Ass,wr,wb. Tintianglah taruih sanak Ndaro Labiah jo adinda A. St. Rky. Mulia, bia ndak taraso keminangan milis kito ko. Kalau Mak Ngah atau dunsanak nan lain ka maisi "PARINTANG" ko, rancak bana, silahkan.
Wass, HM Dt.MB ( hampia 48 ) ----- Original Message ----- From: "ardi ardi" <[EMAIL PROTECTED]> To: "Palanta RantauNet" <[email protected]> Sent: Wednesday, February 23, 2005 11:28 PM Subject: Re: [EMAIL PROTECTED] parintang > Assalamu'alaikum ww. > > Muaro nan indak sumarak lai > ikan dituka jo jaguang panggang > duniako indak salamaik lai > antah kama badan ka batenggang > > didangau subarang parik > di pimatang isoklah nipah > dek dirantau hiduklah sarik > kok pulang, mungkin barubah > > gunuang rajo gunuang nan tigo > bajalan kureta ka Sawah Lunto > bukan salah anak nan buruak pinto > tapi zaman ko bana makin manggilo > > ditanam indak ditampaikno > mati diasak angin limbubu > pidoman indak pitunjuak lupo > diri rusak, karajo ndak tantu > > di musajik urang lah abang pulo > badan bagaluang dalam saruang > bia nak larek di rantau urang nangko > rindu baubek jo bunyi saluang > > rami Batang Tabik di pukua duo > rami dek balimau jo bakasai > nan kanduang lah manjauah pulo > sansaro tibo badan marasai > > usah pulo dibaok pulang > beko dek miang urang sarumah > rusuah taraso tangguangkan surang > hanyo pado Tuhanlah tampaik basarah > > anak barabah ampek-ampek > di sarang balam bamain no. > nan dikaja indak dapek > nan ndak disangko malah jadino > > dibubuik capo diampehkan > di latak ditapi pamatang > punai di tangan dilapehkan > sabuang salapeh ari patang > > bungkuak marunduak balingkaran > duduak bado'a jo badikia > cangkuak tarubuak ditinggakan > cancang tadaek jadi ukia > > urang malapeh layang-layang > kilek jo patuih datang manyemba > untuak malawan dunia urang > mandakek ka Allah, manjadi taqwa > > Maaf jo ridha ambo pintak ka bakeh Mak Bandaro labiah > jo HM. Dt. MB > > Wassalam > A. St. Rky. Mulia (38,8) ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
