"siegfried" <[EMAIL PROTECTED]> Wrote : > > Assalamualaikum ... > > Batua sakali Pak Z, sampai saat ini sekolah yang bersifat proyek dari > Departemen ini masih ada. Sebagai contoh Departemen PU, saat ini mempunyai > sekolah kedinasan malah sampai ke S2 (magister) segala. Yang jadi > permasalahan nya adalah walaupun team pengajar adalah gabungan dari > perguruan tinggi (biasanya dicantolkan ke Perguruan Tinggi ternama , karena > tetap ijazahnya harus dari Universitas) dan para praktisi dari Departemen > sendiri, kalau input nya tidak terseleksi baik, he .. he hasil nya juga jadi > pertanyaan. Malah kadang cenderung untuk mengejar target kelulusan !!! >
Waalaikumussalam, ww Pado saat kiniko manyakolahan pagawai negeri sipil nan bakarajo di suatu instansi, kalau manuruik pandapek ambo, indak badasarkan kabutuhan doh, umpamonyo di depertemen PU kiniko balomba-lomba mausulkan dana untuk manyakolahkan stafnyo ka S2. Apokoh departemen PU alah maanalisis kebutuhannyo tantang kebutuhan staf nan berpendidikan S2 ?, kini ko hampia saluruih staf di PU tu alah S2, samantaro proyek di kabupaten ko hanyo mambangun bangunan sederhana kalau manuruik hemat ambo masih bisa di fasilitasi dari staf nan tammat D3 atau S1, sahinggo tajadi in-efisiensi pangaluaran uang pamerintah, kalau staf alah S2 tantu pangkek nyo batambah, batambah pangkek batambah pulo pangaluaran pamerintah karano gajinyo naik (jadi indak sasuai jo sistem pendidikan di Jerman jumlah murid sekolah adolah sasuai jo kebutuhan pagawai nan kapansiun + 10 % cadangan). Di kantua ambo Dinas Pendidikan Prop. Sumbar alah balomba-lomba pulo mamambiak S2 bamacam-macam caro penyelenggaraannyo ado nan mamakai ruang di Hotel Pangeran nan kuliah di hari minggu sajo antah bara minggu kuliah alah dapek pulo gala MBA, Phd. Adopulo nan kuliah di S2 Hukum di salah satu universitas swasta, samantaro tupoksi (tugas pokok dan fungsi) staf tu di kantua adolah pengolahan data statistik pendidikan. Untuak aa.... ?? S2 hukum di kantua Dinas Pendidikan ???, kamambukak pangacara pengolahan data ???. Jadi dalam otonomi ko indak ado aturan nan dipakai, padohal alah ado aturan dulunyo diwakatu ORBA bahwa staf pegawai negeri nan di izin kuliah apolai dengan dengan biaya negara harus sesuai dengan analisis kebutuhan serta relevan dengan tugas pokoknyo dikantua. Hal iko indak diparatian kini doh, sabab kapalo dinas nan diangkek datang dari luar (ado unsur politis) sahinggo jo aturan indak mangarati bahkan jo karajo nan kadi kakoknyo indak jaleh. Fatal error sekali bupati dan wali kota mengangkat pejabat teknis (Dinas-dinas) dengan unsur politis, sahinggo indak sasuai lai doh jo "in the right man in the right place" heee.. heee. maaf, bateori barat pulo ambo. Atau batantangan jo teori manajemen SDM Minangkabau, masak iyo nan buto palatuihan badia ?, aa... alah salah sasaran, tatembak urang lain deknyo !. Sabananyo bupati dan wali kota bisa berhasil jika kapalo dinas diangkek harus berdasarkan jenjang karir dan prestasi (staf yang berprestasi di dalam dinas tu sendiri) bukan orang yang didatangkan dari luar dinas dek karano ado unsur pesanan apak-apak awak di DPRD atau dek inyo dunsanak atau urang kampuang, masak iya kepala dinas pendidikan dari mantan camat ?, diwaktu mengadakan rapat dengan kepala sekolah bentrok dengan kepala sekolah karena tidak mengerti dengan kurikulum !, masak iya anggaran rutin SMK disamakan dengan anggaran rutin SMU, yang katanya kan sama-sama sekolah aa ! lo bedanyo !, kecek kapalo dinas pendidikan nan mantan camaik tadi. Indak taunyo doh bahwa SMK ko harus salain pembiayaan dana rutin, sarupo kapur tulis/spidol harus ado pulo biaya pambali bahan praktek sarupo basi, kayu dllnyo sasuai jo program studi nan dibukaknyo. Baitu pulo dalam pengangkatan camat, di babarapo daerah ado camat nan diangkek dari tamatan IAIN, Untuak aaa... ? sakolah STPDN/APDN dibuek ?. Samantaro urang di lua nagari menuju kespesialisasi supayo matang, samantaro awak di Indonesia ko indak paralu spesialisasi nampaknyo ?. Bahkan bupati tu mangecek ka masyarakait, bahwa; "untuk kapalo dinas, nan paralu kan manajemen, inyo kan indak bakarjo doh, inyo kan punyo anak buah !", baitu kecek bupati. Lai kamungkin pajabaik kapalo dinas ko bisa mamenej urang, kalau ka indak ado ilimunyo atau keahliannyo di bidang tu ?, baa lo ka mamenege tukang kayu bakarajo kalau nan jadi kapalo tukang adolah berlatar belakang tukang batu ?? (iko hanyo contoh ketek sajo !) Antalah makin otonomi makin balemak !!!, Banyak maaf, wassalam, Z. Rky. Mulie ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
