Assalamu'alaikum ww.
Mamak-maka jo dunsanak sidang palanta.
Bicaro tantang pendidikan, apolagi kalo
dibandiang-bandiang jo apo nan awak jalani dahulu
katiko dididik jo di aja dek urang gaek sarato
guru-guru di kampuang, memang taraso bana bedano.
Raso takuik jo raso hormat ka guru, katiko dulu memang
jauh beda jo apo nan caliak dan mungkin alami kini.
Ambo takana, katiko dulu sikola di SD teladan Padang
Lua iyo taraso banah bakehno sampai kini. Masih
takanan dek ambo baa sayangno Ibu Jus (Kapalo sikola
kami, dari Balai Balai bagamba, kamurik-murik, tapi
dibaliak raso sayang baliau taraso pulo baa tegas
baliau dalam maaja jo managakkan disiplin. Katiko
baliau maaja, manggantikan guru nan baalangan datang,
suasana kelas panuah perhatian. Wakatu itu kami ado
nan malipek tangan ado nan mamacik pituluik atau pena
untuk mancataik apo nan disampaikan baliau. Suasana
taratik iyo taraso. Takana dek ambo Ibu Azizah, nan
indak sagan-sagan mamacik tangan kami manulih aluih
kasa (di Kelas 1 dan 2). Baitu pula katiko Ibu An (Ibu
Alfiani Syukur) nan maajak kami baraja sambia bamain
peran (katiko kelas tigo), tantangan carito Puti
Bungsu jo Dang Tuangku. Ibu Asni dan juo Pak Mawardi
jo garah baliau sambia maaja berhitung, Pak U (Pak
Khairul) nan maaja olah raga), Ibu Aisyah nan maaja
agamo. Sarato guru-guru lain nan maaja kamikutiko itu.
Nan ambo rasokan adolah Beliau para guru memang bukan
hanya sebagai pengajar tapi lebih dari itu
beliau-beliau juga adalah pendidik. Beliau adalah
GURU (nan digugu jo ditiru). Semoga ilmu yang
bermanfaat yang diajarkan beliau selalu dapek ambo
ingek dan menjadi balasan yang baik untuk beliau kelak
disi Allah.
Disisi lain, urang tuo awak dahulu, maraso paralu bana
anak harus baraja agamo. Kalo indak sore hari, makop
malam sahabih mugarik di Surau.
Takana dek ambo, katiko habih mugarik kami dulu baraja
mangaji di rumah Ibu Haji Jaema (di Koto) sasudah itu
jo Ibu Suna di SD 1 Balai dakek musajik Jami' Padang
Lua. Indak hanyo itu, urang tuo katiko ambo manjalang
salasai SD, manyarahkan ambo ka Inyiak Surau Batu
Parabek, nan balapau wakatu itu di Simpang Parabek
dakek Jambatan Durian - Sungai Tanang. Nan
disampaikan jo disarahkan dek ayah ambo wakatu itu,
"O mamak eko cucu mamak namono si Ardi, ambo sarahkan
ka mamak untuak baraja mangaji. Kok salahno tolong
mamak ingekkan kita, kok malawan inyo iko ambo bao
rotan pahukumno. Kok mangaduno beko lantaran mamak
berangi, bia ambo tambah malacuik di rumah. Dek
mangaji disiko balampu, mak, Iko ambo baok an minyak
saboto. dan iko sagetek mak uwang kamih cucu amakko.
Itu pinta ambo ka amak"
Mako kami mangaji, di tampaik baliau dari salasai
mugarik sampai jam salapan (Bajalan kaki taruih tiok
ari malam dari Durian ka Padang Lua. Alhamdulillah,
tigo bulan lamono mangaji di situ ado hasil nan sangat
menggembirakan ambo tamasuak urang gaek jo dunsanak.
(basambuang)
__________________________________
Do you Yahoo!?
Yahoo! Mail - 250MB free storage. Do more. Manage less.
http://info.mail.yahoo.com/mail_250
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
