Assalamualaikum wr.wb :
Babarapo wakatu nan lalu Mak Ngah pernah mamposting
tantang kasibaran yaitu kanai tularan suatu panyakik
atau disabuik juo katularan . Karano kala itu ado
kanti kito nan lah kanai kasibaran panyakik surek
barantai . Nan ka ambo sampaikan kiniko adolah suatu
panyakik juo nan disabekkan kanai tagua atau sapo dek
dubilih ( makhluk halus ) . Gejala nyo adolah mandadak
sajo damam dan suhu badan tinggi dan acok mangigau ,
dan setelah babarapo hari biasonyo kalua bintik merah
merah disekujur badan , nan kadok kanai adolah anak �
anak . Baa kok bisa kanai tagua dek dubilih , mungkin
sajo namonyo anak anak sanang bana maaru - aru
mancari bada tanah atau bada puyu dikapalo aiea ,
atau bulakan nan ado mato aienyo , dan manuruik urang
tuo tuo , disinan ado panjagonyo dan tampek basarang
para dubilih ( tampeknyo sati ) . Maraso
kanyamannnyo taganggu mako disaponyo lah anak anak tu
, boleh jadi sapo disiko diberanginyo . Namonyo sae
kanai panyakik abnormal tantunyo nan bisa maubek indak
angku doto doh , tapi paranormal atau caro kampuangnyo
dukun atau tukang manto ( mantera ) . Pengobatannyo
manggunokan ureh ( sitawa , sidingin , kumpai ,
cikarau , limau kapeh , anak batang pisang rajo ,
bungo wawar) , satalah dimantokan bahan urehtu ditarok
dipanci dan diagiah aiea dan diurehkan atau
digalacikkan kapado sia nan sakik dan insyaallah cegak
. Sampai kini (wakatu ambo pulang bulan September 2004
kapatang ) kabiasaan pai baureh katukang manto tu
masih ado dinagari awak dan ruponyo ilmu/ kapandaian
ko diwariskan secaro turun temurun , walaupun
Puskesmas lah ado ditiok Kecamatan .
Kataguran = Kemasukan (Ind)=Kesurupan ( Jawa/Sunda ? )
= Kerawuhan ( Bali ).
Wassalam : zul amry piliang di jimbaran bali
__________________________________
Do you Yahoo!?
Read only the mail you want - Yahoo! Mail SpamGuard.
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
