Jawa indak tantu nan lamak ko rupono. Wakatu duo tahun nan lalu, musim patai di Banjarnegara. Di rumah mintuo ruponyo diabuihnyo sajo patai tu, kuliknyo indak dimakan. Mak Ngah pai ka dapua ditunjuakkan ka urang dapua, baa mairihnyo, saroman irih nan dsiabuikkan Angku Dt. MB tu, takana amak nan lah almarhumah pulo. Sudah tu disuruah pulo goreng jo lado jo ikan tri. Tacangang urang dek awak makan patai tu jo kulik-kuliknyo, badaruak-daruak lo lai.
Nah, ipa ambo nan tingga di Solo suko masak Minang, manjua nasi masakanpadang untuk ana-anak sikola jo mahasiswa sinan. Suaminyo tantara dulu di Sumatra Barat jadi lah kanai pangaruah makanan awak saleronyo. Mancaliak Mak Ngah makan goreng patai jo kulik-kuliknyo tu, inyo iyobana maangguak-angguak, iya, iya, keceknyo, begitu orang di Padang. Di kadai nasi ipa ko di Solo lah batambah menunyo salain goreng jariang balado, kini lah ado lo patai goreng balado tu. Kabanyo lai kahiyunan jo anak-anak urang awak ka Lapau Keteknyo tu.
Salam, -- Mak Ngah
37045
From: <[EMAIL PROTECTED]> Date: Sun Feb 13, 2005 10:12pm Subject: Re: [EMAIL PROTECTED] Patai Milk Shake
Mak Ngah,
Kok diambo sajak ngenek ibunda ambo almarhumah, patai ko acok di irih rencong, sudah tu di goreang, alah samparono matangnyo dikaluakan dari kuali. Sudah tu di goreang lo lado sampai matang, lalu dikalincaukan patai nan alah digoreang tadi jo bada maco nan sabalunnyo juo alah digoreang dan juo kantang diirih balah salapan dan digoreang. Dikacau/diaduak katigonyo sampai rato. Sudah tu dibaok ka tangah meja, angek2 makan jo nasi angek bareh Solok, ondeeeeee...... iyo sabana lasaff rasonyo. Tantu Bundo Nismah atau siapo sajo urang Minang pernah mamakan patai goreang nan ambo sabuikkan tadi.
No virus found in this outgoing message. Checked by AVG Anti-Virus. Version: 7.0.300 / Virus Database: 265.8.7 - Release Date: 2/10/2005
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
